სახლში მომზადებული პაშტეტი ქათმის ღვიძლისგან – იაფი, გემრიელი და ძალიან სასარგებლო წასახემსებელია. ხოლო თუ მისი მომზადების დროს ფორთოხალს და კონიაკს გამოიყენებთ თითების ჩასაკვნეტი გამოვა.
ნაზი პაშტეტი მოტკბო-მომჟავო ფორთოხლის ჟელეს წარმოუდგენლად ჰარმონიულად ერწყმის. სადღესასწაულო სუფრაზე კი ძალიან ორიგინალურად გამოიყურება…
ფორთოხლის ჟელე სურვილის მიხედვით შეგიძლიათ სხვა ხილით ან კენკრით ჩაანაცვლოთ. იდეალურად ესადაგება მათ, რომელთაც ოდნავ მომჟავო გემო აქვთ: წითელი მოცვი, ბროწეული, შტოში, წითელი მოცხარი.
როგორ მოვამზადოთ პაშტეტი ქათმის ღვიძლში
ინგრედიენტები:
- 450 გრ ქათმის ღვიძლი
- 125 გრ კარაქი
- 1 თავი ხახვი
- 150 მლ ფორთოხლის წვენი
- 1 ჩ/კ ჟელატინი
- ½ ჩ/კ შაქარი
- ½ ჩ/კ მარილი
- 1/8 ჩ/კ დაფქული შავი წიწაკა
- 1/8 ჩ/კ დაფქული მუსკატის კაკალი
- ¼ ჩ/კ ხმელი ბეგქონდარა
- 4 ს/კ ბრენდი, კონიაკი ან რომი
მომზადება:
1.ხახვი წვრილად დაჭერით და 1 წუთით მოთუშეთ, ხშირად აურიეთ.
2.ცეცხლს მოუმატეთ. ღვიძლი, მარილი, ბეგქონდარა, მუსკატის კაკალი და ღვიძლი დაუმატეთ. ხშირად აურიეთ და კიდევ 5-7 წუთით თუშეთ.
3.სპირტიანი სასმელები ჩაასხით და კიდევ 30 წამით თუშეთ.
4.მიღებულ ნარევს კარაქს აურიეთ და დააბლენდერეთ.
5.პაშტეტი თასში გადმოიტანეთ და მაცივარში 6 საათით შეინახეთ.
6.ამ დროის განმავლობაში, ჟელატინს ცივი ფორთოხლის წვენი დაასხით და 10 წუთით გააჩერეთ.
7.გააცხელეთ და მუდმივად აურიეთ. დაელოდეთ სანამ ჟელატინი ბოლომდე გაიხსნება. შაქარი დაუმატეთ, აურიეთ და გააგრილეთ.
8.გაგრილებულ პაშტეტს ზემოდან ჟელე დაასხით.
9.მაცივარში ჟელეს ბოლომდე გამაგრებამდე შეინახეთ.
10.გემრიელი პაშტეტი ქათმის ღვიძლისგან მზად არის. გემრიელად მიირთვით!
