დაძინება გსურთ, მაგრამ ვერ იძინებთ? ეს თანამედროვე საზოგადოების ერთ–ერთი ბოროტებაა. Vivien–ის რჩევები გამოიყენეთ და სწრაფად დაძინებას შეძლებთ!
უძილობა იყოფა 3 ტიპად:
- როცა დიდხანს ვერ იძინებთ;
- წყვეტილი ძილი, როცა ღამის განმავლობაში ხშირად იღვიძებთ;
- როცა ძალიან ადრე იღვიძებთ და ვეღარ იძინებთ;
ბევრი ადამიანი ამ პრობლემის მოსაგვარებლად აგრესიულ მეთოდებს (აბების მიღება) იყენებს, მაგრამ სჯობს თავიდან ბუნებრივი საშუალებები გამოიყენოთ, შემდეგ დანამატები და, ბოლოს, მედიკამენტები.
დღისით არ დაიძინოთ
გახსოვდეთ: თუ ღამით ვერ იძინებთ, დღისით ძილი არ გჭირდებათ. დღის განმავლობაში შეგიძლიათ 20 წუთით წამოწვეთ, მაგრამ ამ დროს არ გაადაჭარბოთ.
დღის სინათლეზე დაძინება რეკომენდებული არაა. მელატონინი, ნივთიერება, რომელიც ძილისა და სიფხიზლის ციკლების რეგულაციაში მონაწილეობს, მხოლოდ სიბნელეში იწარმოება. ადამიანის ორგანიზმში თავის მაღალ დონეს დილის 2–4 საათზე აღწევს.
საჭირო დროს ივახშმეთ
კარგად რომ გამოიძინოთ, მინიმუმ დაძინებამდე 3 საათით ადრე უნდა ივახშმოთ. შედეგად, საჭმლის მონელებას გააუმჯობესებთ, გასტრიტს და გულძმარვას თავიდან აიცილებთ.
ფიზიკური აქტივობა დღის განმავლობაში
თუ რეგულარულად ივარჯიშებთ, თავს უკეთ იგრძნობთ. ასევე ძილი–სიფხიზლის ციკლი გაუმჯობესდება. აქტიური ვარჯიშები ძილის წინ არ შეასრულოთ. იოგა ან მედიტაცია სცადეთ.
დასვენება
ჭარბი სტრესი ცუდად გამოძინებას ხელს უწყობს.
ერთ–ერთი მარტივი მეთოდი დაძაბულობის მოსახსნელად – თბილი აბაზნით ისიამოვნეთ. კარგი იქნება, თუ წყალს დაუმატებთ აბაზანის მარილს, რომელიც მაგნიუმით მდიდარია და სხეულის კუნთებს მოდუნებაში ეხმარება. ასევე შეგიძლიათ გამოიყენოთ ეთერზეთები, რომლებიც გონებას ამშვიდებენ და დაძინებას ხელს უწყობენ. მანდარინი, ფორთოხალი, ჟასმინი, ვერბენა, ნეროლი, ფიჭვი და ილანგ–ილანგი – ყველაზე მეტად ეფექტურია.
სხვა ტექნიკა სტრესის მოსახსნელად – რეგულარულად იოგის შესრულება. თუნდაც კვირაში მხოლოდ ერთხელ. იოგა უძილობასთან ბრძოლაში თქვენი დამხმარე გახდება. ის ფსიქიკურ და ფიზიკურ მოდუნებას ხელს უწყობს. იოგას ზოგი ასანა უძილობის მოსაშორებლად განსაკუთრებით ეფექტურია: პასქიმოტანასანა, სეტუ ბანდჰა, სარვანგასანა, სუპტა ბადჰა კონასანა, სალამბა სარვანგაგასანა, სავასანა.
მოწყობილობებით გამორთეთ
ჩართული მოწყობილობების ეკრანის ცისფერი ან ღია ცისფერი სინათლე ძილის რეცეპტორებს თრგუნავს. სწორედ ამიტომ, ასეთი ტიპის მოწყობილობის გამოყენება რეკომენდებული არაა. უკიდურესი ვადა – 21:00
ლურჯი სინათლის ტალღის სიგრძე ააქტიურებს მელანოპსინს, თვალის ბადურაში აღმოჩენილ ცილას, რომელიც ტვინს სინათლის შეცვლის შესახებ ინფორმაციას აწვდის. ეს ტვინს ცირკადული რითმის ბიოლოგიური საათის არევას აიძულებს და აფიქრებინებს, რომ ჯერ კიდევ დღეა და არა ღამე.
ბუნებრივი საშუალებები და პროდუქტები, რომლებიც დაძინებაში დაგეხმარებათ
ტრიპტოფანით და 5–ჰიდროქსიტრიპტოფანით (5-HTP) მდიდარი საკვების მიღება, განსაკუთრებით საღამოს, უძილობას ებრძვის. ეს 2 ამინომჟავი სეროტონინის წინამორბედია. სეროტონინი ერთ–ერთი მნიშვნელოვანია ნეიროტრანსმისტერია, რომელიც განწყობის და ძილის დარეგულირებაში მონაწილეობს.
პროდუქტები: მზესუმზირას და სეზამის თესლი, კვერცხი, შვრია და თეთრი ხორცი.
კატაბალახას ფესვი
ის კუნთებს ადუნებს და საძილე მოქმედება გააჩნია. მოამზადეთ ჩაი კატაბალახას ფესვებით და ისეთი მცენარეებით, როგორიცაა გვირილა, კუნელი ან ვნების ყვავილი (პასიფლორა).
კრაზანა (Hypericum)
მცენარე ტვინს სეროტონინის უკეთ გამოყენებაში ეხმარება. ჩაის ცოტა ხმელი კრაზანა დაუმატეთ და მალე ძილის პრობლემები დაგავიწყდებათ.
გვირილა
შესანიშნავი საშუალება უძილობის, დეპრესიის და შფოთვის საწინააღმდეგოდ. ბევრი კვლევა ადასტურებს, რომ მას კუნთების მოდუნება შეუძლია, ასევე დამამშვიდებელი და ანტიდეპრესანტული მოქმედება გააჩნია. ძილსა და განწყობაზე ეს დადებითი ეფექტები გვირილაში აღმოჩენილ ფლავონოიდებს და ტერპენოიდებს უკავშირდება.
მელატონინი
მელატონინი ძილი–სიფხიზლის ციკლის დასარეგულირებლად აუცილებელია. მიირთვით მელატონინის შემცველი პროდუქტები: პომიდორი, შვრია, ბრინჯი, სეზამი, კოჭის ფესვი, ისპანახი, ვაშლი, ყურძენი და ნუში.
