უკანასკნელი კვლევების მიხედვით, საშვილოსნოს ყელის სიმსივნე ყველა სხვა გინეკოლოგიურ სიმსივნეზე უფრო საშიში და მომაკვდინებელია. ექსპერტების რწმუნებით, სიმსივნის ამ სახეობის განკურნება შესაძლებელია, თუ მას ადრეულ სტადიაზე აღმოვაჩენთ. აუცილებელია ვიცოდეთ, რომ საშვილოსნოს ყელის სიმსივნე, ჩვეულებისამებრ, გამოწვიულია HPV ვირუსით ან პაპილომავირუსით, რომელიც სექსობრივი გზით გადამდები ინფექციაა. ექსპერტების თქმით, HPV ვირუსმა სავსებით შესაძლებელია შეუმჩნევლად ჩაიაროს, თუმცა იმ შემთხვევაში, თუ ჩვენი იმუნური სისტემა დასუსტებულია, ეს ვირუსი იწვევს პატოლოგიური უჯრედების ზრდას, რასაც საბოლოო ჯამში საშვილოსნოს ყელის სიმსივნემდე მივყავართ.
დღეს ვივიენის რედაქცია გთავაზობთ 7 ყველაზე გავრცელებულ სიმპტომს, რომელიც საშვილოსნოს ყელის სიმსივნისთვისაა დამახასიათებელი. იმ შემთხვევაში, თუ თქვენ ამ ნიშნებიდან ერთ-ერთი მაინც აგეღნიშნებათ, დაუყონებლივ მიმართეთ გინეკოლოგს!
- უჩვეულო გამონადენი
მაშინ, როდესაც სიმსივნე იწყებს ზრდას საშვილოსნოს ყელში, მისი კედლების უჯრედები იღუპება, რის შედეგადაც ადგილი აქვს უჩვეულო წყლიან გამონადენს. - მეჭეჭები
აუცილებელია იცოდეთ, რომ მეჭეჭების გაჩენა (შინაგანად ან გარეგანად) მეტყველებს უამრავ ისეთ დაავადებაზე, როგორიც HPV ვირუსია. ამ დროს საშვილოსნოს ყელის სიმსივნის გაჩენის რისკი საკმაოდ მაღალია. - ტკივილი ან სისხლდენა
როდესაც სიმსივნე იწყებს ზრდას საშვილოსნოს ყელის კედლებზე, დიდი ალბათობით ადგილი აქვს მის გამოშრობას და დაბზარვას, რაც თავის მხრივ იწვევს დისკომფორტის განცდასა და სისხლდენას. იმ შემთხვევაში, თუ მენსტრუაციული პერიოდის საზღვრებს გარეთ თქვენ სისხლდენა შენიშნეთ, აუცილებლად მიმართეთ გინეკოლოგს! - ანემია
როგორც წესი, ანემია გამოწვეულია ხშირი სისხლდენით. იმ შემთხვევაში, თუ თქვენ ყოველთვის დაღლილად გრძნობთ თავს, თუმცა თქვენი კვების რაციონი უცვლელია, ხოლო მცირეოდენი დატვირთვის დროს გული საგრძნობლად გიჩქარდებათ, ეს ნიშნავს, რომ თქვენ ანემია გჭირთ. როგორც ვახსენეთ, ანემია გამოწვეულია ხშირი სისხლდენით, ხოლო ეს მოვლენა ხშირად თან ახლავს საშვილოსნოს ყელის სიმსივნეს. - შარდვასთან დაკავშირებული პრობლემები
საშვილოსნოს ყელის შეშუპების შედეგად შარდის ბუშტი და თირკმელები იკუმშება, რის შედეგადაც თავს იჩენს შარდვასთან დაკავშირებული პრობლემები. - მუდმივი ტკივილები ფეხების, ბარძაყებისა და ზურგის არეში
საშვილოსნოს ყელის შეშუპებას უარყოფითი გავლენა აქვს არა მხოლოდ თქვენს თირკმელებზე და შარდის ბუშტზე, არამედ სხვა შინაგან ორგანოებზეც. ამ დროს სისხლძარღვები საგრძნობლად შეკუმშულია, რის გამოც ვერ ხერხდება სისხლის ნორმალური ცირკულაცია, რაც იწვევს ტკივილის განცდას სხეულის ჩამოთვლილ ნაწილებში. - წონის კლება
სიმსივნის ყველა სახეობისთვის დამახასიათებელია მადის შემცირება ან საერთოდ მისი აღკვეთა. საშვილოსნოს ყელის შეშუპების შედეგად იკუმშება მუცელი, რის გამოც ადამიანს უქვეითდება მადა, რასაც თავის მხრივ წონის უეცარ კლებამდე მივყავართ.
შენიშვნა: ნუ ჩავარდებით პანიკაში! ეს სიმპტომები სულაც არ ნიშნავს იმას, რომ თქვენ დანამდვილებით საშვილოსნოს ყელის სიმსივნე გაქვთ. იმ შემთხვევაში, თუ ამ სიმპტომებიდან ერთ-ერთი მაინც აგეღნიშნებათ, მიმართეთ ექიმს დახმარებისთვის.
საშვილოსნოს ყელის სიმსივნის გამომწვევი ყველაზე პოპულარული მიზეზები:
- მოწევა;
- რამდენიმე სექსუალური პარტნიორი;
- დაუცველი სექსი;
- დაქვეითებული იმუნიტეტი;
იმედი გვაქვს, რომ ეს ინფორმაცია თქვენთვის გამოსადეგარი იქნება. არ დაგავიწყდეთ სტატიის მეგობრებისთვის გაზიარება!
რედაქციისგან:საშვილოსნოს ყელის სიმსივნე ერთ-ერთი ყველაზე გავრცელებული გინეკოლოგიური დაავადებაა, რომლის პრევენცია და ადრეული დიაგნოსტიკა გადამწყვეტ როლს ასრულებს მკურნალობის ეფექტურობაში. HPV (ადამიანის პაპილომავირუსი) მისი მთავარი გამომწვევი ფაქტორია, რის შესახებაც ბოლო კვლევები მიუთითებს. 2023 წელს გამოქვეყნებული საერთაშორისო კვლევის (Smith et al.) მიხედვით, HPV-ს საწინააღმდეგო ვაქცინაცია და რეგულარული სკრინინგი მნიშვნელოვნად ამცირებს საშვილოსნოს ყელის სიმსივნის განვითარების რისკს.
მნიშვნელოვანია, რომ პაციენტებმა მიაქციონ ყურადღება სიმპტომებს, მათ შორის უჩვეულო გამონადენს, სისხლდენას და მენსტრუაციური ციკლის დარღვევას. კვლევები აჩვენებს, რომ ცხოვრების წესისა და კვების კორექტირებით შესაძლებელია იმუნური სისტემის გაძლიერება, რაც ორგანიზმს ეხმარება ინფექციებთან ბრძოლაში. განსაკუთრებით მნიშვნელოვანია მწვანე ბოსტნეულისა და ანტიოქსიდანტებით მდიდარი საკვების მიღება. შესაბამისად, ექიმთან დროული კონსულტაცია და სკრინინგის რეგულარული ჩატარება წარმოადგენს საშვილოსნოს ყელის სიმსივნის თავიდან აცილების ყველაზე ეფექტურ გზას.
