საუკეთესო პროფილაქტიკა შარდსასქესო სისტემის ინფექციებისთვის: ბალასირებული კვება! აღმოჩდა, რომ პროდუქტებს, რომელთაც მივირთმევთ, საგრძნობლად დიდი გავლენა აქვს საშოს მიკროფლორაზე. იმ შემთხვევაში, თუ ქალბატონის ორგანიზმი იღებს არასაკმარისი რაოდენობით სასარგებლო ნივთიერებებს, შაშვის (ინფექცია გამოწვეული მიკროსკოპული სოკოთი Candida albicans) გაჩენის რისკი 3-ჯერ იზრდება.

ნატურალური პრობიოტიკები და ვიტამინები – ყველაფერი, რაც საჭიროა ქალბატონის ორგანიზმის გასაჯანსაღებლად!

რა აჩვენებს კვლევები?

•  2021 წლის კვლევამ აჩვენა, რომ ბუნებრივი პრობიოტიკები, როგორიცაა იოგურტი, ხელს უწყობს ვაგინალური მიკროფლორის ბალანსის აღდგენას და ამცირებს ინფექციების ალბათობას (Journal of Applied Microbiology).
• 2020 წლის მონაცემებით, ისპანახისა და სხვა მწვანე ბოსტნეულის რეგულარული მიღება აუმჯობესებს სისხლის მიმოქცევას და აძლიერებს საშოს ქსოვილებს (Nutrients Journal).
•  გოგრის თესლისა და სოიოს მოხმარება კი ჰორმონალური ბალანსის სტაბილიზაციას უწყობს ხელს (American Journal of Clinical Nutrition, 2019).

სწორი კვება ქალბატოებისთვის

1. იოგურტი
ბაქტერიები, რომლებსაც იოგურტი შეიცავს, გვეხმარება ორგანიზმში pH_ის მაჩვენებლის რეგულირებაში. ეს არაჩვეულებრივი მეთოდია სხვადასხვა სოკოვანი დაავადებების წინააღმდეგ საბრძოლველად.

2. ავოკადო
კალიუმი და ვიტამინ B6 – ის, რაც აუცილებელია ქალბატონის სასქესო ორგანოს ჯანმრთელობისთვის. ცხიმები, რომელთაც ავოკადო შეიცავს, საშოს კედლებს ამყარებს.

3. მიწავაშლა ან ბატატი
A, C და B ჯგუფის ვიტამინები, ბოჭკოები, მანგანუმი, კალიუმი და რკინა: ამ ნივთიერებების წყალობით საშვილოსნოსა და საშოს კედლები გაცილებით ძლიერი ხდება. ნატურალური ფიტოესტროგენები, რომელთაც ჭარბად შეიცავს ეს ორი პროდუქტი, ხელს უწყობს ორგანიზმში ჰორმონალური ბალანსის დაცვას.

4. გოგრის თესლი
გოგრის თესლი შეიცავს თუთიას, რომელიც ხსნის შეშუპებასა და გაღიზიანებას. ვიტამინ E, რომლითაც გამდიდრებულია ეს პროდუქტი, განაპირობებს რეგულარულ მენტრუაციულ ციკლს და გვიუმჯობესებს კანის მდგომარეობას.

5. ნიორი
ამ უნიკალური პროდუქტისთვის დამახასიათებელია ძლიერი სოკოს საწინააღმდეგო და ანტიმიკრობული თვისებები, რის გამოც ნიორი არაჩვეულებრივი საშუალებაა ნებისმიერი სახის ინფექციების წინააღმდეგ საბრძოლველად.

6. ისპანახი და ნებისმიერი მწვანე ფოთლოვანი ბოსტნეული
მიირთვით დიდი რაოდენობით კომბოსტო, ისპანახი და სალათის ფურცლები. ვიტამინები და მიკროელემენტები, რომელთაც ჭარბად შეიცავს ეს პროდუქტები, აუმჯობესებს სისხლის ცირკულაციას და ხელს უწყობს ორგანიზმიდან მავნე ნივთიერებების გამოდევნას.

7. შავი შოკოლადი
შავი შოკოლადი კაკაოს მაღალი შემცველობით ამაღლებს იმუნიტეტს, რადგან ეს პროდუქტი გამდიდრებულია ანტიოქსიდანტებითა და სასარგებლო მინერალებით.

8. სოიო
სოიოს პროდუქტები – ბუნებრივი ფიტოესტროგენების უშრეტი წყარო! იმისთვის, რომ ქალბატონის ორგანიზმი იყოს ძლიერი და დაცული ჰორმონალური დარღვევებისგან, აუცილებელია სოიოს მირთმევა კვირაში ერთხელ მაინც.

9. მოცვი და მარწყვი
წითელი კენკრა ამაღლებს ორგანიზმის თავდაცვით ძალებს და ეხმარება მას მავნე ბაქტერიების წინააღმდეგ ბრძოლაში. მიირთვით დიდი რაოდენობით ახალი კენკრა და მისგან დამზადებული ნატურალური სასმელები!

ამ პროდუქტების ყოველდღიურ კვების რაციონში ჩამატება ნებისმიერი ქალბატონის ჯანმრთელობაზე სასარგებლოდ აისახება. ბალანსირებული კვება განსაკუთრებით სასარგებლოა იმ ქალბატონებისთვის, რომელთაც საშოს ეროზია გადაიტაეს და არ შეუძლიათ დაფეხმძიმება: ფიტოესტროგენები ნამდვილ სასწაულებს სჩადის!

ხშირად დასმული კითხვები

• შეიძლება თუ არა პრობიოტიკები შაშვის პრევენციაში?
  დიახ, იოგურტი და ფერმენტირებული პროდუქტები ხელს უწყობენ ლაქტობაცილებით ვაგინალური ფლორის გაძლიერებას.
• რა სარგებელი აქვს ფიტოესტროგენებს?
  ისინი ეხმარებიან ჰორმონალური დისბალანსის რეგულირებას და სასქესო ორგანოების ჯანმრთელობის გაუმჯობესებას.
•  როგორ დავიცვათ თავი შარდსასქესო ინფექციებისგან?
  ბალანსირებული კვება, საკმარისი წყლის მიღება და ჰიგიენის დაცვა საუკეთესო პროფილაქტიკაა.

რჩევა რედაქციისგან:ქალბატონების ჯანმრთელობა დიდწილად დამოკიდებულია კვებაზე. პრობიოტიკებით, ანტიოქსიდანტებით და ფიტოესტროგენებით მდიდარი საკვები ხელს უწყობს საშოს მიკროფლორის ბალანსის დაცვას, ამცირებს ინფექციების რისკს და აჯანსაღებს ორგანიზმს. კვლევები ადასტურებს, რომ სწორი კვება არა მხოლოდ დაავადებების პრევენციას, არამედ რეპროდუქციული ჯანმრთელობის გაუმჯობესებასაც უწყობს ხელს.

თქვენ თუ აქამდე იყენებდით ამ პროდუქტებს კვების რაციონში? გაგვიზიარეთ თქვენი გამოცდილება!