ზურგის პრობლემები – სუსტი კუნთების სპაზმირებისა და ხერხემლის გამრუდების შედეგია. ჩვეულებრივ, სპაზმებს მასაჟისტები ხსნიან, ტკივილს აბები აცხრობს, თუმცა პრობლემის წარმოქმნის მიზეზს არც ერთი მათგანი არ ებრძვის.
ზურგი აუცილებლად უნდა ავარჯიშოთ, სწორედ მაშინ შეწყვეტს ის ტკივილის სიგნალის გაგზავნას ტვინისაკენ. პიტერ ეგოსკიუმ ეს საკუთარ მაგალითზე დაამტკიცა. მას ზურგის პრობლემები მანამ ჰქონდა, სანამ ემპირიული გზით არ შეიმუშავა სავარჯიშოთა კომპლექსი, რომელიც დაეხმარა. ახლა კი ეს კომპლექსი მის კლიენტებს ეხმარება.
მისი მეთოდიკა პოსტურალურ თერაპიაზეა დაყრდნობილი. ეგოსკიუს თეორიის თანახმად, ჩვენი სხეული ბიომექანიკურად არაა მიმართული მოქმედების იმ სახეობებზე, რომლებსაც ჩვეულებრივ ვასრულებთ.
ამ მიზეზით, კუნთების გარკვეული ჯგუფი ატროფირდება, ხოლო სხვები, პირიქით, თავზე ზედმეტ დატვირთვას იღებენ, რის გამოც გვტკივა. ესაა უამრავი დაავადების მიზეზი სხეულის სხვადასხვა მონაკვეთში.
პიტერმა მიზნად დაისახა ბალანსის აღდგენა და შექმნა სავარჯიშოთა კომპლექსი სტატიკურ დატვირთვაზე დაყრდნობით, რომელიც მიმართულია მოძრაობის უკმარისობის შედეგების კომპენსირებაზე.
როგორ გავაძლიეროთ ზურგი
1. სტატიკური პოზა ზურგზე წოლით
დაწექით ზურგზე, ფეხები სკამზე მოათავსეთ ისე, როგორც ფოტოზეა ნაჩვენები. გაშალეთ ხელები ხელისგულებით ზემოთ, დიდი თითები იატაკს უნდა ეხებოდეს. მოადუნეთ ზურგის ზედა ნაწილი, ხოლო ქვედა მჭიდროდ და თანაბრად დადეთ იატაკზე, ხერხემალი არ უნდა იყოს გადახრილი არც ერთ მხარეს. გაჩერდით ამ მდგომარეობაში 5 წუთით.
2. სტატიკური გაწელვა იდაყვებზე დგომით
დადექით ოთხზე ისე, რომ მხრები, იდაყვები და მაჯები სწორ ხაზს ქმნიდეს, მენჯ-ბარძაყის სახსრები კი პირდაპირ მუხლის ზემოთ უნდა იყოს. გადაიტანეთ ხელისგულები 15 სმ-ით წინ და მათ ადგილას იდაყვები დაალაგეთ. მომუჭეთ მუშტები, ამოაბრუნეთ დიდი თითები ზემოთ. გადაწიეთ მენჯები უკან, ქუსლებისკენ, რათა ზურგის ქვედა ნაწილი მოიხაროს. დაწიეთ თავი, გაჩერდით ამ მდგომარეობაში ერთი წუთით.
3. ხიდი მხრებზე, ბალიშით
დაწექით ზურგზე, დაიჭირეთ ბალიში მუხლებით. წამოწიეთ მენჯები წელთან ერთად იატაკიდან, სწორი ხაზით. სხეულის ზედა ნაწილი მოადუნეთ. გაჩერდით წამოწევის უმაღლეს წერტილში 1 წუთით.
4. აქტიური ხიდი ბალიშით
დაიწყეთ ისევე, როგორც წინა სავარჯიშო. შემდეგ, მენჯის უმაღლეს წერტილში გაჩერების ნაცვლად, შეუწყვეტლად და ტალღოვნად დაუშვით და წამოწიეთ 15-ჯერ.
5. ზურგზე წოლისას საყრდენის დახმარებით საზარდულის წამოწევა
დაწექით იატაკზე, მოათავსეთ ერთი ფეხი სკამზე და მოხარეთ. მეორე ფეხი მოათავსეთ საყრდენზე. დაიწყეთ ყველაზე დაბალი დონით და თანდათან წამოწიეთ ფეხი მაღლა, სანამ ზურგის ქვედა ნაწილი არ მოიხრება. გაჩერდით ამ მდგომარეობაში, სანამ ზურგი იატაკზე სწორად არ დაიდება. კონცენტრირდით ზურგის გასწორებაზე.
შემდეგ ჩამოუშვით საყრდენი ერთი დონით, გაჩერდით ამ მდგომარეობაში და გააგრძელეთ იგივე ბოლო წერტილამდე. შემდეგ შეცვალეთ ფეხი. ასე თანდათან მთელ ხერხემალს გახდით უფრო მოქნილს.
6. მსუბუქი ჩაჯდომები
დადექით ზურგით კედელთან, ფეხები მხრების სიგანეზე ცერები წინ უნდა იყურებოდეს. არ მოაშოროთ ზურგი კედელს, ნელა დაეშვით ძირს, თითქოს წარმოსახვით სკამზე ჯდებით, სანამ მუხლები მოიხრება 90 გრადუსით. ხელებით არ მიეყრდნოთ კედელს, სიმძიმის ცენტრი ქუსლებზე გადაიტანეთ. გაჩერდით ამ მდგომარეობაში 2 წუთით.
გისურვებთ ჯანმრთელობას!
