კარტოფილი ერთ-ერთი პროდუქტია, რომლის გარეშეც ძნელი წარმოსადგენია როგორც ყოველდღიური, ასევე სადღესასწაულო სუფრა. შეგიძლიათ მოამზადოთ, როგორც მოგესურვებათ – დაჭრათ ვინეგრეტში, დაამატოთ წვნიანს, გადააქციოთ გემრიელ პიურედ. ეს ყველაფერი დამოკიდებულია თქვენს ფანტაზიაზე. გამომცხვარი ბოსტნეული კი არა მხოლოდ გემრიელი, არამედ თქვენი ფიგურისთვისაც სასარგებლო იქნება. ვივიენის დღევანდელ სტატიაში წარმოგიდგენთ კარტოფილს მშრალ კლიარში. ეს არის ჩემი სათადარიგო კერძი, ჩემი მაშველი.
ძალიან ხშირად ვაცხობ ღუმელში ისეთ ბოსტნეულს, როგორიცაა ტკბილი კარტოფილი, ჭარხალი და ბროკოლი. ვამატებ სხვადასხვა სანელებელს, ვდგამ ღუმელში და ცოტა ხანში – გემრიელი კერძი მაგიდაზეა. მივირთმევთ პურთან და ჰუმუსთან ერთად. კარტოფილსაც იგივე პრინციპით ვამზადებ, მაგრამ კლიარში. გამოდის წარმოუდგენლად პიკანტური და გემრიელი. მე მიყვარს ეს კერძი, რადგან რესტორნის კერძის გემო აქვს და მინიმალურ ძალისხმევას მოითხოვს. ასეთ კარტოფილზე ჩემი ოჯახი არასოდეს ამბობს უარს, რადგან ძალიან მადისაღმძვრელია!
როგორ მოვამზადოთ კარტოფილი კლიარში
ინგრედიენტები
- 8 ცალი კარტოფილი;
- მარილი გემოვნებით;
- მცენარეული ზეთი 20 მლ;
- 2 ს.კ. ხორბლის ფქვილი;
- 0,5 ჩ.კ. კურკუმა;
- 0,5 ჩ.კ. ორეგანო;
- 1 ჩ.კ. ნივრის ფხვნილი;
- 0,5 ჩ.კ. დაფქული დაფნის ფოთოლი;
- 0,25 ჩ.კ ჯანჯაფილის ფხვნილი.
მომზადების წესი
1. პირველ რიგში, ჩართეთ ღუმელი და 200 გრადუსამდე გააცხელეთ.
2. გაასუფთავეთ კარტოფილი, გარეცხეთ, შემდეგ დაჭერით თითოეული კარტოფილი 8 ნაჭრად. მცენარეულ ზეთს დაამატეთ მარილი და კარტოფილის ნაჭრები მასში ამოავლეთ.
3. შეურიეთ ერთმანეთს ფქვილი და სანელებლები, შემდეგ მიღებული მასა შეურიეთ კარტოფილს რამდენიმე დამატებით.
4. საცხობ ფორმაზე გაშალეთ პერგამენტის ქაღალდი და კარტოფილის ნაჭრები მასზე მოათავსეთ. ნაჭრებს შორის მანძილი დაიცავით.
5. საცხობი ფორმა შედგით ღუმელში, შეამცირეთ ტემპერატურა 180 გრადუსამდე. გამოაცხვეთ კონვექციით, სრულ მომზადებამდე.
გამომცხვარი კარტოფილი მიირთვათ ცხელ მდგომარეობაში, არაჟნისა და მწვანილის სოუსთან ერთად.
