ძნელია იპოვოთ უფრო პოპულარული სასმელი, ვიდრე ყავა. მას სხვადასხვა ასაკის, ეროვნებისა და რელიგიის ხალხი აღმერთებს. ყავის მომზადება სისტემატური და მრავალეტაპიანი პროცესია. მისი მეშვეობით შეგიძლიათ მიიღოთ ან თქვენი საყვარელი სასმელი, რომლითაც შეგიძლიათ დატკბეთ ან უსიამოვნო სითხე, რომელიც შორს იქნება თქვენი მოლოდინებისგან.
როცა გემრიელი ყავის მოდუღების სწავლა დავიწყე, ჩემს მეგობარს მივმართე დახმარებისთვის. ის დიდი ხნის განმავლობაში ცხოვრობდა თურქეთში, სადაც ეს სასმელი განსაკუთრებულად ფასდება. მან იქ შეიცნო თურქული ყავის მომზადების საიდუმლოები. აღმოჩნდა, რომ უმეტესობა ჩვენგანი ყავის მოდუღებისას უშვებს უამრავ შეცდომას, რაც მნიშვნელოვნად აუარესებს მზა სასმლის გემოს. სწორედ ამ შეცდომებს ვუშვებდი მეც!
თურქული ყავის მომზადება ყავადანში (ჯეზვეში): შეცდომები
ყავის მომზადების ყველაზე პოპულარული ვარიანტია – ყავის ყავადანში მომზადება. ასეთი მარტივი მოწყობილობა დაგეხმარებათ მოამზადოთ არომატული სასმელი, რომელიც მოგანიჭებთ სიამოვნებას და მხნეობას. მაგრამ ყავადანში ყავის მოდუღება ბევრად უფრო რთული პროცესი აღმოჩნდა, ვიდრე გვეგონა. არსებობს მთელი რიგი მცირე შეცდომები, რამაც შეიძლება შემდგომში მნიშვნელოვნად შეცვალოს საბოლოო გემო.
ჯეზვე
ხშირად, ვინც ახლა იწყებს ყავის მომზადების საფუძვლების სწავლას, იმისთვის, რომ ყავა ერთბაშად მიართვას მთელ ოჯახს, ყიდულობს 0,5 ლიტრიან ჯეზვეს. ეს დიდი შეცდომაა. საქმე ისაა, რომ ყავის, წყლის რაოდენობა და მომზადების დრო პირდაპირ დამოკიდებულია ჯეზვეს ზომაზე. და ამ მომენტების გაგება შესაძლებელია მხოლოდ ცდებისა და შეცდომების გზით. მაგრამ თუ ყავის მომზადების გამოცდილება საერთოდ არ გაქვთ, მაშინ ამის გაკეთება ძალიან გაგიჭირდებათ.
ამიტომ გირჩევთ აირჩიოთ 100 -150 მლ-იანი ჯეზვე. იდეალურ შემთხვევაში, ჯეზვე განკუთვნილი უნდა იყოს ზუსტად ერთი ადამიანისთვის. უმჯობესია ყავა რამდენჯერმე მოადუღოთ, თითოეული ადამიანისთვის ცალ-ცალკე.
ჯეზვეს ყიდვისას არჩევანი გააკეთეთ სპილენძის ნაკეთობაზე. მას აქვს ოპტიმალური თბოგამტარობა, რაც საშუალებას აძლევს ყავას თანაბრად გაცხელდეს. ეს ხდის ხარშვის პროცესს უფრო კონტროლირებადს, რაც იმას ნიშნავს, რომ სასმელი უფრო გემრიელი იქნება. ალუმინის ჯეზვეები კი უმჯობესია მაღაზიის თაროზე დატოვოთ.
ყავა
კიდევ ერთი შეცდომა, რომელსაც ხშირად უშვებენ, არის არასწორი ყავის არჩევა. უფრო სწორედ, არა თავად მარცვლეულის, არამედ მათი დამუშავების წესის. პირველ რიგში, გახსოვდეთ, რომ ყველაზე არომატული ყავა ახლად დაფქული მარცვლებისგან იქნება. მიზეზი ის არის, რომ ყავა იწყებს მის არომატზე პასუხისმგებელი აქროლადი ნივთიერებების გამოყოფას უკვე დაფქვის ეტაპზე. შესაბამისად, თუ ის გარკვეული დროით დარჩება დაფქულ მდგომარეობაში, მთელი არომატი ჰაერში გავა.
სხვათა შორის, დაფქვის ხარისხსაც დიდი მნიშვნელობა აქვს. ზედმეტად მსხვილად დაფქული ყავა უფრო რთული მოსადუღებელი იქნება და ნაკლებად სავარაუდოა, რომ სასურველი გემო მიიღოთ. თურქული ყავის მოსამზადებლად საჭიროა ყავის მარცვლების საუკეთესო დაფქვა, ფაქტობრივად ფხვნილის სახით.
ნუ დაზოგავთ ყავას. გახსოვდეთ, რომ მზა სასმლის გემო ამაზეა დამოკიდებული. სცადეთ ყავის მოდუღება რამდენჯერმე, როგორც ექსპერიმენტი, რათა დაადგინოთ ყავის რაოდენობა, რომელიც საჭიროა ოპტიმალური არომატისთვის. შეგიძლიათ დაიწყოთ კლასიკური პროპორციით, როცა 100 მლ წყალზე საჭიროა 10 გ ყავის დამატება. თუ ეჭვი გეპარებათ, დაამატეთ კიდევ ერთი კოვზი ყავა, ეს გემოს არ გააუარესებს.
ყავის მოდუღება
მიუხედავად იმისა, რომ ყავის მოდუღების პროცესი საკმაოდ მარტივი ჩანს, ბევრი ადამიანი სერიოზულ შეცდომას უშვებს. ზოგი უბრალოდ ყრის ყავას ჯეზვეში, უმატებს ცივ წყალს და ელოდება ქაფის გაჩენას. და როდესაც ქაფი ამოვა, ეს ნიშნავს, რომ ყავა მზად არის. მაგრამ მთავარი შეცდომა სწორედ ამაშია.
როგორც კი ყავა ამოსვლას დაიწყებს, გადმოდგით ცეცხლიდან და კარგად მოურიეთ. ამის შემდეგ, დააბრუნოთ ჯეზვე დაბალ ცეცხლზე და დაელოდოთ სანამ კარგი ქაფი ამოვა. ამ მომენტში შეიძლება ჩაითვალოს, რომ ყავა მზად არის. სხვათა შორის, იმისათვის, რომ სასმლის გემო არ დაიკარგოს, არავითარ შემთხვევაში არ ჩაასხათ ცივ ჭიქაში. ჭიქა აუცილებლად გაათბეთ. ახლა კი შეგიძლიათ დალიოთ ყავა.
ჩვენი მარტივი რჩევები დაგეხმარებათ, რომ ყოველ დილით ისიამოვნოთ ამ ღვთაებრივი სასმლის არაჩვეულებრივი გემოთი.
