ოდესმე გიგრძნიათ დაღლილობა და დაბნეულობა ზოგიერთ ადამიანებთან ურთიერთობის შემდეგ? ეს შეიძლება იყოს ნიშანი იმისა, რომ ადამიანი ვისაც ესაუბრებოდით ენერგეტიკული ვამპირია. ასეთ ადამიანებს, ზოგჯერ საკუთარი ნების საწინააღმდეგოდ, შეუძლიათ დესტრუქციული გავლენა მოახდინონ სხვებზე. რა თქმა უნდა, ამის დაზუსტება შეიძლება მხოლოდ ადამიანზე ცოტა ხნით დაკვირვებით შემდეგ. მაგრამ არსებობს ზოდიაქოს ნიშნები, რომელთა შორისაც ენერგეტიკული ვამპირები ყველაზე ხშირად გვხვდებიან.
ერთ მამაკაცთან პაემნის შემდეგ შევჩივლე ჩემს მეგობარს, რომ ჩემი ენერგიის დონე რამდენიმე საათში მინიმუმამდე დაეცა. მან დამავალა, რომ მომდევნო პაემანზე დავკვირვებოდი მამაკაცის ქცევას და გამერკვია მისი ზოდიაქოს ნიშანი. ძალიან გამიკვირდა, მაგრამ დავთანხმდი. როდესაც მეორე შეხვედრის შემდეგ ყველაფერი განმეორდა, მეგობარმა მისი ზოდიაქოს ნიშნის შესახებ მკითხა. პასუხის მოსმენის შემდეგ მან დაადასტურა, რომ ამ ნიშნის წარმომადგენლები ხშირად ენერგეტიკული ვამპირები არიან.
ენერგეტიკული ვამპირები ზოდიაქოს ნიშნის მიხედვით
რა თქმა უნდა, თქვენი ენერგეტიკული ელემენტის გამოცლა ნებისმიერი ზოდიაქოს ნიშნის წარმომადგენელს შეუძლია, მაგრამ მსგავს რამეში სწორედ ეს ნიშნები შეინიშნებიან. და თუ შეიძლება, რომ თქვენ ემპათიური და საინტერესო ადამიანი გეწოდოთ, გირჩევთ გაეცნოთ ამ სიას.
ვერძი
ყველა ზოდიაქოს ნიშანს შორის ვერძი ერთ-ერთ ყველაზე ენერგიულ ნიშნად ითვლება. და ეს გასაკვირი არ არის, რადგან ნიშანი ცეცხლის ელემენტს მიეკუთვნება. ვერძი განიცდის ემოციების უზარმაზარ სპექტრს, მრისხანებიდან ენთუზიაზმამდე. ასეთი ძლიერი ენერგია გულგრილს ვერავის ტოვებს, ამიტომ ვერძებმა იციან როგორ გამოკვებონ გარშემომყოფები თავიანთი ძალით და ენერგიით.
რატომ არიან ისინი ენერგეტიკული ვამპირების სიაში? საქმე ისაა, რომ ვერძი გარშემომყოფებს მასში აღმოცენებული ენერგიით მუხტავს. შესაბამისად, თუ ადამიანი განიცდის დადებით ემოციებს, მაშინ მის გვერდით მყოფი ადამიანები იღებენ კარგი ენერგიის მუხტს. მაგრამ თუ ვერძი არის მრისხანების, გაღიზიანების და მსგავს მდგომარეობაში, მაშინ მის გარშემო ყველა გრძნობს ამ განწყობას. და რადგან ასეთი ემოციები, პრინციპში, ძალას არ მატებს, ვერძთან ურთიერთობა გფიტავს და გღლის.
მშვილდოსანი
ცეცხლის კიდევ ერთი ნიშანი არის მშვილდოსანი. თუ ასეთ ადამიანთან ძალიან ახლო ურთიერთობა არ გაქვთ, მაშინ მოგეჩვენებათ, რომ ის ძალიან პოზიტიური და მეგობრულია. მაგრამ ეს წარმოდგენა მთლიანად იცვლება, როცა ამ ნიშნის წარმომადგენელს თქვენგან რაღაც სჭირდება.
ვინაიდან მშვილდოსნებს აქვთ მანიპულირების ბუნებრივი უნარი, ისინი ყოველთვის აღწევენ იმას, რაც სურთ. ამიტომ, თუ თქვენი შეხედულებები და მიზნები მისას არ ემთხვევა, ასეთი ადამიანი ყველაფერს გააკეთებს იმისათვის, რომ თქვენი აზრები თავისი მიმართულებით წარმართოს. შეიძლება ვერც კი მიხვდეთ, მაგრამ მასთან დამშვიდობების შემდეგ თავს დეპრესიულად და არარაობადაც კი იგრძნობთ. ამიტომ ასეთ ადამიანებთან ფრთხილად უნდა იყოთ.
კირჩხიბი
ამ სიაში კირჩხიბის დანახვა ბევრს გაუკვირდება, რადგან ამ ადამიანებს ძალიან საყვარელ და კეთილ ადამიანებად თვლიან. ეს ყველაფერი მართალია, მაგრამ არსებობს ერთი ნიუანსი. საქმე ისაა, რომ ამ ადამიანების აშკარა გულუბრყვილობას შეუძლია მთლიანად გამოიყვანოს მწყობრიდან გარშემომყოფების ლოგიკა. ყველა ცდილობს დაეხმაროს და მხარი დაუჭიროს კირჩხიბებს, რადგან ისინი ძალიან საყვარელი და კეთილი ადამიანები არიან. და ეს არ არის ცუდი, რადგან კირჩხიბები ნამდვილად ასეთები არიან.
სირთულეები წარმოიქმნება იმ მომენტში, როდესაც ასეთ ადამიანს პრობლემები აქვს ან მისი განწყობა უბრალოდ უარესდება. ამ დროს ისინი იწყებენ ენერგიის წაღებას გარშემომყოფებისგან და ცდილობენ გაიუმჯობესონ მდგომარეობა მათ ხარჯზე. ისინი ამას განზრახ არ აკეთებენ, მაგრამ შედეგი სავალალოა მის გარშემო მყოფი ადამიანებისთვის.
მორიელი
ამ ნიშნის წარმომადგენელს, ისევე როგორც ვერძს, შეიძლება ეწოდოს ენერგიის წყარო. ის ძალიან ვნებიანია ემოციების გამოხატვაში, რამაც შეიძლება სხვა ადამიანებზე უარყოფითად იმოქმედოს. მორიელი, რომელიც ცდილობს გავლენა მოახდინოს სხვებზე, შეიძლება ძლიერ ენერგეტიკულ მაგნიტად იქცეს. ამიტომ, მის მახლობლად მყოფმა ადამიანებმა შეიძლება იგრძნონ სისუსტე და თავის ტკივილიც კი.
გარდა ამისა, მორიელები ხშირად სცოდავენ იმით, რომ ადამიანებში დანაშაულის გრძნობას იწვევენ. მათ ეს იციან და მსხვერპლის ენერგიით იკვებებიან. და, აღსანიშნავია, რომ ეს ხშირად შეგნებულად ხდება მორიელის მხრიდან. სწორედ ამიტომ, რადგან უკვე იცით ამ ადამიანების ასეთი თვისებების შესახებ, მათთან ურთიერთობაში სიფრთხილე გამოიჩინეთ.
