კატის ქცევა ნამდვილი ამოცანაა ადამიანისთვის. კატა შეიძლება იყოს ნაზი და მოსიყვარულე საღამოს, დილით კი თქვენს ფეხს ეცეს, რომელიც საბნიდან მოჩანს. თქვენი შინაური ცხოველის ხასიათის საიდუმლოს ამოცნობაში კატის ფსიქოლოგია დაგეხმარებათ. კატები ხშირად არავერბალურად გადმოგვცემენ, თუ რას გრძნობენ ადამიანის მიმართ.
ძაღლების შემთხვევაში ყველაფერი გაცილებით უფრო მარტივია: მათ უყვართ არა მხოლოდ თავიანთი პატრონი, არამედ მთელი მისი ოჯახიც. ძაღლები სიამოვნებით ხვდებიან უცნობებს და ძალიან იშვიათად ამჟღავნებენ არამეგობრულ ქცევას. კატები უფრო დამოუკიდებელი არსებები არიან. ხშირად ძნელია იმის დადგენა, არიან თუ არა ისინი ემოციურად მიჯაჭვულნი თუნდაც თავიანთ პატრონზე. ბევრ ადამიანს აინტერესებს, როგორ გაარკვიოს, უყვარს თუ არა კატას. მაგრამ უფრო მარტივია ვუპასუხოთ სხვა კითხვას. ვივიენის დღევანდელ სტატიაში გეტყვით, როგორ უნდა დაადგინოთ, რომ თქვენს კატას სძულხართ.
კატის ფსიქოლოგია: უყვარხართ თუ არა თქვენს შინაურ ცხოველს
კაწრავს, იკბინება და ღრიალებს
ეს არამეგობრული დამოკიდებულების აშკარა ნიშნებია. ხდება ხოლმე, რომ კატები ასე თამაშობენ ან აჩვენებენ თავიანთ ზიზღს ახალი სუნის ან საკვების მიმართ. მაგრამ თუ ეს საქციელი კატას ჩვევად ექცა, მას ალბათ არ უყვარხართ.
არ გიყურებთ თვალებში
თუ კატა მუდმივად გაურბის თქვენთან თვალით კონტაქტს, მას აშკარად არ უყვარხართ. კატები ცდილობენ ყველაფრის იგნორირებას, რაც არ სიამოვნებთ. ამიტომ ხშირად ისინი არც კი უყურებენ იმ ადამიანს, რომელიც არ უყვართ.
გადის ოთახიდან
თუ კატა ტოვებს ოთახს, როცა თქვენ შედიხართ, ეს თქვენს მიმართ მტრული დამოკიდებულების კიდევ ერთი აშკარა ნიშანია. შინაურ ცხოველებს ყოველთვის სურთ იყვნენ უსაფრთხოდ და მშვიდად, ამიტომ ისინი მიდიან, თუ გამოჩნდება ადამიანი, რომელიც არ მოსწონთ.
დააკვირდით კუდს
თუ კატა კუდს სხვადასხვა მიმართულებით ატრიალებს, თქვენ აშკარად იწვევთ მასში სტრესს. ასეთ მომენტებში უმჯობესია არ შეეხოთ შინაურ ცხოველს, რადგან ის აგრესიულია და შესაძლოა თავს დაგესხათ კიდეც.
შეხედეთ თვალებში
კატის თვალების მიხედვით ბევრი რამის გაგება შეგიძლია. როგორც წესი, კატები სიყვარულს თვალების ნელი დახამხამებით გამოხატავენ, მაგრამ მათ ასევე შეუძლიათ უარყოფითი გრძნობების გამოხატვაც. თუ თქვენი საყვარელი ცხოველის გუგები მრგვალი და დიდია, მას დიდი ალბათობით ეშინია ან აღელვებულია. თუ გუგები შეკუმშულია, კატა აშკარად გაბრაზებულია.
გახსოვდეთ, რომ თქვენი კატის ნეგატიური დამოკიდებულება შესაძლოა თქვენი ქცევით იყოს გამოწვეული. მაგრამ, იმ შემთხვევაშიც კი, თუ ცხოველებს არ აწვალებ, მიზეზი შეიძლება ბევრი იყოს: მათთვის უსიამოვნო სურნელი, ხმამაღალი ხმა. ზოგჯერ კატების ამ დამოკიდებულების გაგება ან ახსნა რთულია. ეცადეთ, ყურადღება არ მიაქციოთ ცხოველს, შემდეგ კი შეეცადეთ შერიგებას, როცა შინაური ცხოველი დამშვიდდება.
