სპაზმის შეგრძნება ქოლესტერინის მაღალ დონეზე გვანიშნებს.

0
617

არტერიების შიგნით ცხიმოვანი ფირფიტების ზრდა, ცნობილი, როგორც ათეროსკლეროზი, ქსოვილებში ჟანგბადით და მკვებავი ნივთიერებებით მდიდარი სისხლის მიწოდებას ამცირებს. John Hopkins Medicine აღნიშნავს, რომ ფეხებში სპაზმები ამ მდგომარეობის ყველაზე გავრცელებული პირველი სიმპტომია.

სპაზმების შეგრძნება ვარჯიშის დროს ჩნდება და მშვიდ მდგომარეობაში ქრება, როცა ფეხის კუნთებს ამდენი სისხლი აღარ სჭირდება. პერიფერიული სისხლძარღვოვანი დაავადებების სხვა დამახასიათებელი სიმპტომებია თმის ცვენა ფეხზე და შეუხორცებელი ჭრილობები ქუსლებზე ან ტერფებზე.

ასევე მოსალოდნელია კანის ცვლილება: ფეხზე და ტერფზე უფრო გრილი, თხელი და/ან ბზინვარე კანი. შეიძლება შენიშნოთ, რომ ქვედა კიდურებში უფრო დაბალი პულსია და შეიძლება განგრენა (მკვდარი ქსოვილების განვითარება) განვითარდეს.

სისხლის მიმოქცევის დაავადებამ შეიძლება გამოიწვიოს იმპოტენცია (ერექციის მიღების ან მხარდაჭერის სირთულე).

კუნთებში შეიძლება იგრძნოთ შეშუპება, სისუსტე ან სიმძიმე, ასევე ტკივილი. სისხლის მიმოქცევის არ არსებობის გამო ფეხებზე ფრჩხილები შეიძლება გასქელდეს და გაუმჭვირვალე გახდეს.

შეფერილობაზე საუბრისას არ გაგიკვირდეთ, თუ კიდურები (ხელებზე ან ფეხებზე) მოწითალო–ცისფერი შეფერილობის გახდა. ფეხის თითებში წვა ან ტკივილი შეიძლება ღამით, დაწოლისას გამოვლინდეს.

ამ სიმპტომების დროს ექიმთან შემოწმება აუცილებელია, რომ ზუსტი დიაგნოზი დაისვას. თუ მაღალი ქოლესტერინი გაქვთ, მკურნალობის მთავარი მიზანია სიმპტომების კონტროლირება და დაავადების პროგრესირების შეფერხება.

ეს მოიცავს ცხოვრების წესის შეცვლას, რომ გულის შეტევის ან ინსულტის მოახლოებული საფრთხე თავიდან აიცილოთ. რეგულარული ვარჯიში, სწორი კვება და თამბაქოს მოწევაზე უარის თქმაც მნიშვნელოვანია.