შემაწუხებელი ბუზები – ზაფხულში მუდმივი დაუპატიჟებელი სტუმრები არიან და მათი მოშორება არც ისე ადვილია. თუ ამ მფრინავმა მწერებმა სახლში შემოაღწიეს, ვდგებით რთული ამოცანის წინაშე – როგორ მოვიშოროთ ისინი სახლიდან. გაუთავებელი ზუზუნის მოსმენის თავიდან ასაცილებლად, უნდა დავამზადოთ ხელნაკეთი ბუზების საწინააღმდეგო საშუალება.
თქვენ აღარ დაგჭირდებათ მაღაზიაში წასვლა წებოვანი ლენტის საყიდლად, რომელიც არც ისე სასიამოვნოდ გამოყურება. თქვენ უბრალოდ უნდა აიღოთ საჭირო ბუნებრივი პროდუქტები და სულ რაღაც 5 წუთში საზიზღარ მწერებთან საბრძოლველი ეფექტური საშუალება მზად იქნება გამოსაყენებლად!
ბუზების საწინააღმდეგო საშუალება სახლის პირობებში
რატომ უნდა გამოიყენოთ იგი
გახსოვდეთ, რომ ეს ორფრთიანები უბრალოდ შემაწუხებელი მწერები არ არიან. ისინი ატარებენ სხვადასხვა ინფექციებს, რომლებისკენაც მიდრეკილნი არიან ადამიანები. და მიუხედავად იმისა, რომ ბუზები კოღოების მსგავსად არ სვამენ ადამიანის სისხლს, მათ კბენა მაინც შეუძლიათ. ამრიგად, ამ მწერებს შეუძლიათ გადაიტანონ ჰელმინთოზი, ნაწლავებისა და თვალის ინფექციები, ტუბერკულოზი და სხვა მრავალი დაავადება. ამიტომ სახლში ბუზების რაც შეიძლება მალე მოშორება – სწორი გადაწყვეტილებაა.
საშუალება 1
ეფექტური საშუალების დასამზადებლად, რომელიც დაგეხმარებათ მფრინავი მწერების წინააღმდეგ ბრძოლაში, უნდა აიღოთ ხმელი მიხაკი და ხილი (შესაფერისია ვაშლი, ლიმონი და ფორთოხალი). შემდგომ, დამზადების ეტაპები ელემენტარულია. აუცილებელია ხილი კარგად გარეცხოთ და ჩაარჭოთ მათში მინიმუმ 20 ცალი მშრალი მიხაკი. ვაშლის და ციტრუსის წვენი დაატენიანებს სანელებელს, რაც საშუალებას მისცემს არომატს მთელ სახლში გავრცელდეს.
ბუზებს უბრალოდ სძულთ ეს სუნი. ამიტომ, სანამ თქვენ თვალის დახამხამებას მოასწრებთ, ისინი უკვე დატოვებენ თქვენს სახლს. ასეთ ეფექტურ საშუალებას შეუძლია მწერების განდევნაც და სახლისთვის საინტერესო დეკორაციის როლის შესრულებაც. ამიტომ მის დამზადებას შემოქმედებითად უნდა მიუდგეთ.
საშუალება 2
ბუზების მოშორებაში მიხაკის ეთერზეთიც დაგეხმარებათ. მისი რამდენიმე წვეთი უნდა დაამატოთ წყლით სავსე შესასხურებლიან ბოთლში და უნდა დაასხუროთ მთელ სახლში. ამ შემთხვევაში ძალიან მნიშვნელოვანია ნარევის საფუძვლიანად შესხურება ფანჯრის ჩარჩოებზე. მოამზადეთ ეს სასწაულმოქმედი საშუალება, შეინახეთ ბოთლში და საჭიროების შემთხვევაში გამოიყენეთ.
ამ მარტივი მეთოდებით შეგიძლიათ სწრაფად და ეფექტურად მოიცილოთ ბუზები. გარდა ამისა, სახლში შესანიშნავი არომატი იქნება.
