ამერიკელი ექიმები ირწმუნებიან, რომ ლპობა შეპარული ხახვის საკვებში გამოყენება კატეგორიულად აკრძალულია. ლპობის მცირე კვალიც საკმარისია, რომ სიმსივნის განვითარების პროცესს ხელი შეუწყოთ.
სამედიცინო ცენტრის Health Line-ს სპეციალისტები გვაფრთხილებენ, რომ ხახვის გამოყენება, რომელსაც შენახვის დროს ლპობა აქვს დაწყებული, სასიკვდილოდ სახიფათოა. ამის შესახებ ინფორმაციას The Times Hub ავრცელებს. ბოსტნეულის დამპალი ნაწილები აფლატოქსინის არსებობის ნიშანია, რომელიც გარკვეულ პირობებში ბალახოვან მცენარეებზე ჩნდება. ნივთიერება ბოლქვის ზედაპირზე ან მის ქვეშ შავი ლაქის სახით ვლინდება.
რამდენიმე მიზეზი არსებობს, რომლებიც აფლატოქსინის გაჩენის რისკს ზრდიან – მაღალი ტენიანობა, შენახვის არასწორი ტემპერატურა, ცუდი შეფუთვა, მწერების ზემოქმედება და ბინძურ წყალთან კონტაქტი.
ორგანიზმში მოხვედრილი აფლატოქსინი სასიკვდილოდ სახიფათო დაავადების, ღვიძლის სიმსივნის განვითარების რისკს ზრდის, გვაფრთხილებენ სპეციალისტები.
„ტოქსიკური ნივთიერება სხვა ორგანოებზეც გავლენას ახდენს. მის მიმართ ყველაზე დაუცველი უჯრედები არიან. სერიოზულ შემთხვევაში აფლატოქსინით მოწამვლამ შეიძლება სიკვდილი გამოიწვიოს“ – ამბობენ ექიმები.
ექიმები აღნიშნავენ, რომ ხახვი მხოლოდ კარგ მდგომარეობაში უნდა გამოიყენოთ, რომელსაც გაშავებული ნაწილები არ ექნება. ხარისხიანი პროდუქტი დიდი რაოდენობით C ვიტამინს, ანტიოქსიდანტებს და ამინომჟავებს შეიცავს, რომლებიც პათოგენურ ბაქტერიებსა და ვირუსებს ებრძვიან.
„ხახვის კომპონენტები სისხლს ათხელებენ, მავნე ქოლესტერინის დონეს ამცირებენ, კბილის ნადებს აქრობენ, ათეროსკლეროზის, ინსულტის და ინფარქტის რისკს ამცირებენ. მისი მიღება სასუნთქი ორგანოების დაავადებების, მათ შორის ტუბერკულოზის, ბრონქიტის, ტრაქეიტის და პნევმონიის პროფილაქტიკის მიზნით სასარგებლოა“ – ამბობენ მეცნიერები ბოსტნეულის ღირსებების შესახებ.
