თაფლი არ არის მხოლოდ გემრიელი დამატება ჩაიში – ის არის ძლიერი ბუნებრივი ანტისეპტიკი, რომლის სარგებელი ბევრად სცდება მის შიგნად მიღებას. სტომატიტი, აკნე, ეგზემა, სოკოვანი ინფექციები და ქუსლების ბზარები – ეს პრობლემები ხშირად იწვევს დისკომფორტს და საჭიროებენ ზუსტ, ეფექტურ, მაგრამ ბუნებრივ გადაწყვეტას. ამ სტატიაში წარმოგიდგენთ თაფლის 5 გარეგანი გამოყენების მეთოდს, რომლებიც შეიძლება გახდეს თქვენი ყოველდღიური სილამაზისა და ჯანმრთელობის რუტინის ნაწილი.

ადამიანების უმრავლესობას საკმაოდ ხშირად სმენია თაფლის სასარგებლო თვისებების შესახებ. ამ უნიკალური პროდუქტის დახმარებით შეგვიძლია მოვიშოროთ გაციება, ავიმაღლოთ იმუნიტეტი და ჰემოგლობინი, დავეხმაროთ გულსა და სისხძარღვებს, გავიუმჯობესოთ ძილი და დავიკლოთ წონაში…

ამ სტატიაში ვივიენის რედაქცია მოგითხრობთ თაფლის, ერთ-ერთი უძლიერესი ანტისეპტიკის გამოყენების 5 ალტერნატიული მეთოდის შესახებ.

თაფლის გარეგანი გამოყენება

1. თაფლი და კურკუმა სტომატიტის წინააღმდეგ
   როგორც წესი, პირის ღრუს ანთება თავს იჩენს ლორწოვანას ტრამვირების დროს: კბილების გახეხვისას, უხეში საკვების ღეჭვისას და ა.შ. ამ დროს ბაქტერიები ხვდება ჭრილობებში და ყალიბდება თეთრი წყლულები.ყველაზე მარტივი საშუალება სტომატიტის განსაკურნებლად: შეურიეთ ერთმანეთში 1 ჩ.კ თაფლი და 1/4 ჩ.კ კურკუმა. წაისვით წყლულებზე ეს საშუალება ყოველ ორ საათში ერთხელ იქამდე, სანამ წყლულები მთლიანად არ გაქრება. ამ მეთოდის დახმარებით თქვენ ხანმოკლე დროში შეძლებთ პრობლემის გადაჭრას.
2. თაფლი და იოგურტი აკნეს წინააღმდეგ
   აკნეს დამარცხებაში დაგეხმარებათ თაფლისა და იოგურტისგან მომზადებული ნიღაბი: 2 ს.კ თაფლი (შეიძლება დაშაქრულიც) შეურიეთ 1 ს.კ იოგურტთან და მიღებული საშუალება წაისვით სახეზე. გაიჩერეთ 10 წუთით. გაიმეორეთ ეს პროცედურა 3-4_ჯერ კვირაში.თაფლი ხსნის კანის ფორებს და ანადგურებს მასში მყოფ მიკრობებს, ხოლო იოგურტი ფლობს ბაქტერიციდულ თვისებებს და დამატებით ზრუნავს ჩვენს კანზე.
3. თაფლი და დარიჩინი ეგზემის წინააღმდეგ
   შეურიეთ ერთმანეთში თანაბარი რაოდენობით დარიჩინი და თაფლი. მიღებული საშუალება წაისვით ყოველდღიურად კანის დაზიანებულ ადგილზე.
4. თაფლისგან დამზადებული მაზი სოკოვანი ინფექციების წინააღმდეგ
   იმისთვის, რომ მოიშოროთ ფრჩხილის სოკო, მოამზადეთ შემდეგი ნარევი: აურიეთ ერთმანეთში 15 გ თაფლი, 10 მლ ევკალიპტის ეთერზეთი და 1 ჩ.კ ვაშლის ძმარი. მიღბული საშუალება შეინახეთ მაცივარში 24 საათით, ხოლო შემდეგ წაისვით ის ყოველდღიურად სოკოთი დაზიანებულ ფრჩხილებზე. გამოიყენეთ ეს საშუალება იქამდე, სანამ სასურველ შედეგს არ მიიღებთ.
5. თაფლი და ზეითუნის ზეთი დაბზარული ქუსლების წინააღმდეგ
   ბზარები ქუსლებზე – საშინელი მოვლენა, რომლისგანაც უამრავი ადამიანი იტანჯება. შეურიეთ ერთმანეთში თანაბარი რაოდენობით თაფლი და ზეითუნის ზეთი. ფეხების აბაზანის შემდეგ წაისვით კანის მშრალ ზედაპირზე მომზადებული ნარევი, შემოიხვიეთ ქუსლებზე პოლიეთილენის პარკი, ამოცივით წინდები და გაეშურეთ დასაძინებლად. გაიმეორეთ ეს პროცედურა ყოველდღიურად იქამდე, სანამ ბზარები მთლიანად არ გაქრება.

ვიმედოვნებთ, რომ ეს ინფორმაცია თქვენთვის სასარგებლო და გამოსადეგარი იქნება!

ხშირად დასმული კითხვები (Q&A)

1. შეუძლია თუ არა თაფლს სტომატიტის მკურნალობა?
   დიახ, თაფლს აქვს ანტისეპტიკური და ანთებისსაწინააღმდეგო თვისებები, ხოლო კურკუმასთან ერთად გამოყენებისას ეფექტურად ამცირებს წყლულებს პირის ღრუში.
2. მუშაობს თუ არა თაფლის ნიღაბი აკნეს წინააღმდეგ?
   თაფლისა და იოგურტის კომბინაცია აერთიანებს ბაქტერიციდულ და დამამშვიდებელ თვისებებს, რაც ეფექტურად ამცირებს ანთებასა და აკნეს გაჩენას.
3. რამდენად უსაფრთხოა თაფლის გამოყენება კანის დაავადებებზე?
   ბუნებრივ თაფლს იშვიათად აქვს გვერდითი ეფექტები, თუმცა ალერგიულ ადამიანებს რეკომენდებულია წინასწარი დატესტვა მცირე ზედაპირზე.

რჩევა რედაქციისგან:ბუნებრივი თაფლი არა მხოლოდ გემრიელი პროდუქტია, არამედ – სიძლიერით გამორჩეული სამკურნალო საშუალება. მისი ანტისეპტიკური, ანთებისსაწინააღმდეგო და კანის რეგენერაციისთვის სასარგებლო თვისებები უკვე მრავალი წელია დამტკიცებულია. მაგალითად, ჟურნალ Evidence-Based Complementary and Alternative Medicine-ში გამოქვეყნებული 2020 წლის კვლევა ადასტურებს, რომ თაფლი ეფექტურად გამოიყენება სტომატოლოგიურ ანთებებსა და ინფექციებთან ბრძოლაში (Al-Waili et al., 2020).

მეორე მხრივ, Journal of Cosmetic Dermatology-ში ჩატარებული ექსპერიმენტი ცხადყოფს, რომ თაფლის ბაზაზე შექმნილი ნიღბები, განსაკუთრებით იოგურტთან ან ალოესთან შერწყმით, ამცირებს აკნეს სიმპტომებს და აუმჯობესებს კანის ბარიერის ფუნქციას (Saeed et al., 2019). მსგავსი შედეგები კიდევ ერთხელ უსვამს ხაზს იმას, რომ ნატურალური მეთოდები შეიძლება იყოს არა მხოლოდ ეფექტური, არამედ უსაფრთხოც.