თავი ჯანმრთელად და მხნედ რომ იგრძნოთ, ყოველდღე 10 წუთი მცირე განტვირთვას დაუთმეთ. ანოხინის ტანვარჯიში ვარჯიშების უნიკალური კომპლექსია, რომელიც როგორც მამაკაცებს, ასევე ქალებს შესანიშნავად შეესაბამება. პირველ რიგში, ვარჯიშის შესასრულებლად არანაირი დამატებითი მოწყობილობა არ დაგჭირდებათ. მეორე მხრივ, შედეგს უკვე პირველი ვარჯიშის შემდეგ იგრძნობთ!

„ვივიენი“ გირჩევთ რამდენიმე ვარჯიში შეასრულოთ და მის ეფექტურობაში თავად დარწმუნდეთ.

ანოხინის ტანვარჯიში

ვარჯიშების კომპლექსი

1. ფეხები მხრების სიგანეზე გაშალეთ, ხელები წინ გამართეთ და მუშტები შეკარით. კუნთები დაჭიმეთ და ხელები გვერდზე გასწიეთ, თითქოს მძიმე ნივთებს მაღლა წევთ, შემდეგ ხელები შეაერთეთ.

2. დაწექით ისე, რომ ხელისგულებით და ფეხის თითის წვერებით იატაკს დაეყრდნოთ. სხეული სრულად გაჭიმული უნდა გქონდეთ. ხელები მოხარეთ და იატაკისკენ დაიხარეთ. ზურგი გამართული გქონდეთ. შემდეგ ხელები გამართეთ. სხეული აუცილებლად დაჭიმული უნდა იყოს. იატაკისკენ ამოსუნთქვაზე დაიხარეთ და ჩასუნთქვაზე აიწიეთ.

3. დადექით, ფეხები შეაერთეთ. ხელები გვერდზე გასწიეთ, მუშტები შეკარით და შეკრული მუშტები ჯერ ქვემოთ დასწიეთ, შემდეგ ზემოთ ასწიეთ, თითქოს რაღაცის ქვემოთ დადება და შემდეგ ზემოთ აწევა გსურთ.

4. ზურგზე დაწექით, ხელები გულ-მკერდთან გადააჯვარედინეთ. სხეულის ქვედა ნაწილი და ფეხები აბსოლუტურად უმოძრაოდ გქონდეთ. თუ ფეხების დაკავება გიჭირთ. რაღაც მყარი ნივთით გაიმაგრეთ. თავი და მკერდი ასწიეთ, თითქოს ნიკაპით მუცლის შეხებას ცდილობთ და ნელ-ნელა საწყის პოზას დაუბრუნდით.

5. ვერტიკალური მდგომარეობა მიიღეთ, ფეხები მხრების სიგანეზე გაშალეთ და ოდნავ მუხლებში მოხარეთ. ზურგი ოდნავ მოხრილი უნდა იყოს. ხელი წინ და ზემოთ ძლიერი დაჭიმულობით ასწიეთ. შემდეგ ქვემოთ დახარეთ და ამავდროულად მეორე ხელი ასწიეთ. ამასთან ფეხები უმოძრაოდ უნდა გქონდეთ.

6. კვლავ ოდნავ მოხრილი ზურგი, ფეხები გამართული და დაჭიმული. ხელებით სკამის საზურგეს დაეყრდენით და დიდი ძალისხმევით ზურგის დაჭიმვა და გამართვა დაიწყეთ.

7. ერთ ადგილას დადექით, ხელები ისე გქონდეთ, რომ თქვენი ხელისგულები ზემოთ იყოს მიმართული და დიდი ძალისხმევით თანმიმდევრობით მუშტების შეკვრა დაიწყეთ.

8. ფეხები კვლავ მხრების სიგანეზე გაშალეთ და უმოძრაოდ გქონდეთ. ნახევრად მოხრილი ხელები ზემოთ ასწიეთ და ბოქლომი შეაერთეთ, სხეული მარჯვნივ მოატრიალეთ, ამის შემდეგ იმწამსვე დაიხარეთ და ხელები ქვემოთ დასწიეთ. შემდეგ ნელ-ნელა გაიმართეთ და მარცხნივ იგივე მოძრაობა გაიმეორეთ.

9. ფეხები მხრების სიგანეზე გაშალეთ და ოდნავ მუხლებში მოხარეთ. ზურგი ოდნავ მოხარეთ და თავი წინ გადასწიეთ, ხელების დაძაბულობა ქვემოთ გადაიტანეთ. შემდეგ მუშტები შეკარით და გვერდებთან ახლოს დააჭირეთ. ასეთი მდგომარეობა შეინარჩუნეთ, ხელები იდაყვებში იმავე ძალით დაძაბეთ, თითქოს მძიმე ნივთს გადაადგილებთ.

10. ფეხები შეაერთეთ, ზურგი გამართეთ. მარცხენა ხელი იდაყვში მოხარეთ და მხარს მიაბჯინეთ, მარჯვენა ხელი ნახევრად მოხარეთ და დაჭიმული ზემოთ ასწიეთ. შემდეგ მარჯვენა ხელი დასწიეთ და მარცხენა ხელი ასწიეთ.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.