მაშინაც კი, თუ ფიგურას არ უფრთხილდებით და მაიონეზით მორთულ სალათებზე დიდი ხანია უარი თქვით, აღიარეთ: ზოგჯერ მაინც გინდებათ…დიახ, ყველამ იცის, რომ მაღაზიაში გასაყიდად გამოტანილი მაიონეზი ემულსიფიკატორებით, არომატებით, საღებავებით და სხვა მავნე დანამატებით არის სავსე.
კლასიკური სოუსის შესწავლის შემდეგ აღმოვაჩინეთ, რომ მხოლოდ 4 ძირითადი ინგრედიენტი არსებობს: კვერცხი, მცენარეული ზეთი, მდოგვი და ლიმონის წვენი. სახიფათოა? მავნეა? გონიერი ზომებით – არა. მაშინ საკუთარი თავი სახლში მომზადებული მაიონეზით რატომ არ გავანებივროთ?
როგორ მოვამზადოთ სახლის მაიონეზი?
თუ თქვენ გაქვთ ბლენდერი, მიქსერი ან ჩვეულებრივი სათქვეფი, სახლის მაიონეზს მარტივად მოამზადებთ. თქვენთვის 7 მარტივი და სწრაფად მოსამზადებელი რეცეპტი შევარჩიეთ – ტრადიციული სქელი მაიონეზიდან მსუბუქ მაიონეზამდე. სტერეოტიპების მიუხედავად მაიონეზი შეიძლება სასარგებლო იყოს!
ხოლო თუ მაიონეზი თხევადი გამოგივიდათ და შეკვრას ვერ ახერხებთ, მისი გადაგდება არ იჩქაროთ. ჩვენ გიამბობთ, სოუსს პირველი კულინარიული დახმარება როგორ აღმოუჩინოთ.
რძეზე დამზადებული მაიონეზი კვერცხის გარეშე
სქელი სართავი, რომელიც ყოველთვის გამოგივათ, ხოლო მომზადებას მხოლოდ 1 წუთი დასჭირდება. ეს გემრიელი სახლში მომზადებული მაიონეზი მაცივარში შეგიძლიათ 3-4 კვირა შეინახოთ. გამომცხვარ პროდუქტში და ტორტებში გემოს კვერცხის სართავზე ცუდად არ ხსნის.
თქვენ დაგჭირდებათ:
- 150 მლ რძე
- 300 მლ მცენარეული ზეთი
- 1 ჩ/კ შაქარი
- 0,5 ჩ/კ მარილი
- 1 ჩ/კ მდოგვი
- 3 ს/კ ლიმონის წვენი
1.ყველა ინგრედიენტი ბლენდერში მოათავსეთ და ერთგვაროვანი მასის მიღებამდე კარგად დააბლენდერეთ.
2.30 წამის შემდეგ შაქარი, მარილი, მდოგვი და ლიმონის წვენი (ან 2 ს/კ 6%-იანი ძმარი) დაუმატეთ. კიდევ 30 წამით დააბლენდერეთ.
სალათის მაიონეზი „პროვანსალი“
გემოთი მაღაზიაში ნაყიდს ჰგავს. ყველაფერი რომ გამოგივიდეთ, ოთახის ტემპერატურის ინგრედიენტები გამოიყენეთ. მდოგვი ყველაზე ჩვეულებრივი, დანამატების გარეშე გამოიყენეთ.
თქვენ დაგჭირდებათ:
- 1 კვერცხი
- 1 ჩ/კ შაქარი
- 0,5 ჩ/კ მარილი
- 200 მლ მცენარეული ზეთი
- 1 ჩ/კ ძმარი
- 1 ჩ/კ მდოგვი
1.სახლის „პროვანსალის“ მოსამზადებლად, კვერცხი ბლენდერის ჭიქაში ათქვიფეთ და დანარჩენი ინგრედიენტები დაუმატეთ.
2.ბლენდერი ისე გააჩერეთ, რომ კვერცხი ბლენდერის დანებს შორის აღმოჩნდეს, დაახლოებით 20 წამით ათქვიფეთ. ამასთან ბლენდერი ძალიან არ წამოსწიოთ და ზემოთ-ქვემოთ არ ამოძრავოთ.
თუ რაღაც ისე არ წავიდა (მაგ., თქვენ კვერცხი მაცივრიდან აიღეთ, შავი მდოგვი და ფართო ჭიქა) და მაიონეზი თხევადი გამოვიდა, პროდუქტი არ გადააგდოთ! კიდევ ერთი კვერცხი აიღეთ – ამჯერად ოთახის ტემპერატურის – კიდევ ერთხელ წესის მიხედვით ათქვიფეთ.
თუ შეცდომის დაშვების გეშინიათ, ასე მოიქეცით:
1.ჯერ კვერცხი მიქსერით ამოიყვანეთ, შემდეგ ცოტ-ცოტა ზეთი დაამატეთ, ამასთან ათქვეფა არ შეწყვიტოთ. რაც უფრო ბევრი ზეთია, მით უფრო სქელი იქნება მაიონეზი.
2.როცა მოსართავი თითქმის მზად იქნება, 1 კოვზი მდოგვი, ძმარი, მარილი და შაქარი დაუმატეთ და მიქსერით კიდევ 10-15 წამით ათქვიფეთ.
სამარხვო მაიონეზი, ვარიანტი #1
დელიკატური სოუსი, ცოტა უფრო სქელი, რადგან კვერცხი ინგრედიენტებში არაა, მაგრამ ძალიან გემრიელია.
თქვენ დაგჭირდებათ:
- 70 მლ თხევადი ან დაკონსერვირებული ბარდა
- 200 მლ მცენარეული ზეთი
- 1 ჩ/კ მარილი
- 1,5 ჩ/კ შაქარი
- 1 ჩ/კ ვაშლის ძმარი
ყველაფერი ბლენდერში დაუმატეთ და მინიმუმ 1 წუთით ათქვიფეთ. ათქვეფა არ შეწყვიტოთ ისე, თხლად ცოტ-ცოტა მცენარეული ზეთი დაუმატეთ. ნარევს კიდევ 3-4 წუთით აურიეთ.
სამარხვო მაიონეზი, ვარიანტი #2
ამ სოუსის მოსამზადებლად წინა რეცეპტის ინგრედიენტები აიღეთ. თხევადი ან დაკონსერვირებული ბარდა დაკონსერვირებული თეთრი ლობიოს წვენით ჩაანაცვლეთ – ასე კიდევ უფრო გემრიელი გამოვა.
ნარევი ელექტროჩანგლით კარგად ათქვიფეთ, სანამ სითხე თეთრი არ გახდება. შემდეგ ცოტ-ცოტა მცენარეული ზეთი დაუმატეთ, ათქვეფა გააგრძელეთ. სცადეთ, ძალიან საინტერესო გემო გამოდის!
მაიონეზი კვერცხის გულზე
ეს სართავი ჩვეულებრივი ჩანგლის გამოყენებით შეგიძლიათ მოამზადოთ. დაახლოებით 4 ს/კ სქელი გემრიელი სოუსი გამოვა, რომელიც უმჯობესია გამოიყენოთ იმწამსვე, სანამ ახალი არის.
თქვენ დაგჭირდებათ:
- 1 კვერცხის გული
- 70 მლ ზეთი
- 1 მწიკვი შაქარი
- 1 მწიკვი მარილი
- 0,5 ჩ/კ მდოგვი
- 1 ჩ/კ ლიმონის წვენი ან ძმარი
1.კვერცხის გული ფართო ჭურჭელში ათქვიფეთ და იმწამსვე მარილი მოაყარეთ. როგორც კი გასქელდებდა და უფრო ღია ფერის გახდება, წვეთ-წვეთობით ზეთი დაუმატეთ. პროცედურა რამდენჯერმე გაიმეორეთ, ზეთი ყოველ 10-15 წამში დაუმატეთ.
2.როცა მაიონეზი კარგად გასქელებამდე, მწიკვი მარილი, შაქარი, მდოგვი, ლიმონის წვენი დაუმატეთ და კვლავ აურიეთ.
მაიონეზი მწყრის კვერცხით
თქვენ დაგჭირდებათ:
- 5 მწყრის კვერცხი
- 150 მლ ზეთი
- 1 მწიკვი მარილი
- 1 ს/კ დიჯონის მდოგვი
- 1 ს/კ ლიმონის წვენი
1.კვერცხი საშუალო სიღრმის თასში მოათავსეთ და საშუალო სიჩქარეზე ჩართული მიქსერით ათქვიფეთ.
2.მიქსერის დონა ნელ-ნელა მოუმატეთ, ზეთი დაასხით. როცა მაიონეზი გასქელდება, მდოგვი მწვანილით და ლიმონის წვენით დაუმატეთ. კიდევ რამდენიმე წამით ათქვიფეთ.
მაიონეზი იოგურტით
ორიგინალური სახლში მომზადებული მაიონეზი პიკანტური არაჟნის გემოთი. მომზადებად ღირს, თუ თქვენ უჩვეულო სალათის სართავები და ექსპერიმენტების ჩატარება გიყვართ.
თქვენ დაგჭირდებათ:
- 200 მლ არა მოტკბო გემოს იოგურტი
- 150 მლ მცენარეული ზეთი
- 1 ჩ/კ მდოგვი
- 1 ჩ/კ მარილი
- 1,5 ჩ/კ შაქარი
- 1 ს/კ ძმარი
ბლენდერის დახმარებით იოგურტი, მდოგვი, ძმარი, შაქარი და მარილი დააბლენდერეთ. ზეთი ცოტ-ცოტა ფრთხილად დაამატეთ და ამასთან ათქვეფა არ შეწყვიტოთ. თუ სოუსს შეკვრა არ სურს, კვერცხი დაუმატეთ.
აირჩიეთ რეცეპტი, რომელიც თქვენ მოგწონთ და ქიმიური, მაღაზიაში ნაყიდი მაიონეზი დაივიწყეთ. დაწერეთ კომენტარებში, მაიონეზის რომელი რეცეპტი მოგეწონათ ყველაზე მეტად. ასევე რეცეპტების მეგობრების გაზიარება არ დაგავიწყდეთ.
