„გალიფე“ ბარძაყების გარე ზედაპირზე ქალის სხეულის ერთ–ერთი ყველაზე გავრცელებული პრობლემაა. ამ ზონასთან მუშაობა მარტივი არაა, მაგრამ საჭიროა! მთავარი წესი – რეგულარული ვარჯიში, აერობიკის და ძალოვანი ვარჯიშების კომბინაცია, რაციონში კალორიების შეზღუდვა: ორგანიზმმა უფრო მეტი კალორია უნდა დახარჯოს, ვიდრე იღებს.
როგორ მოვიშოროთ „გალიფე“ სახლის პირობებში?
ვარჯიში „გალიფეს“ წინააღმდეგ. ნაწილი პირველი – კარდიო დატვირთვა-ნებისმიერი კარდიო დატვირთვა შეასრულეთ. 30 წუთით დაიწყეთ. გამოდგება აერობიკა, სირბილი, ველოსიპედი, სწრაფი სიარული, ცეკვები. ეს ნაწილი აუცილებელია იმისთვის, რომ ნივთიერებათა ცვლა გააქტიუროთ და მაქსიმუმი კალორია დაწვათ.
ვარჯიში „გალიფეს“ წინააღმდეგ. ნაწილი მეორე – ძალოვანი ვარჯიში-ამ ნაწილის მიზანია ბარძაყის გარე ზედაპირის კუნთები გააძლიეროთ.
- ვარჯიში 1. ნაბიჯი წინ-სწორად დადექით, ზურგი გამართეთ, ხელები წელზე დაიდეთ. მარცხენა ფეხი წინ გადადგით. მარცხენა ფეხის მუხლი მკაცრად ტერფის ზემოთ უნდა იყოს, მარჯვენა ფეხი გამართული. კორპუსი ზემოთ აწეული. ფეხი სწორ კუთხით მოხარეთ, ოდნავ კორპუსი წინ გადასწიეთ. ყურადღება მიაქციეთ, რომ მუხლი ფეხის თითის წვერის დონეს არ გადასცდეს. ვარჯიში თითოეული ფეხით 15-ჯერ შეასრულეთ.
- ვარჯიში 2. ნაბიჯი გვერდზე-საწყისი პოზა – ზურგი გამართული, ფეხები მხრების დონეზე, ტერფები ერთმანეთის პარალელურად. მარცხენა ფეხი გვერდზე გასწიეთ, მუხლში მოხარეთ და კორპუსი ოდნავ წინ დახარეთ. თითოეული ფეხით 15-ჯერ გაიმეორეთ.
- ვარჯიში 3. ფეხების ქნევა მდგომარე პოზაში-საწყისი პოზა – ზურგი გამართული, ხელები წელზე. მარჯვენა ფეხი გვერდზე გასწიეთ, ამასთან ეცადეთ, რომ ქუსლი გარეთ მოაბრუნოთ. პრესის კუნთები დაჭიმეთ. თითოეული ფეხით 25-30-ჯერ გაიმეორეთ.
- ვარჯიში 4. ფართო ჩაჯდომა-საწყისი პოზა – ფეხები მხრებზე ფართოდ, ტერფები გვერდებზე გაწეული. ნელ–ნელა ჩაჯექით. ყურადღება მიაქციეთ, რომ მუხლები ტერფების პარალელურად იყოს. ბარძაყების შიდა ნაწილი დაჭიმეთ, მუხლებზე შიგნით შესწიეთ. 25-ჯერ გაიმეორეთ, შემდეგ ქვედა პოზაში 30 წამით გაჩერდით.
- ვარჯიში 5. ფეხის ქნევა ხელებზე დაყრდნობით-საწყისი პოზა – იატაკზე ოთხზე დადგომა, ხელებს და მუხლებს დაეყრდენით. მარცხენა ხელი გვერდზე გასწიეთ (რომ საყრდენი გააუმჯობესოთ). შემდეგ მარცხენა ფეხი აიქნიეთ. პრესის კუნთები დაჭიმეთ, რომ წელი არ გადატვირთოთ. 15-ჯერ შეასრულეთ, შემდეგ ფეხი ზედა პოზაში 30 წამით გააჩერეთ. იგივე მეორე ფეხზე შეასრულეთ.
- ვარჯიში 6. ფეხის ქნევა გვერდზე-საწყისი პოზა – გვერდზე დაწოლილი, მარცხენა ფეხი მოხრილი. გამართული, მარჯვენა ფეხი ზემოთ ასწიეთ. ეცადეთ ძალიან მაღლა არ აწიოთ – საკმარისია, რომ ფეხი იატაკის პარალელურად იყოს. 25-ჯერ გაიმეორეთ, შემდეგ ზედა პოზაში 30 წამით გაჩერდით. იგივე მოქმედება მეორე ფეხზე შეასრულეთ.
