სტრეჩინგი, ან უბრალოდ გაწელვები ფიზიკური ვარჯიშის სახეობაა, რომლის გარეშე ლამაზი და მოხდენილი სხეულის მიღება შეუძლებელია. მისი შესრულება ყველა ადამიანს, მათ შორის ორსულებს, შეუძლიათ. მას ასაკობრივი და წონის შეზღუდვები არ აქვს.

კუნთების გაწელვით სხეულის ფორმების კორექცია და დაჭიმვა ხდება, მოქნილობა იზრდება, დგომა და სიარული უმჯობესდება, კონკრეტულ ნაწილში ცელულიტი და ცხიმოვანი დაგროვება ქრება. ამასთან მოქნილი კუნთები ძალიან ლამაზად გამოიყურება.

ლამაზი დუნდულებისთვის აქტიური ჩაჯდომები, ანტიცელულიტური კრემების გამოყენება და არომატიული აბაზანების მიღება კი არა, არამედ კუნთების გაწელვა გჭირდებათ. ეს ნამდვილად მოქმედი მეთოდია, რომელიც მოხდენილ ფიგურას მოგანიჭებთ, ქალურ ჯანმრთელობას გააძლიერებს და ნერვულ სისტემას მოაწესრიგებს.

ფეხის და დუნდულების კუნთების გაწელვის საბაზისო ტექნიკას გიზიარებთ.

სტრეჩინგი დამწყებისთვის

1. ჩაკეცვა

ვარჯიში ზურგის, დუნდულების, შიდა და გარე დუნდულების ზედაპირის, ასევე საზარდულის კუნთებისთვის სასარგებლოა. აღსანიშნავია, რომ ვარჯიში ნელა და ფრთხილად უნდა შეასრულოთ.

ასე რომ, იატაკზე დაწექით, ფეხები ფართოდ გაშალეთ, მუხლებით იატაკს უნდა დაეყრდნოთ. ზურგი სწორად გქონდეთ, ტანი იატაკისკენ დახარეთ. იდეალური იქნება თუ მკერდით იატაკს შეეხებით. საბოლოო წერტილში 30 წამით გაჩერდით.

2. ვარჯიში ბარძაყის ბიცეფსის გასაჭიმად

იატაკზე დაწექით. მარჯვენა ფეხი მუხლებში მოხარეთ და ხელებით ეცადეთ ნელ-ნელა მკერდისკენ მისწიოთ. ყურადღება მიაქციეთ, რომ ამ დროს მარცხენა ფეხი იატაკს არ მოშორდეს და მუხლში არ მოიხაროს. საბოლოო წერტილში 30 წამით გაჩერდით. საწყის პოზას დაუბრუნდით და იგივე მარცხენა ფეხით შეასრულეთ. შეგიძლიათ ვარჯიში ერთდროულად ორივე ფეხზე შეასრულოთ.

3. ვარჯიში ბარძაყის ოთხთავიანი კუნთის დასაჭიმად

ამ ვარჯიშის შესასრულებლად ზურგზე უნდა დაწვეთ. მარჯვენა ფეხი მუხლებში მოხარეთ და მარჯვენა დუნდულს ისე მიაბჯინეთ, როგორც სურათშია ნაჩვენები. 30 წამით გაჩერდით. მოდუნდით და საწყის პოზას დაუბრუნდით. იგივე ვარჯიში მეორე ფეხზე შეასრულეთ.

4. ვარჯიში მუხლქვეშა მყესებს და კავშირებს ეფექტურად ჭიმავს

იატაკზე დაჯექით. მარცხენა ფეხი დაჭიმეთ, მარჯვენა კი მუხლში მოხარეთ. ზურგი სწორად გქონდეთ. ორივე ხელი მარცხენა ფეხს მოკიდეთ და თქვენსკენ მისწიეთ. მაქსიმალურ წერტილში 30 წამით გაჩერდით. საწყის პოზას დაუბრუნდით და ვარჯიში მარჯვენა ფეხით შეასრულეთ.

5. ვარჯიში ზურგის და დუნდულის ზედა კუნთების დასაჭიმად

ტერფებზე დაჯექით, ფეხები ოდნავ გაშლილი უნდა იყოს. საწყისი პოზიციიდან ფეხები წინ გაჭიმეთ და ტანი ქვემოთ დახარეთ. ხელისგულებით იატაკს დაეყრდენით, თავი ხელებს შორის, ქვემოთ დახრილი უნდა გქონდეთ. დუნდულები ტერფებს არ უნდა მოშორდეს.ზურგის დაჭიმვა იგრძენით და ამ პოზაში 30 წამით გაჩერდით. მოდუნდით და საწყის პოზიციას დაუბრუნდით.

ლამაზი, დაჭიმული დუნდულებისთვის მის ირგვლივ კუნთებიც უნდა გაწელოთ. სწორედ ამიტომ ამ ნაკრებში სხვადასხვა კუნთის გასაწელი ვარჯიშია მოცემული. ასე ლამაზი და მოხდენილი ფეხები და დუნდულები გექნებათ. მხოლოდ ერთი პირობით, თუ ვარჯიშებს რეგულარულად შეასრულებთ.