ბევრი ადამიანი ნერვიულობს, როცა გრძნობს, რომ მათი გული არა რეგულარულად სცემს. მეცნიერთა საერთაშორისო გუნდი აცხადებს, რომ ეს სწორედ ისაა, რასაც უნდა მიაღწიოთ და ხრიკსაც კი გვასწავლის, თუ როგორ გავაუმჯობესოთ „გულისცემა“.
როცა გული ჯანმრთელია, ის არა რეგულარულად სცემს, ასეთ დასკვნამდე ავსტრიელი მკვლევარი და ფსიქოლოგი ანდრეას შვერდტფეგერი გუნდთან ერთად მივიდა. მათ გულისცემის ცვალებადობა ან HRV გამოიკვლიეს. ეს აჩვენებს, თუ გული და ტვინი ერთმანეთთან რამდენად კარგად ურთიერთობენ.
კოგნიტური პროცესები გულისცემაზე გავლენას ახდენს
მეცნიერების თქმით, ისეთი ფაქტორები, როგორიცაა სუნთქვა, სტრესი, კოგნიტური პროცესები და მეტაბოლური პროცესები, გულისცემაზე გავლენას ახდენენ.
„გულისცემის ცვალებადობა ფიზიკური და ფსიქოლოგიური სიცოცხლისუნარიანობის და მოქნილობის ნიშანია“, განმარტავს შვერდტფეგერი.
ძალიან ხშირი გულისცემა შეიძლება გულის და ტვინის კავშირის დარღვევაზე საუბრობდეს – ეს ეხება დეპრესიის და რიგი ფსიქიკური მდგომარეობის მქონე ადამიანებს.
სწორედ ამიტომ HRV-ის ზრდა ტვინის პროცესებში ცვლილებებს იწვევს. მეცნიერები HRV-ის მიმართებით ფსიქოლოგიური ურთიერთობის და მკურნალობის ვარიანტებს განმარტავენ:
„კონტროლირებადი სუნთქვის დახმარებით შეიძლება გავზარდოთ გულისცემის ცვალებადობა და, შესაბამისად, ფიზიკური და ფსიქოლოგიური კეთილდღეობა“.
სუნთქვის ტექნიკა
თუ წუთში 6 ჩასუნთქვას აკეთებთ, ანუ სუნთქვის ციკლი ყოველ 10 წამში გაქვთ, ეს ტვინში ჟანგბადის ოპტიმალურ შთანთქმას იწვევს.
„ეს ტექნიკა შფოთვას ამცირებს, ტვინის ფუნქციას სამუშაო მეხსიერების და რეაქციის დროის თვალსაზრისით აუმჯობესებს“.
შედეგებმა თერაპიის ვარიანტები უნდა გააუმჯობესოს
მკვლევარებს ამის გამოყენება სურთ, რომ ახალი დიაგნოსტიკური და თერაპიული შესაძლებლობა აღმოაჩინონ. მათ წარმატების იმედი აქვთ, განსაკუთრებით ნაადრევად გაჩენილ ჩვილებსა და გულის ტრანსპლანტატების მქონე პაციენტებში.
