თურქეთი ცნობილია თავისი უგემრიელესი დესერტებით, რომლებმაც მსოფლიოში ყველა ტკბილეულის მოყვარულის გული დაიპყრეს. ბაქლავა და რაქათ-ლუქუმი ალბათ ყველაზე პოპულარული ტკბილეულია, რომლის გემოც ყველასთვის ნაცნობია. მათ რიგს შეგვიძლია მივაკუთვნოთ ლოკმაც (პატარა ფუნჩულები შაქრის სიროფში). ეს არის უგემრიელესი თურქული დესერტი, რომლის მომზადებასაც ნებისმიერი მსურველი შეძლებს.
ეს საფუვრიანი ცომის ფუნჩულები იმით არის კარგი, რომ არ არის საჭირო ხელების გათხუნა მათი მომზადებისას. უბრალოდ, უნდა შეავსოთ საკონდიტრო ტომარა ცომით, შემდეგ კი მაკრატლით გაჭრათ. ამ გზით მიიღებთ პატარა, გემრიელ ბურთულებს, რომლებიც უნდა შეწვათ ოქროსფერი ქერქის მიღებამდე.
თუ არ გაქვთ საკონდიტრო ტომარა, შეგიძლიათ გამოიყენოთ სქელი პოლიეთილენის ცელოფანი. მოათავსეთ მასში ცომი და შემდეგ შეკარით ძაფით. ფრთხილად მოჭერით ცელოფნის კიდე დახრილად და შემდეგ ფრთხილად გამოწურეთ შიგთავსი.
საჭირო ინგრედიენტები:
- 1 ლიტრი წყალი;
- 1 ჩ.კ. მარილი;
- 425 გ შაქარი;
- 500 გ ხორბლის ფქვილი;
- 1 ჩ.კ. საფუარი;
- 1 ს.კ. ლიმონის წვენი;
- მცენარეული ზეთი შესაწვავად.
მომზადების მეთოდი:
1. ღრმა ჭურჭელში ჩაასხით 0,5 ლიტრი თბილი წყალი. დაუმატეთ მარილი, საფუარი და 1 ს.კ. შაქარი. საფუძვლიანად აურიეთ. დაუმატეთ ხორბლის ფქვილი და კვალავ აურიეთ. გადააფარეთ საკვები ცელოფანი და დადგით თბილ ადგილას ნახევარი საათით.
2. მოამზადეთ სიროფი. ქვაბში ჩაასხით 400 გ შაქარი. ჩაასხით 0,5 ლიტრი სუფთა წყალი. დადგით მაღალ ცეცხლზე. ენერგიულად ურიეთ, სანამ შაქარი მთლიანად არ გაიხსნება. როდესაც პირველი ბუშტები გაჩნდება, დაამატეთ ლიმონის წვენი. ხარშეთ საშუალო ცეცხლზე კიდევ 15 წუთის განმავლობაში. შემდეგ გადმოდგით გაზქურიდან და გააცივეთ.
3. სქელძირიან ქვაბში ჩაასხით მცენარეული ზეთი. ცომი გადაიტანეთ საკონდიტრო ტომარაში. ცელოფანს კუთხე მოაჭერით პატარა ბურთულების მისაღებად.
4. შეწვით ოქროსფერი ქერქის მიღებამდე. შემდეგ გადაიტანეთ ბურთულები ქაღალდის პირსახოცზე, რათა ზედმეტი ცხიმი ჩაიწუროს.
5. ფუნჩულები გადაიტანეთ ქვაბში, სადაც შაქრის სიროფია. ფრთხილად აურიეთ და 2 წუთის შემდეგ ამოიღეთ. შემდეგ დაალაგეთ ფუნჩულები გროვად და სურვილისამებრ მოაყარეთ ფისტის ფქვილი.
ეს დესერტი დარიჩინითაც შეიძლება მორთოთ. ეს უკვე თქვენი შეხედულებისამებრ. ნებისმიერ შემთხვევაში, ძალიან ტკბილი და გემრიელი გამოვა! თურქეთში ასეთ ფუნჩულებს ჩანგლით მიირთმევენ ან ჩხირებზე აგებენ. სცადეთ როგორც პირველი, ასევე მეორე მეთოდი. ამ გზით თქვენ გეცოდინებათ, როგორ მიართვათ სტუმრებს ეს ტკბილი დესერტი.
