კუნთების სპაზმი – კუნთების ან კუნთების ჯგუფის უნებლიე შეკუმშვაა ხანგრძლივი დროით, რომელიც ძლიერ ტკივილს იწვევს.
კრუნჩხვების მიზეზები: პერიფერიული ნერვის ჰიპერაქტიურობა, ნერვ–კუნთოვანი დაავადებები, მინერალების, ასევე ვიტამინების დეფიციტი. Vivien გიამბობთ, თუ რომელი მინერალების დეფიციტი იწვევს კუნთების კრუნჩხვებს, სპაზმებს და ტკივილს, ასევე გთავაზობთ საუკეთესო წყაროებს დეფიციტის აღმოსაფხვრელად.
მინერალები, რომელთა დეფიციტიც კუნთების სპაზმს იწვევენ: კალციუმი, კალიუმი, მაგნიუმი, ნატრიუმი.
- კალციუმი: კალციუმი კუნთების შეკუმშვის პროცესში მთავარი მინერალია. კალციუმის დაბალი დონე კუნთებს აღიზიანებს, რაც კუნთების სპაზმს (განსაკუთრებით ზურგის და ფეხის კუნთების) იწვევს.
- კალიუმი: ეს მინერალი მნიშვნელოვან ფუნქციას ასრულებს, როცა საქმე უჯრედული კედლის გავლით ნერვული იმპულსების გადაცემას ეხება. ის უჯრედული ოსმოსური ბალანსის რეგულირებას, ანუ უჯრედების შიგნით და გარეთ ნივთიერებების კონცენტრაციაში მონაწილეობს.ეს ნატრიუმ–კალიუმის ცვლის ნაწილია. კერძოდ, მისი ფუნქცია იმაში მდგომარეობს, რომ კუნთების შეკუმშვით გამოწვეული ნერვული იმპულსების შეწყვეტის შემდეგ კუნთების მოდუნება უზრუნველყოს. შესაბამისად, კალიუმის დეფიციტი კუნთების მოდუნებას აფერხებს და კრუნჩხვების და კუნთების ტკივილის განვითარებას ხელს უწყობს.
- ნატრიუმი: ნატრიუმი ნატრიუმ–კალიუმის ცვლაში მონაწილეობს. მისი დეფიციტი კუნთების მემბრანის ორივე მხარეს იონების დეფიციტის ხელს უწყობს.ეს უჯრედების მუშაობას ამცირებს და კუნთების სპაზმისკენ უფრო მიდრეკილს ხდის.
- მაგნიუმი: მაგნიუმი კუნთების შეკუმშვის ნაწილია. ადეკვატური ნერვული აღგზნებადობის და კუნთების შეკუმშვისთვის მნიშვნელოვანი მინერალია. მაგნიუმის დეფიციტი კუნთების სპაზმს და ტკივილს იწვევს. მან ელექტროლიტებთან სრულყოფილი ბალანსი უნდა შექმნას.
ნახეთ, რომელი წყაროებიდან შეგიძლიათ მიიღოთ ეს მიკროელემენტები და ამით კრუნჩხვები და კუნთების ტკივილი თავიდან აიცილოთ.
- კალციუმის წყაროები: კალციუმის ყველაზე მნიშვნელოვანი წყაროები: თევზი, როგორიცაა ორაგული, ანჩოუსი, სარდინი. ასევე ბოსტნეული, როგორიცაა კომბოსტო, ყვავილოვანი კომბოსტო, მანგოლდი, ისპანახი, წიწმატი, ხახვი და ბროკოლი.პარკოსნები, როგორიცაა თურქული ბარდა, ოსპი, ლობიო (თეთრი, წითელი და სხვა).კალციუმით განსაკუთრებით მდიდარია კვერცხი და კაკალი, როგორიცაა ნუში, სეზამი, მზესუმზირას და გოგრის თესლი.
- კალიუმის წყაროები: კალიუმი – მინერალი, რომელსაც სხვადასხვა პროდუქტებში ადვილად ვპოულობთ, მათ შორის ყველაზე მნიშვნელოვანია: ხორცი (როგორც წითელი, ასევე ქათმის), თევზი, როგორიცაა ორაგული, ვირთევზა, სარდინი. ხილი კალიუმის მნიშვნელოვანი წყაროა: ბანანი, ავოკადო, ციტრუსი, კივი და გარგარი.ასევე ბოსტნეული, როგორიცაა ბროკოლი, კარტოფილი, პომიდორი და გოგრა.
- ნატრიუმის წყაროები: ნატრიუმი – მინერალი, რომელიც მარილის შემადგენლობაში შედის. განსაკუთრებით, ჰიმალაის მარილს გირჩევთ.
- მაგნიუმის წყაროები: ცხიმი, კალციუმი და D ვიტამინი მაგნიუმის ათვისებას ხელს უწყობს, ალკოჰოლი მას ამცირებს. მაგნიუმის ყველაზე მნიშვნელოვანი წყაროები: სეზამი, სიმინდი, კაკალი (ნუში, თხილი, ფისტაშკები და ა.შ.), უმი ბოსტნეული, მთელი თესლი, კაკაო, ასევე შოკოლადი.
სწორედ ამიტომ, სასურველია უფრო დაბალანსებული და სწორად დატენიანებული დიეტა დაიცვათ, განსაკუთრებით მაშინ, როცა საქმე ინტენსიურ ვარჯიშს და ცხელ სეზონს ეხება. ამ დროს ოფლის შედეგად წყლის და ელექტროლიტების რაოდენობა მკვეთრად მცირდება.
