არც თუ ისე ბევრი მეყვავილე დაასახელებს ოქსალისს თავის საყვარელ მცენარედ. ეს ძალიან გასაოცარი ფაქტია, რადგან ოქსალისი უჩვეულოდ ლამაზია. ამავდროულად, ის მოვლის მხრივაც უპრეტენზიოა.
რაც შეეხება ოქსალისის ღია გრუნტში დარგვას, ეს ძალიან სარისკო საქმეა. ამ მცენარეს მთელი ტერიტორიის გადავსება შეუძლია, მისი მოსპობა კი არც ისე მარტივია. ოქსალისის ქოთანში დარგვა, პირიქით, ძალიან სასიამოვნო პროცესია. ამ ამოცანას ის ადამიანიც კი გაუმკლავდება, ვინც საერთოდ არ იცის ოთახის მცენარეების მოვლა.
რატომ უნდა დავრგოთ ოქსალისი: 5 ძირითადი მიზეზი
მარტივი მოვლა
ოქსალისის დადებითი მხარე ის არის, რომ ის განსაკუთრებულ მოვლას არ მოითხოვს. საკმარისია მისი რეგულარულად მორწყვა და გადარგვა ორ წელიწადში ერთხელ. სასუქზე შეგიძლიათ არც ინერვიულოთ. ოქსალისის უხვ ყვავილობას ის არ სჭირდება. მცენარეს ზიანს არ მიაყენებს არც ტემპერატურის მკვეთრი დაქვეითება. ოქსალისი იძინებს, შემდეგ კი ხელახლა იწყებს ყვავილობას.
ლამაზი ყვავილობა
მუქი იისფერი ოქსალისი სამკუთხა ფოთლებით – ძალიან ლამაზი ყვავილია, რომელიც აუცილებლად გამორჩეული იქნება ფანჯრის რაფაზე. მისი პატარა ზომის თეთრი ყვავილედები ასეთი კონტრასტის ფონზე უბრალოდ განსაცვიფრებელია. ამ მცენარის სილამაზე ენით აღუწერელია!
საკვებში დამატება
აღმოჩნდა, რომ ოქსალისის ფოთლები უნივერსალური ინგრედიენტია, რომელსაც მზარეულები იყენებენ სალათებისა და პირველი კერძების მომზადებისას და ასევე გაფორმებისას. თუ ოქსალისს გაახმობთ, მაშინ შეძლებთ ეს ორიგინალური გემოს მქონე სანელებელი სხვადასხვა კერძებს დაამატოთ. ვიტამინები, მჟაუნას და ვაშლის მჟავა, ფლავონოიდები არის ის, რის მიღებასაც შეძლებს თქვენი ორგანიზმი ოქსალისის საკვებში დამატების შემთხვევაში.
ხალხური ნიშანი
ამბობენ, რომ ოქსალისი ბედნიერებას და წარმატებას იზიდავს. სწორედ ამიტომ, ჩუქნიან ამ მცენარეს ახალმოსახლეობაზე. სხვა ყველაფერთან ერთად, ის ხელს უწყობს მატერიალური პრობლემების მოგვარებას. გაითვალისწინეთ!
გამოყენება ყოველდღიურ ცხოვრებაში
ვინ იფიქრებდა რომ, რომ ოქსალისი ბევრ ნაყიდ ლაქის ამომყვან საშუალებაზე უფრო ეფექტური აღმოჩნდებოდა! მისი წყალობით შეგვიძლია სისუფთავე დავუბრუნოთ არა მხოლოდ ტანსაცმელს, არამედ ხელებსაც. თუ ბოსტანში მუშაობის შემდეგ ხელებს ვერ უბრუნებთ პირვანდელ სისუფთავეს, ოქსალისი გამოიყენეთ. ფოთლები ხელებს შორის გასრისეთ და ხელები ისევ სუფთა გექნებათ!
თუ ამ კაშკაშა მცენარის საოცარმა თვისებებმა გაგაოცათ, სასწრაფოდ წადით ყვავილების მაღაზიაში. ლამაზი ოქსალისი საუკეთესო არჩევანია თქვენს რაფაზე ყვავილების კოლექციის შესავსებად.
