ნებისმიერ ურთიერთობას ახლავს აღმასვლის და დაღმასვლის ეტაპები. ზოგი ადამიანი პარტნიორთან პირველივე დისკომფორტის დროს ურთიერთობას წყვეტს. ზოგი კი ცდილობს რომ ყველაფერი „შეაკეთოს“ და „შეაწებოს“. ისინი მომთმენი, თავშეკავებულნი და მგრძნობიარეები არიან, რადგან იციან, რომ ნებისმიერ ქორწინებას ხანგრძლივი და რთული მუშაობა სჭირდება. ასეთ ადამიანებს შორის ხშირად ვხვდებით 4 ზოდიაქოს ნიშანს, რომლებიც ხანგრძლივი და ძლიერი ურთიერთობის შექმნისთვის ყველაზე მეტად ისწრაფვიან. ძლიერი ურთიერთობა მათთვის პრიორიტეტულია.
კურო
თუ თქვენ კუროსთან გაქვთ ურთიერთობა, შეგიძლიათ დარწმუნებული იყოთ, რომ მას თანმიმდევრულობასა და მოთმინებაში ნაკლი არ გააჩნია. კუროს შეგიძლიათ ენდოთ, რადგან ყოველთვის თავშეკავებული არის. ეს ნიშანი მაქსიმალურად სანდოა. მას შესანიშნავად ესმის, რომ ურთიერთობის წარმატებისთვის ბევრი მუშაობა არის საჭირო. სხვათა შორის, ამ ურთიერთობაში პირადი ინვესტიციების მაქსიმალურად ჩადება შეუძლიათ. ის უკეთესობისკენ იბრძვის და არა „ასე წავა“. კურო საკუთარ თავს ბრაზის გამოხატვის უფლებას არ მისცემს. მათ ურჩევნიათ ნებისმიერი პრობლემა დაუყონებლივ გადაჭრან და არა მოგვიანებით.
კირჩხიბი
ყველა კირჩხიბი ზრუნავს იმაზე, რომ მათი საყვარელი ადამიანები თავს კომფორტულად გრძნობდნენ. ამ ზოდიაქოს ნიშნის ადამიანს თანაგრძნობის უნარი ძალიან აქვს განვითარებული და საკუთარი ქცევის მიმართ საკმაოდ ფრთხილი არის. კირჩხიბი ყოველთვის ფიქრობს, სანამ რამეს იტყვის, რომ საყვარელ ადამიანს არ აწყენინოს. ყველაზე რთულ დღეებშიც ცდილობენ თავის შეკავებას და ძვირფასი ადამიანების არ გაბრაზებას. კირჩხიბი ემოციებს და იმას, რაც მის სულსა და გულში ხდება, გულახდილად გამოხატავს. მათ სწრაფად უყვარდებათ და ძალიან ეშინიათ რომ მიატოვებენ. ეს შიში იქამდე მიდის, რომ ხანგრძლივ და ძლიერ ურთიერთობებს სტილში „სიკვდილამდე ერთად“ ირჩევენ.
ქალწული
ქალწული ჭკვიანი, ინტელექტუალური და გონებამახვილი ადამიანი არის, ამიტომ ნებისმიერი სირთულის და დაბრკოლების გადალახვა შეუძლიათ. განსაკუთრებით მაშინ, როცა ეს პარტნიორთან ურთიერთობას საფრთხეს უქმნის. ისინი პრობლემას სწრაფად აღმოაჩენენ და აანალიზებენ, ამით ურთიერთობას აძლიერებენ და საკმაოდ წარმატებულს ხდიან. „დააკვირდი, სად ხტები“ – ეს მათი დევიზია. ისინი ყოველ გადაწყვეტილებაზე კარგად ფიქრობენ, სანამ შემდეგ ნაბიჯს გადადგამენ. გარდა ამისა, ყოველმა ქალწულმა იცის, რომ ურთიერთობისთვის ორივე ადამიანმა უნდა იმუშაონ. თუ ურთიერთობისთვის მხოლოდ ერთი ადამიანი მუშაობს, მაშინ ეს პროექტი არ გაამართლებს.
სასწორი
სასწორზე უფრო მოთმინებით აღსავსე ადამიანს ვერ იპოვით. ის მორალურად მოწიფული ადამიანია, რომელმაც იცის რომ წარმატების მისაღწევად რთული მუშაობა არის საჭირო. სასწორმა იცის, თუ ურთიერთობის გასაგრძელებლად როგორი რეცეპტი არის საჭირო და პასუხისმგებლობის და ვალდებულებების აღების არ ეშინიათ. იმის მიუხედავად, როგორი ქაოსური შეიძლება იყოს ცხოვრება, სასწორი მაინც სიმშვიდეს ინარჩუნებს. ისინი თავშეკავებულნი არიან და პრობლემის გადასაჭრელად გადაწყვეტილებას და პასუხებს დაჟინებით ეძებენ. ამ ზოდიაქოს ნიშნის ადამიანში ბევრი სიყვარული და ზრუნვა არის, რომელიც მათ სურთ რომ პარტნიორს მისცენ, ამასთან საკმაოდ გულწრფელად და გულახდილად.
