თანამედროვე სამყაროში ჯანმრთელობაზე ზრუნვა აუცილებელია. სწორედ ამიტომ იკავებს კვება ასეთ მნიშვნელოვან როლს თითოეული ადამიანის ცხოვრებაში. ძნელი დასაჯერებელია, მაგრამ ზოგიერთ ჩვეულებრივ პროდუქტს კომბინაციაში უფრო მეტი სარგებელი მოაქვს, ვიდრე ცალკე. მაგალითად, ბევრისთვის კარგად ნაცნობ კერძს, პომიდვრიან ერბოკვერცხს, მნიშვნელოვანი გავლენის მოხდენა შეუძლია თქვენს ორგანიზმზე.
ის, რომ პომიდვრიანი ერბოკვერცხი დადებით გავლენას ახდენს ორგანიზმზე, ტელეწამყვან იულია ვისოცკაიას ტელეგრამის არხიდან გავიგე. მე მიყვარს მისი რეცეპტების მიხედვით კერძების მომზადება, ამიტომ მისი მიმდევარი ვარ სოციალურ ქსელებში. სწორედ მის ერთ-ერთ გვერდზე გავიგე, როგორ მოქმედებს პომიდვრისა და კვერცხის კომბინაცია ჩვენს ჯანმრთელობაზე. გასაკვირია, მაგრამ ჩემმა ექიმმა ეს დაადასტურა.
ერბოკვერცხი პომიდვრით – გემრიელი და ჯანსაღი კერძი
ის, რომ კვერცხის მომზადება პომიდორთან ერთადაც შეიძლებოდა, ტელეწამყვანმა ბაქოში ყოფნის დროს გაიგო. მოგვიანებით ის ებრაულ შაკშუკასაც გაეცნო, რომელიც ასევე კვერცხითა და პომიდვრით მზადდება. აღმოჩნდა, რომ პროდუქტების ეს კომბინაცია მხოლოდ კარგი გემოთი არ გამოირჩევა.
იმისათვის, რომ ჩვენმა ორგანიზმმა გაუძლოს გულ-სისხლძარღვთა სისტემასთან დაკავშირებულ სხვადასხვა დაავადებებს, მას სჭირდება ისეთი ნივთიერება, როგორიცაა ლიკოპენი. სწორედ ის ებრძვის თავისუფალ რადიკალებს და ასევე ხელს უშლის ქსოვილების გადაჭარბებულ ზრდას. ეს მნიშვნელოვნად ამცირებს კიბოს განვითარების რისკს, ასევე ორგანიზმის ნაადრევ დაბერებას.
ლიკოპენი მიეკუთვნება კაროტინოიდების კლასს, მაგრამ ის რამდენჯერმე უფრო აქტიურია ვიდრე სტაფილოში შემავალი ბეტა-კაროტინი. ახლა კი მთავარი – ლიკოპენი გვხვდება მხოლოდ წითელ პომიდორში. სწორედ ამიტომ ახდენს ასეთ სასარგებლო გავლენას ორგანიზმზე პომიდვრის საკვებად მოხმარება.
მაგალითად, ხმელთაშუა ზღვის ქვეყნებში ჩატარებულმა კვლევებმა დაადასტურა, რომ ამ რეგიონებში მამაკაცები პროსტატის კიბოთი ბევრად უფრო იშვიათად ავადდებიან, ვიდრე მამაკაცები მათი მეზობლები სხვა რეგიონებიდან. მიზეზებს შორის ასახელებენ იმისაც, რომ იქ კულინარიული რეცეპტების უმეტესობა შეიცავს ტომატის პასტას ან პომიდორს.
მაგრამ არის ერთი ნიუანსი – თუნდაც მუდმივად მიირთვათ პომიდვრის სალათა, ორგანიზმში ლოკოპენის მოხვედრაზე ეს არ მოახდენს გავლენას. მიზეზი ის არის, რომ ჩვენს ნაწლავებს შეუძლია ლიკოპენის შეწოვა მხოლოდ მცენარეულ ზეთთან ერთად. უფრო მეტიც, პომიდორი და ზეთი კარგად უნდა გაცხელდეს. სხვათა შორის, ეს ეფექტი ასევე ვრცელდება მაღაზიაში ნაყიდ ტომატ-პასტაზე, რადგან ის თერმულად მუშავდება წარმოების დროს. პომიდვრის წვენი კი ამ მხრივ უსარგებლოა.
რატომ უნდა მოვამზადოთ პომიდორი კვერცხთან ერთად?
იქნებ პომიდორი კვერცხის გარეშეც სასარგებლოა? კი, მაგრამ მთლად ასე არაა. საქმე ისაა, რომ კვერცხი მდიდარია ცილებით, ვიტამინებით A, B12, E, ფოსფორით და ბიოტინით. პომიდორი, ყველა დანარჩენთან ერთად, შეიცავს სელენს, რომელიც შეიწოვება მხოლოდ ტოკოფეროლთან, ანუ E ვიტამინთან ერთად. ამიტომ, გამოდის, რომ კვერცხისა და პომიდვრის კომბინაცია გახდება ნამდვილი ვიტამინური აფეთქება თქვენი ორგანიზმისთვის.
ვიმედოვნებთ, რომ სტატია თქვენთვის საინტერესო იყო.
