ის, რომ დანაზოგი ძალიან ღირებული რამ არის, ამას ლაპარაკი არ სჭირდება. საიდუმლო დანაზოგი უნდა გქონდეს ყოველთვის. ზოგჯერ შეიძლება რთული იყოს საკუთარი ფინანსური ბალიშის გაზრდა, მაგრამ კიდევ უფრო რთული მისი დამალვა. როგორც საკუთარი თავისგან, ასევე არაკეთილსინდისიერი ადამიანებისგან. სად უნდა დამალო ფული 21-ე საუკუნეში, როცა ყველა სამალავი დიდი ხანია ცნობილია?
სკამები – გასული საუკუნისაა, უნიტაზის ავზი 90-იანი წლების რელიკვიაა და სავენტილაციო ხვრელი კი – საერთოდ უნდა დავივიწყოთ. მძარცველებმა ჩვენზე უკეთ იციან ყველა ამ სამალავის შესახებ! მაგრამ, აი ამ განცალკევებულ ადგილებში ძებნას კი ყველა ვერ მოიფიქრებს.
სამალავები ფულისთვის
ჩიტების სახლი
ფულს ჩვეულებრივ სახლში ინახავენ, მაგრამ ჩიტების სახლიც კარგად გამოდგება, რადგან კანონის დამრღვევებს, ნაკლებად სავარაუდოა, რომ ხეზე ასვლა მოაფიქრდეთ.
ჩოგბურთის ბურთი
ჩოგბურთის ბურთები შიგნით ცარიელია და ადვილად იჭრება. ამის შემდეგ, თქვენ უნდა დამალოთ თქვენი დანაზოგი და ბურთი კვლავ დააწებოთ. უბრალოდ, სათამაშო ბურთში არ აგერიოთ!
ფანჯრის რაფა
თუ ფანჯრების განახლებას გეგმავთ, გახსოვდეთ, რომ ყოველთვის შეგიძლიათ დატოვოთ მცირე სივრცე და გააკეთებინოთ მოძრავი ფანჯრის რაფა. ან მოსახსნელი პანელი.
დენცქვიტა
საშიში, მაგრამ ამავე დროს ძალიან საიმედო ადგილი. დენცქვიტას პლასტმასის საფარის უკან არის სამალავი მრავალი მავთულით. მავთულები, რა თქმა უნდა, იზოლირებულია. მაგრამ იქ მხოლოდ არალითონური ნივთების დამალვა შეიძლება: მაგალითად, ბანკნოტების ან მარგალიტების.
საყოფაცხოვრებო ქიმიური საშუალებების ან კოსმეტიკური საშუალებების ქილები
მუშაობს როგორც შვეიცარიული საათი! შეიძინეთ კიდევ ერთი ქილა თმის ბალზამი, არ დაზოგოთ ფული ტანის კრემზე. მოათავსეთ ფული ზიპ პაკეტში, დაამრგვალეთ და ჩადეთ კრემში. აზრადაც არ მოუვა ვინმეს, ქილების დაცლა. და თუ მოუვა, მაშინ უამრავი ქილის დაცლა მოუწევს.
კედლის საათი
სხვათა შორის, საათის შესახებ. არ დაგავიწყდეთ, რომ ნებისმიერი კედლის საათი იშლება ნაწილებად და საკმაოდ დიდი სივრცე აქვს შიგნით. ზუსტად ის არის, რაც გამოდგება ბებიას ოქროს სამკაულებისთვის!
კლავიატურა
თანამედროვე სამალავი, რომელიც ტექნოლოგიურმა პროგრესმა გვაჩუქა. კლავიატურა, რომელსაც გვერდით ციფრები აქვს, შეიძლება გადაიქცეს პატარა სეიფად ძვირფასი ქვითრებისთვის ან ფულისთვის.
ზოგჯერ საკმარისია მხოლოდ ფანტაზიის ჩართვა. ფულისთვის არანაკლებ კარგ ადგილებად შეიძლება ჩაითვალოს: სანელებლების ქილები, მანქანა, ფეხსაცმელი, გლობუსი და თუნდაც მაგიდის ქვეშ არსებული სივრცე.
