ქალთა ცხოვრებაში კლიმაქსის პერიოდი გარდამტეხი ეტაპია, რომელსაც თან ახლავს სერიოზული ჰორმონული რყევები და არაერთი სიმპტომი – ხან ალები, ცვალებადი ხასიათი, უძილობა და ხშირი დაღლილობა. ეს ეტაპი ბევრისთვის შეიძლება აღმოჩნდეს სტრესის, შფოთვისა და ჯანმრთელობის პრობლემების მიზეზი. თუმცა, ბუნებას შეუძლია მიგვაწოდოს გამოსავალი.
ვივიენის რედაქცია გთავაზობთ საუკუნეების განმავლობაში აპრობირებულ მცენარეულ ჩაის რეცეპტს, რომელიც კლიმაქსური ნევროზის ბუნებრივ და ნაზ მართვას ემსახურება.
კლიმაქსის სიმპტომების შემსუბუქება ბუნებრივი გზით
ინგრედიენტები:
- მაყვლის ფოთლები
- შავბალახა
- კუნელის ყვავილები
- ბერულა
მომზადება და გამოყენების წესი:
თანაბარი რაოდენობის მაყვლის ფოთლების, შავბალახას, კუნელის ყვავილების და ბერულას ნარევის 1 სუფრის კოვზს დაასხით 1 ჩაის ჭიქა მდუღარე წყალი, დააყენეთ ჩაი და მიირთვით ნახევარ-ნახევარი ჭიქა 2 ჯერ დღეში. ორ კვირაში თქვენი მდგომარეობა საგრძნობლად გაუმჯობესდება.
ექიმის კომენტარი: კლიმაქსის წინა პერიოდი მართლაც ბევრ სირთულეს უქმნის ქალბატონებს. ამ სირთულეების დასაძლევად ზოგჯერ საკმაოდ ეფექტურია მცენარეული საშუალებები. ასეთ დროს საჭიროა მცენარეები, რომლებსაც აქვთ სპაზმების მომხსნელი, დამამშვიდებელი, ნივთიერებათა ცვლის მომაწესრიგებელი, ანთების საწინააღმდეგო და ძილის მომგვრელი თვისებები. განვიხილოთ რეცეპტში შემავალი თითოეული მცენარის ფარმაკოლოგიური ეფექტი მაყვლის ფოთლები მდიდარია ჰექტინებით, უჯრედისით, B ჯგუფის, A და C ვიტამინებით, კალიუმით, სპილენძით, მანგანუმით. მაყვლის ფოთლებისა და ნაყოფისაგან დამზადებული ჩაი ხალხურ მედიცინაში ითვლება დამამშვიდებელ საშუალებად კლიმაქსური ნევროზების დროს.შავბალახა შესანიშნავი დამამშვიდებელი საშუალებაა. ზოგიერთი მკვლევარის აზრით, მისი ეფექტიანობა 4 ჯერ აღემატება კატაბალახასას. ხალხურ მედიცინაში მას იყენებენ საგულე საშუალებად, სპაზმების, ნერვიული აშლილობის, შიშების დროს. ასევე აქვს წნევის დამწევი, გულის რიტმის დამამშვიდებელი, კრუნჩხვების საწინააღმდეგო ეფექტი.
კუნელას ყვავილს აგროვებენ ყვავილობის დაწყების დროს, როდესაც ყვავილების ნაწილი ჯერ კიდევ არ არის გაშლილი. კუნელის პრეპარატებს იყენებენ გულის კუნთის ფუნქციური მოშლილობის, ჰიპერტონიული დაავადების, პაროქსიზმული ტაქიკარდიის, ათეროსკლეროზისა და კლიმაქსური ნევროზის დროს.
ბერულა, იგივე ჭაობის ბერულა შეიცავს ფლავონოიდებს, მთრიმლავ ნივთიერებებს, ეთერზეთებს, ვიტამინებს და სხვა ორგანულ ნივთიერებებს. მას ახასიათებს სისხლძარღვთა გამაფართოებელი მოქმედება. იყენებენ კუჭის წყლულის, გარეგანი ჭრილობების, ასევე საშვილოსნოს ყელის ეროზიებისა და წყლულების სამკურნალოდ.
ამ მცენარეთა ნარევი ნამდვილად კარგ შედეგს მოგცემთ კლიმაქსური ნევროზის დროს.
ხშირად დასმული კითხვები (FAQ)
- რამდენად უსაფრთხოა ამ ჩაის ხანგრძლივი სმა?
მცენარეების ბალანსის პირობებში რეკომენდებულია 2 კვირიანი კურსით და შემდეგ 1 კვირიანი შესვენებით. - რა ასაკიდან არის რეკომენდებული?
საშუალოდ 45+ ასაკიდან, კლიმაქსის პირველივე სიმპტომების დროს. - შესაძლებელია თუ არა ჩაის კომბინაცია მედიკამენტებთან?
აუცილებელია კონსულტაცია ექიმთან, განსაკუთრებით თუ იღებთ ჰორმონულ თერაპიას ან გულსისხლძარღვოვან პრეპარატებს.
დასკვნა რედაქციისგან: ქალთა ჰორმონალური გარდატეხის პერიოდში ბუნებრივ ალტერნატივებზე ორიენტაცია სულ უფრო პოპულარული ხდება, რაც კარგად აისახება როგორც კლინიკურ პრაქტიკაში, ისე სამეცნიერო კვლევებში. 2021 წელს North American Menopause Society-ის მიერ გამოქვეყნებულმა კვლევამ დაადასტურა, რომ მცენარეულ პრეპარატებს – მათ შორის შავბალახას, მაყვლის ფოთლებსა და კუნელს – აქვს დადებითი ეფექტი კლიმაქსური ნევროზის მართვაში, განსაკუთრებით მაშინ, როცა ჰორმონული თერაპია მიუღებელია ან არასასურველი.
National Center for Complementary and Integrative Health-ის 2020 წლის ანგარიშშიც აღნიშნულია, რომ მცენარეული პრეპარატები წარმოადგენს მნიშვნელოვან მხარდამჭერ თერაპიას, განსაკუთრებით შფოთვის, უძილობისა და წნევის რეგულირების დროს.
ამიტომ, თუ თქვენ ან თქვენი საყვარელი ადამიანი გადის ამ რთულ ეტაპს – ბუნებრივ ნაზავზე დაფუძნებული ჩაი შეიძლება იყოს სწორედ ის დამხმარე საშუალება, რომელიც გაამარტივებს ამ გარდამავალ პერიოდს და დაუბრუნებს შინაგან ბალანსს.
გაუზიარეთ ეს სტატია თქვენს მეგობრებსაც – შეიძლება სწორედ ახლა სჭირდებათ ეს რჩევა!
გაგვიზიარეთ, გისინჯავთ თუ არა ბუნებრივ ჩაის კლიმაქსური სიმპტომებისთვის და რა შედეგი მოგცათ?
