ცოტა ხნის წინ, ჩემმა ქმარმა პერანგი პირდაპირ სამსახურში წასვლის წინ დაისვარა. იმ დღეს მნიშვნელოვანი შეხვედრა ჰქონდა და დაგვიანება არ შეიძლებოდა. დანარჩენი პერანგები ჯერ კიდევ სველი იყო და დავდექი თითქმის არარეალური ამოცანის წინაშე: როგორ გამეშრო სარეცხი ასეთ მოკლე ვადაში?
რა თქმა უნდა, ასეთ მოულოდნელობებს მომზადებულები უნდა შევხვდეთ, მაგრამ მოხდა ის, რაც მოხდა. ძალიან გაუმართლათ იმ დიასახლისებს, ვისაც სარეცხის საშრობები აქვთ. მაგრამ ტექნიკას 100%-ით ვერ დაეყრდნობი. ხომ შეიძლება, რომ უბრალოდ ელექტროენერგია გაითიშოს? ვივიენის დღევანდელ სტატიაში გეტყვით, როგორ უნდა გააშროთ სარეცხი სწრაფად, საშრობის გარეშე.
როგორ გავაშროთ სარეცხი რამდენიმე საათში. შოტლანდიელი ქალის ხრიკი
ინტერნეტის მეშვეობით შეგვიძლია გავუცვალოთ მეთოდები და ხრიკები არა მხოლოდ ჩვენს მეზობლებსა და მეგობრებს. რომელიმე სოციალური ქსელის დათვალიერებისას, ვეცნობით მთელი მსოფლიოს დიასახლისების საიდუმლოებებს! ხშირად გვხვდება ნამდვილად კარგი რჩევები იმასთან დაკავშირებით, თუ როგორ დავაუთოოთ მარტივად შორტები ან როგორ დავალაგოთ სამზარეულო.
ცოტა ხნის წინ, ინტერნეტში შემხვდა რჩევა, როგორ გავაშროთ სარეცხი სწრაფად, გარეცხვის შემდეგ. გლაზგოში მცხოვრებმა ახალგაზრდა ქალმა, ალექს გრინმა, გამოიგონა და მოაწყო ჯიბე ცხელი ჰაერით! მან უბრალოდ ზეწარი გადააფარა სარეცხის საშრობს და მისი ბოლოები რადიატორის უკან დაამაგრა. ამრიგად, შექმნა გუმბათი, რომელშიც სარეცხი ძალიან სწრაფად გაშრა!
რა თქმა უნდა, ეს რჩევა გამოგადგებათ მხოლოდ ზამთარში, როდესაც ბატარეები ჩართულია. ზაფხულში კი სარეცხი შეგიძლიათ მზეზე ან ნიავზე გააშროთ. თბილ დღეებში ხომ ტანსაცმელი ისედაც სწრაფად შრება. გაითვალისწინეთ ეს მეთოდი, როდესაც სარეცხის უმოკლეს დროში გაშრობა დაგჭირდებათ!
