პირველ რიგში, სწორი დგომა ჯანმრთელ ხერხემალს ნიშნავს. დგომის პრობლემები არა მხოლოდ ადამიანის ყოველდღიური ცხოვრების პრობლემა, არამედ მუდმივი დისკომფორტის, უხერხებლობის, ზურგის მუდმივი ტკივილის და ა.შ. მიზეზია.
დგომის დარღვევისას ადამიანს აწუხებს:: ზურგის მუდმივი ტკივილი; დაღლილობა; მალთაშუა დისკის თიაქრის შესაძლო განვითარება; თავბრუსხვევა და ბევრი სხვა.
რა უნდა გააკეთოთ დგომის გამოსასწორებლად, ზურგის ტკივილის გასაქრობად? – ამისთვის Vivien 3 ვარჯიშის შესრულებას გირჩევთ. დღეში 20-30 წუთი ვარჯიში საკმარისია.
ვარჯიში 1
ხელისგულებით კედელს მიეყრდენით ისე, რომ ხელები იატაკის პარალელურად იყოს. თქვენი სხეული იდეალურ 90 გრადუსიან კუთხეს უნდა ქმნიდეს.ასეთ პოზაში 2 წუთით გაჩერდით. თავიდან შეგიძლიათ თითო წუთით გაჩერდით. 2-3-ჯერ გაიმეორეთ.
ვარჯიში 2 – ყველასთვის ცნობილი პლანკა. პლანკა შეასრულეთ ისე, რომ იატაკს მხოლოდ ხელები ეხებოდეს (იდაყვიდან მაჯამდე) და ფეხის თითის წვერები.სხეულით იდეალური სწორი ხაზი მიიღეთ და ამ პოზაში 1 წუთით გაჩერდით. 3-4-ჯერ შეასრულეთ.
ვარჯიში 3
ყველაზე მარტივი, მაგრამ არანაკლებ ეფექტური. 2 ბალიში დაგჭირდებათ.იატაკზე ზურგით დაწექით (შეგიძლიათ სხვა სწორ ზედაპირზე დაწვეთ, მთავარია უხეში ზედაპირი იყოს). ერთი ბალიში მუხლების ქვეშ დაიდეთ. მეორე ზურგის ქვეშ ისე, რომ სხეული ამოიზნიქოს. ამ პოზაში 5-7 წუთით იწექით. 2-3-ჯერ გაიმეორეთ.
კარგი იქნება, თუ ყველა ვარჯიშს თანმიმდევრულად შეასრულებთ. დღეში 2–3–ჯერ საკმარისია. თითო მიდგომაზე სამივე ვარჯიშის შესრულებას 10-15 წუთში შეძლებთ.1 თვეში ნახავთ, რომ დგომა გასწორდა, სიარული გამარტივდა, ხოლო ზურგის ტკივილი გაქრა.
