ბევრს აინტერესებს, თუ როგორ მოიშოროს ჩამოკიდებული ქუთუთოები. ეს გავრცელებული პრობლემა სხვადასხვა ასაკის ადამიანს აწუხებს, თუმცა ხშირად შუახნის ასაკში გვხდება. პრობლემას ორგანიზმის დაბერების ბუნებრივი პროცესი იწვევს. გარდა ამისა, ქალებსა და კაცებს შორის მნიშვნელოვანი განსხვავებები არ არსებობს.
სამწუხაროდ, ჩამოკიდებული ქუთუთოს პრობლემას სახის კანის რეგულარული მოვლის პირობებშიც თავიდან ვერ აიცილებთ. ის ხედვას ძლიერ ცვლის, უფრო ამძიმებს, მოსაწყენს ხდის და წლებს მატებს. Vivien გასწავლით, როგორ მოიშოროთ ჩამოკიდებული ქუთუთოები ვარჯიშით.
როგორ მოვიშოროთ ჩამოკიდებული ქუთუთო სახლის პირობებში
ქუთუთოს ჩამოწევაზე ამწევი კუნთია პასუხისმგებელი. ასაკთან ერთად სუსტდება და თავის ფუნქციებს სრულად ვერ ასრულებს. თუმცა კარგი ამბავი გვაქვს: ნებისმიერი სუსტი კუნთი შეგიძლიათ აამუშავოთ. სპეციალური ვარჯიშის რეგულარული შესრულების შემთხვევაში შესამჩნევ შედეგს რამდენიმე დღეში დაინახავთ.
ხილული მტკიცებულება რომ გქონდეთ, ვარჯიშის დაწყებამდე ფოტო „მანამდე“ გადაიღეთ. ვარჯიში თანდათან მოქმედებს და შედარებას მარტივად შეძლებთ.
ვარჯიში ჩამოკიდებული ქუთუთოს მოსაშორებლად
- სწორად დაჯექით, ტერფები იატაკზე დადეთ. ხერხემალი და კისერი გაასწორეთ. ხელისგულები შუბლზე დაიდეთ და კანი და კუნთები დააფიქსირეთ – ისინი ვარჯიშში არ უნდა მონაწილეობდნენ.
- ოთხ დათვლაზე თვალები დახუჭეთ, შემდეგ ქუთუთოები ქვემოთ დაჭიმეთ. დაძაბულობა შეინარჩუნეთ და ოთხამდე დაითვალეთ. შემდეგ თვალები ნელ–ნელა 4 დათვლაზე გაახილეთ. როცა თვალებს სრულად გაახელთ, ქუთუთოები ზემოთ დაჭიმეთ.
- ვარჯიში 10–ჯერ გაიმეორეთ. თუ ძლიერ იღლებით, გამეორებები შეამცირეთ.
ვარჯიში დილა–საღამოს გაიმეორეთ. ყოველდღე კუნთების მუშაობას იგრძნობთ. 2 კვირის შემდეგ რამდენიმე თვით შეისვენეთ. სცადეთ, ეს მარტივი, ნაზი და ეფექტური მეთოდია.
გაითვალისწინეთ, რომ ჩამოკიდებული ქუთუთო ან პტოზი მხოლოდ ასაკით გამოწვეული არაა. ასეთი პრობლემა შეიძლება დაზიანების ან სხვადასხვა დაავადების შედეგად განვითარდეს. თუ მძიმე მდგომარეობა გაქვთ და ნივთების და ხალხის დანახვაში ხელს გიშლით, ექიმს მიმართეთ.
