ბევრ ადამიანს აინტერესებს სწრაფი და ეფექტური წონის დაკლების მეთოდები. ერთ-ერთი ყველაზე პოპულარული დიეტა “სუპის დიეტაა”, რომელიც ორგანიზმს დაბალკალორიული საკვებით ამარაგებს და ხელს უწყობს ცხიმების წვას. თუმცა, რამდენად რეალურია მისი ეფექტურობა? რამდენად უსაფრთხოა ჯანმრთელობისთვის? ამ სტატიაში დეტალურად განვიხილავთ ამ დიეტის პრინციპებს, მის დადებით და უარყოფით მხარეებს, ასევე მოგაწვდით სრულ მენიუს!
არსებობს ლეგენდა, რომ ეს დიეტა შეიმუშავეს ერთ-ერთ ამერიკულ საავადმყოფოში, თუმცა დღემდე არცერთი მათგანი არ ადასტურებს თავიანთ ავტორობას. ასევე შესაძლებელია ეს დიეტა პირველად გამოყენებული ყოფილიყო ბრიუსელის საავადმყოფოში, იმ პაციენტების დასახმარებლად ვისაც სიმსუქნის სერიოზული პრობლემა ჰქონდა და ოპერაციამდე სწრაფი გახდომა ესაჭიროებოდა.
სუპის დიეტის სრული მენიუ და რეცეპტები
ვივიენის რედაქცია წარმოგიდგენთ სუპის რეცეპტს (6 ლიტრზე):
რეცეპტი 1 : 1თავი კომბოსტო, 6 საშუალო ზომის ხახვი, რამოდენიმე პომიდორი (შესაძლებელია კონსერვირებული), 2 მწვანე წიწაკა, 1 კონა ნიახური, 1 ბოსტნეულის ბულიონის კუბი. ბოსტნეულს ვჭრით და ვყრით ადუღებულ ბულიონში, ვამატებთ მარილს, წიწაკას, სუნელებს ვამზადებთ ბოსტნეულის დარბილებამდე.
რეცეპტი 2: 1 თავი კომბოსტო, 6 საშუალო ზომის ხახვი, 2 ტკბილი წიწაკა, 6 სტაფილო, ნიახურის ფესვებით, 500 გრამი მწვანე ლობიო (შეგიძლიათ ჩვეულებრივიც), ერთი კონა მწვანე ხახვი, ერთი ჭიქა ტომატის წვენი (პომიდორის) ან 5 პომიდორი, მარილი, წიწაკა, ბულიონის კუბი.
დიეტისთვის იმდენად მნიშვნელოვანი არ არის კომპონენტები, რამდენადაც თავად პრინციპი – დიეტური ბოსტნეულის სუპი, რომელიც მინიმაურად შეიცავს ცხიმებს და კალორიებს, რისი წყალობითაც მიიღწევა სასურველიე ფექტი.
სუპის პარალელურად ნებადართულია ზოგიერთი პროდუქტიც შემდეგი თანმიმდევრობით:
- დღე 1: ხილი, ბანანის გარდა.
- დღე 2: მწვანე ბოსტნეული (შესაძლებლეია კონსერვირებულიც), გარდა ბარდისა და ლობიოსი. ვახშამზე ნებადართულია ერთიი გამომცვარი კარტოფილი მცენარეული ზეთით.
- დღე 3 : შეგიძლიათ მიირთვათ როგორ ხილი ასევე ბოსტნეული, მაგრამ არა კარტოფილი და ბანანი.
- დღე 4: ხილი და ბოსტნეული, შეგიძლიათ დაუმატოთ 2 ბანანი, ერთი ჭიქა უცხიმო რძე.
- დღე 5: სუპს ვავსებთ საქონლის ხორცით, თევზით ან ქათმის გულმკერდით კანის გარეშე (400გ) და პომიდორით.
- დღე6: საქონლის ხორცი ბოსტნეულის ფოთლებითა და სალათის ფოთლებით (პომიდორი, კიტრი, კომბოსტო, წიწაკა)
- დღე 7: ყავისფერი ბრინჯი ბოსტნეულით და ხილის წვენით.
ასევე ნებადართულია უშაქრო ყავა და ჩაი , ბოსტნეულის წვენი და წყალი. ალკოჰოლური სასმელები, გაზირებული სასმელები, პური, ცხიმები კი კატეგორიულად აკრძალულია.
მნიშვნელოვანია! თუკი თქვენ სურვილი გაქვთ მიიღოთ უფრო მეტი ვიდრე ხანმოკლე შედეგებია, დიეტა კომბოსტოს სუპით თქვენ არ გამოგადგებათ, რადგან ის არ შეიცავს საკმარისი რაოდენობის კალორიებს და ამ დიეტით ცხოვრება გაგიჭირდებათ, რომ აღარაფერი ვთქვათ წონის შენარჩუნებაზე. ამიტომ შედეგის მიღების შემდეგ აუცილებელია გაორმაგებული შემართებით დავიწყოთ ვარჯიში და დავიცვათ ჯანსაღი კვების წესი.
ხშირად დასმული კითხვები (Q&A)
- რამდენად ეფექტურია სუპის დიეტა?
სუპის დიეტა ხელს უწყობს სწრაფ წონაში კლებას, რადგან შეიცავს დაბალკალორიულ პროდუქტებს. თუმცა, მისი ხანგრძლივად დაცვა არ არის რეკომენდებული, რადგან ორგანიზმი საჭირო საკვებ ნივთიერებებს ვერ იღებს სრულყოფილად. - რა არის სუპის დიეტის ძირითადი პრინციპი?
ამ დიეტის მთავარი კომპონენტი დაბალკალორიული კომბოსტოს სუპია, რომელიც ორგანიზმს აჯერებს და მეტაბოლიზმს აჩქარებს. ამასთან ერთად, ყოველდღიურად ნებადართულია გარკვეული ბოსტნეულისა და ცილის შემცველი საკვების მიღება. - შესაძლებელია თუ არა დიეტის გაგრძელება ერთი კვირის შემდეგ?
დიეტა არ უნდა გაგრძელდეს ერთ კვირაზე მეტხანს, რადგან მას აკლია მნიშვნელოვანი საკვები ნივთიერებები. შედეგის მიღწევის შემდეგ რეკომენდებულია ბალანსირებული კვების რეჟიმზე გადასვლა.
რჩევა რედაქციისგან:სუპის დიეტა არის ერთ-ერთი ყველაზე სწრაფი გზა წონის დასაკლებად, თუმცა მისი ხანგრძლივად დაცვა ორგანიზმისთვის საზიანოა. კვლევები აჩვენებს, რომ მოკლევადიანი დიეტები, როგორიცაა ეს, იწვევს მეტაბოლიზმის შენელებას და წონის სწრაფად დაბრუნებას (Harvard T.H. Chan School of Public Health, 2021).
სუპის დიეტის ეფექტურობა ძირითადად დროებითია. მისი დასრულების შემდეგ რეკომენდებულია ბალანსირებული კვება და ფიზიკური აქტივობა, რათა მიღწეული შედეგები შენარჩუნდეს. სხვა კვლევები ადასტურებენ, რომ გრძელვადიანი წონის კონტროლი უმჯობესდება იმ შემთხვევაში, თუ ადამიანი დაბალანსებულ კვებასა და რეგულარულ ვარჯიშს ირჩევს (National Institutes of Health, 2022).
