ზოდიაქოს ამ ნიშნებს უყვართ სწავლა, ამ პროცესით გატაცებულნი არიან და მთელი ცხოვრება ახალი ცოდნის მიღებას ცდილობენ. ისინი წიგნების გარემოცვაში არიან, სახელმძღვანელოებიდან სწავლობენ და ბევრ კურსს გადიან. მათი მიზანი არის არა გამდიდრება, არამედ ბევრი ინფორმაციის მიღება. ეს „აკადემიკოსები“ ჩვეულებრივ ძალიან პასუხისმგებლიანი, მიზანდასახული, ინტელექტუალური და კრეატიული ადამიანები არიან.
ვერძი
გასაოცარია, რამდენად კარგად გამოსდის ვერძს სწავლა. მათ უყვართ ყველა შესაძლო კურსზე სიარული, ახალი ცოდნის ათვისება და უბრალოდ ჭკვიან და განათლებულ ადამიანებთან ურთიერთობა. ვერძს მოსწონს დასახული ამოცანის არასტანდარტული გზით და საკუთარი ჭკუითა და უნარებით გადაჭრა. ტიპიური ვერძი ცდილობს გახდეს სუპერ პროფესიონალი და ნომერ პირველი აბსოლუტურად ყველაფერში. ის, როგორც წესი, კარგ ნიშნებს ღებულობს, კონკურსებში იმარჯვებს და ჯილდოებს ღებულობს. ვერძს უღიმღამო შედეგები არ აკმაყოფილებს.
კურო
კურო შესანიშნავი სტუდენტი და დიდებული მასწავლებელია. ისინი ბეჯითად მუშაობენ იმაზე, რაც მათ აინტერესებთ. განსაკუთრებით მაშინ, როცა საქმე ვინმესთვის ცოდნის გაზიარებას ეხება. კურო საკმაოდ მომთმენია, რომ ყველაზე რთულ სტუდენტებს გაუმკლავდეს. ასევე ის საკმაოდ ჭკვიანია, რომ იცოდეს, როდის ღირს პატიება და როდის დასჯა. სამეცნიერო კონფერენციაზე მაღალკვალიფიციურ ადამიანებს შორის თავს ისე გრძნობენ, როგორც სახლში. თუ ცხოვრება მათ სწავლის შეწყვეტას აიძულებს, შედეგად კურო ყველაფერს აკეთებს იმისათვის, რომ კარიერა გააგრძელოს.
ქალწული
ქალწული მთელი ცხოვრება სტუდენტი არის, რომელიც მუდმივად ცოდნის მიღებას ცდილობს. ამ ზოდიაქოს ნიშნის ადამიანს უყვარს სწავლა, კვლევა და მონაცემების ანალიზი. ისინი ძალიან ჭკვიანები, ცნობისმოყვარეები, დეტალებზე დაკვირვებულები არიან. ქალწული სწავლაში ყოველთვის წარმატებულია და ყოველთვის საუკეთესოებს შორის არის. როცა ქალწული რაიმე საგნით ღრმად დაინტერესებული არის, შეეცდება ბოლომდე შეისწავლოს იმის მიუხედავად, თუ რამდენი დრო დასჭირდება. მაგრამ როგორც კი მისი ცნობისმოყვარეობა დაკმაყოფილებული იქნება, ის შემდეგ საკითხზე გადავა.
მორიელი
მორიელი მიზანდასახული ადამიანი არის, რომელიც სწავლის პროცესს ენთუზიაზმით უდგება. სწავლისადმი ენთუზიაზმის წყალობით ის ნებისმიერ საგანს მაქსიმალურად ითვისებს და პასუხისმგებლობით უდგება. ყველა მორიელი ცოდნის მიღების მხრივ საკმაოდ მოტივირებული არიან და საკუთარ კვლევაში წარმატებას აღწევენ. თუ ისინი დისერტაციაზე ან პროექტზე მუშაობენ, სამუშაოში მაქსიმალურ ენერგიასა და ძალისხმევას დებენ. ასევე მორიელს ჭვკიან ადამიანებთან ურთიერთქმედება და თანამშრომლობა უყვარს, რომელთანაც ცოდნის და გამოცდილების გაზიარება შეუძლიათ.
თხის რქა
თხის რქას დიდი შესაძლებლობები აქვს და ეს არის იმ ტიპის ადამიანი, რომელიც ბევრ დამატებით ცოდნას და კვალიფიკაციას ღებულობენ. რაც უფრო მეტი იციან, მით უფრო თავდაჯერებული ხდებიან. თხის რქა საკმაოდ კარგად ღებულობს გადაწყვეტილებებს. როცა მიზანს ხედავენ, მაგ., რომელიმე სფეროში ექსპერტობა, სასურველის მიღწევამდე არ გაჩერდებიან. თუ კარიერული წინსვლისთვის უნივერსიტეტში დაბრუნება და სწავლის გაგრძელება სჭირდება, თხის რქა ამას გააკეთებს. ისინი საკმაოდ დისციპლინირებული ადამიანები არიან და განათლებას სერიოზულად უდგებიან.
