გამხდარი სხეული, რელიეფური კუნთები და დაჭიმული მუცელი – უამრავი ადამიანის ოცნებაა. თუმცა, მხოლოდ ოცნება არ კმარა, საჭიროა ძალისხმევა და სხეულზე მუშაობა. არ არსებობს გახდომისა და სხეულის ფორმაში მოყვანის მაგიური მეთოდი, გარდა სავარჯიშოებისა და სწორი კვებისა. რაც უფრო მალე შეუდგებით გახდომის საქმეს, მით უფრო მალე მიიღებთ სასურველ შედეგსაც.
დღეს ჩვენი რედაქცია მოგიყვებათ 5 ყველაზე ეფექტური სავარჯიშოს შესახებ, რომლებიც დაგეხმარებათ მუცლისა და გვერდების არეში ცხიმების სწრაფად დაწვაში. ეს ექსპრეს-მეთოდი ტამირ შეიხმა შეიმუშავა.
როგორ მოვიშოროთ მუცლის ცხიმი
ეს სავარჯიშოების მცირე კომპლექსი მიმართულია მუცლის მონაკვეთის სწრაფად და ეფექტურად გახდომისკენ. მის შესასრულებლად დღეში მხოლოდ 5 წუთი დაგჭირდებათ(მინიმალური დატვირთვის შემთხვევაში), თუმცა, ეფექტური შედეგისთვის საუკეთესო იქნება, თუ 20 წუთით ივარჯიშებთ. საჭიროა მხოლოდ სურვილი და მონდომება. ტამირ შეიხი ირწმუნება, რომ თვენახევარში შედეგი უკვე ხილული იქნება.
მუცლის სავარჯიშოები
1. დაწექით ზურგზე, გაასწორეთ ფეხები, ხელები დაალაგეთ ტორსის გასწვრივ. კისერი და ბეჭები მოაცილეთ იატაკს და დაიწყეთ ფეხების მაღლა წამოწევა სწრაფი ტემპით. გააჩერეთ უმაღლეს წერტილში რამდენიმე წამით. იმეორეთ სავარჯიშო 1 წუთის განმავლობაში. მოძრაობევი უნდა იყოს აქტიური, ოღონდ არც ისე სწრაფი. დაუშვით ფეხები დაბლა ნელა, რათა მუცლის კუნთების დაჭიმულობა იგრძნოთ.
2. დადექით ოთხზე, გაასწორეთ ზურგი. მონაცვლეობით მიიტანეთ მუხლები მკერდთან. არ იჩქაროთ, წამოწიეთ ერთი ფეხი, გააჩერეთ რამდენიმე წამით და დაუშვით. გაიმეორეთ სავარჯიშო 1 წუთის განმავლობაში.
დროდადრო გაზარდეთ სავარჯიშოს შესრულების ხანგრძლივობა თქვენი ფიზიკური მომზადების მიხედვით.
3. “ველოსიპედის” დროა. დაწექით ზურგზე, ხელები კეფაზე დაილაგეთ. წამოწიეთ კისერი და ბეჭები, არ მოაშოროთ იატაკს წელი. ფეხები მონაცვლეობით მოხარეთ მუხლებში და მიიტანეთ მკერდთან. კორპუსი მიაბრუნეთ მოხრილი ფეხისკენ, ეცადეთ, იდაყვით მუხლს შეეხოთ. შეასრულეთ 1 წუთის განმავლობაში უწყვეტად.
4. ახლა კი ვასრულებთ თამასას იდაყვებზე. დადექით ოთხზე(იდაყვებსა და ფეხის ცერებზე). მთელი სხეული ერთ სწორ ზოლად აქციეთ. გაჩერდით ამ მდგომარეობაში იმდენ ხანს, რამდენსაც შეძლებთ(სასურველია ორი 30-წამიანი მისვლა).
5. დაწექით ზურგზე, ხელები დაიდეთ თავზე, ფეხები მოხარეთ მუხლებში. თუ შეგიძლიათ, ფეხები წამოწიეთ იატაკიდან და გააჩერეთ ჰაერში. ახლა მონაცვლეობით აბრუნეთ კორპუსი მარცხნივ და მარჯვნივ, ამასთან, წამოიწიეთ სულ უფრო მაღლა. ასე ბრუნებით დაეშვით ძირსაც, ოღონდ არ შეეხოთ იატაკს. მუცლის კუნთები არ მოადუნოთ 1 წუთის განმავლობაში.
შეასრულეთ ამ სავარჯიშოების კომპლექსი ყოველდღე, გაზარდეთ გამეორებათა რაოდენობა და ვარჯიშის ხანგრძლივობა და შედეგიც არ დააყოვნებს!
