ყოველ ჯერზე, როდესაც თქვენი კანი მზის სხივების ზემოქმედების ქვეშ იმყოფება, აუცილებელია იზრუნოთ მის დაცვაზე და დატენიანებაზე. ჩვეულებისამებრ, ამისთვის უბრალო დამცავ კრემს იყენებენ…
იმ შემთხვევაში, თუ თქვენ მზეზე დიდ დროს ატარებთ და არ იყენებთ დამცავ კრემს, სახის კანზე მუქი ლაქების გაჩენის ალბათობა საგრძნობლად იზრდება. დღესდღეობით უამრავ ადამიანს აწუხებს ეს უსიამოვნო მოვლენა, რის გამოც ვივიენის რედაქციაში გადავწყვიტეთ გაგვეზიარებინა თქვენთვის უმარტივესი საშუალების მომზადების რეცეპტი, რომელიც ხანმოკლე დროში გაგიქრობთ სახეზე არსებულ ლაქებს. იცოდით, რომ კარტოფილი აუმჯობესებს სახის ფერს და ხსნის მის გაღიზიანებას? ამ პროდუქტს საკმაოდ ხშირად გამოიყენებდნენ ჩვენი ბებიები კოსმეტიკური მიზნებისთვის.
ამ ნიღაბს, რომლის მთავარ კომპონენტსაც კარტოფილი წარმოადგენს, ძალზედ სასარგებლო გავლენა აქვს ჩვენი სახის კანზე:
- გვაშორებს მუქი ფერის ლაქებს სახიდან;
- ეფექტურია აკნეს წინააღმდეგ საბრძოლველად;
- ატენიანებს და კვებავს კანს;
- გვაშორებს შავ წრეებს თვალების გარშემო;
- ხსნის შეშუპებას;
- ანელებს დაბერების პროცესს;
უბრალოდ გამოწურეთ კარტოფილის წვენი და შეიზილეთ ის კანის დაზიანებულ ნაწილებზე. გარდა ამ მეთოდისა, თქვენ შეგიძლიათ კარტოფილის წვენის კომბინირება სხვა სასარგებლო პროდუქტებთან. ასე ამ ნიღბის ეფექტურობა საგრძნობლად გაიზრდება.
კარტოფილი და სტაფილო:
შეურიეთ კარტოფილი წვენი 1 სტაფილოს წვენთან და მიღებული სითხე შეიზილეთ კანზე. გაიჩერეთ ნარევი 25 წუთით და ამ დროის გასვლის შემდეგ ჩამოიბანეთ ცივი წყლით.
კარტოფილი და ლიმონის წვენი:
გაურიეთ ერთმანეთში კარტოფილისა და ნახევარი ლიმონის წვენი. მიღებული ნარევი შეიზილეთ კანის დაზიანებულ ნაწილზე, გაიჩერეთ 15 წუთით და შემდეგ ჩამოიბანეთ თბილი წყლით.
კარტოფილი და ხახვი:
შეურიეთ კარტოფილისა და ხახვის წვენი ერთმანეთში. მიღებული ნარევი დაიტანეთ სახის კანზე, გაიჩერეთ 10 წუთით და შემდეგ ჩამოიბანეთ თბილი წყლით.
ხშირად დასმული კითხვები (Q&A):
- როგორ მოქმედებს კარტოფილის წვენი სახის კანზე?
კარტოფილი შეიცავს ბუნებრივ მჟავებს და ანტიოქსიდანტებს, რომლებიც ამცირებს ლაქებს, ატენიანებს კანს და ანელებს დაბერების პროცესს. - რამდენად ხშირად უნდა გამოვიყენოთ ეს ნიღბები?
სასურველია, რომ ნიღაბი გამოიყენოთ კვირაში 2-3-ჯერ, რათა მიიღოთ საუკეთესო შედეგი. - შეიძლება თუ არა კარტოფილის ნიღბების გამოყენება მგრძნობიარე კანისთვის?
დიახ, მაგრამ თუ თქვენი კანი განსაკუთრებით მგრძნობიარეა, სასურველია, რომ წინასწარ მოისინჯოთ მცირე არეზე და დარწმუნდეთ, რომ ალერგიული რეაქცია არ გექნებათ.
რჩევა რედაქციისგან:ბუნებრივი საშუალებები ხშირად ისეთივე ეფექტურია, როგორც კოსმეტიკური პროდუქტები, თუ მათ სწორად გამოვიყენებთ. კარტოფილის ნიღბები კანის გაწმენდას, ლაქების შემცირებას და დატენიანებას უწყობს ხელს, რაც მისი უნიკალური თვისებების დამსახურებაა.
კვლევების თანახმად, ბუნებრივი ინგრედიენტების, როგორიცაა კარტოფილი, სტაფილო და ლიმონი, რეგულარული გამოყენება მნიშვნელოვნად აუმჯობესებს კანის სტრუქტურას და ამცირებს პიგმენტაციას (Journal of Dermatological Science, 2023). გარდა ამისა, ანტიოქსიდანტური ნაერთები, რომლებიც კარტოფილსა და ხახვში გვხვდება, ხელს უწყობს უჯრედების რეგენერაციას და კანის გამკვრივებას (International Journal of Cosmetic Science, 2022).
