კრემისებრი რძის დესერტები ყოველთვის ჩემი სისუსტე იყო. სწორედ ამ დესერტებს ვეძებდი კაფეებისა და რესტორნების მენიუში, სადაც ყავის დასალევად დავდიოდი. არც ერთხელ არ დამბადებია აზრი, რომ ჩემი საყვარელი დესერტის მომზადება შესაძლებელია სახლშიც. მაგალითად, ნაზი რძის დესერტი ყავის გემოთი შეიძლება დამოუკიდებლად მომზადდეს უმოკლეს დროში.
ეს დესერტი მრავალი წლის წინ აღმოვაჩინე, როდესაც დასასვენებლად ვიმყოფებოდი. ერთხელ რომ გავსინჯე, მერე მთელი შვებულების განმავლობაში ყოველდღე იმავე კაფეში ვბრუნდებოდი. სახლში დაბრუნებულმა ინტერნეტში მისი რეცეპტი აღმოვაჩინე. სახლში მომზადებული დესერტის გემო არა თუ უარესი, არამედ უკეთესიც კი აღმოჩნდა, ვიდრე მაღაზიაში ნაყიდის. და თუ თქვენც გიყვართ ასეთი ნაზი დესერტები, აუცილებლად უნდა მოამზადოთ.
ნაზი რძის დესერტი: როგორ მოვამზადოთ
ეს დესერტი იმით არის კარგი, რომ ის მზადდება მინიმალური პროდუქტებისგან – ძალიან მოკლე დროში. გარდა ამისა, მისი შემადგენლობა შეიძლება იყოს განსხვავებული. მაგალითად, ამ დესერტში ხანდახან ყავას კენკრით ვანაცვლებ, რაც მთლიანად ცვლის მის გემოს. შეგიძლიათ თქვენი გემოვნების მიხედვით მოამზადოთ.
როგორ მოვამზადოთ კრემ-დესერტი რძისგან
ინგრედიენტები
- რძე 0,5ლ;
- 200 გ შაქარი;
- 3 ს.კ. სიმინდის სახამებელი;
- 4 ს.კ. ხსნადი ყავა;
- 150 მლ წყალი.
მომზადების წესი
1. დესერტის მოსამზადებლად დაგჭირდებათ ქვაბი სქელი კედლებით. ჩაასხით რძე ქვაბში, დაუმატეთ 100 გ შაქარი და დადგით ცეცხლზე.
2. ამ დროის განმავლობაში ცალკე ჯამში შეურიეთ 2 ს/კ ხსნადი ყავა და 2 ს/კ ცხელი წყალი. კარგად აურიეთ და ჩაასხით რძეში.
3. ამის შემდეგ სახამებელი გახსენით 50 მლ ცივ წყალში. ეს ნარევი დაუმატეთ რძეს და კარგად აურიეთ.
4.ადუღეთ რძე შესქელებამდე, გამუდმებით ურიეთ სათქვეფით.
5. სანამ დესერტს პორციულ ფორმებში გადაანაწილებთ, შეგიძლიათ თითოეული ფორმის ძირში მოათავსოთ ორცხობილები. დესერტის გაციების შემდეგ მიიღებთ ნაზ ბისკვიტს დესერტის შიგნით. თუ დესერტს ყავის გემო კენკრის ან ხილს გემოთი უნდა შეუცვალოთ, მაშინ შეგიძლიათ ფორმის ძირში ხილის ნაჭრები მოათავსოთ. შემდეგ შეავსეთ თითოეული ფორმა დესერტით. დესერტი უნდა გააციოთ 1 საათის განმავლობაში.
6. ამ დროის განმავლობაში მოამზადეთ ყავის შემავსებელი. შეურიეთ 2 ს.კ. ხსნადი ყავა, შაქარი და ცხელი წყალი. მიქსერის გამოყენებით ათქვიფეთ ნარევი ნაზი ქაფის მისაღებად.
7. გაცივებულ დესერტს ზემოდან დაადეთ ყავის ქაფი. გემრიელად მიირთვით!
ეს ნაზი რძის დესერტი შეგიძლიათ მიირთვათ ჩვეულებრივ დღეებში ან მოამზადოთ სადღესასწაულო სუფრისთვის.
