ვისაც ოდესმე უცდია წონის დაკლება რაიმე კონკრეტული მოვლენისთვის, იცის რა რთული პროცესია. მითუმეტეს როცა საქმე კონკრეტულ კაბას ეხება. გარდა ამისა, წონის დაკლების საკითხი სერიოზულ მიდგომას მოითხოვს. მნიშვნელოვანია გვახსოვდეს, რომ საჭიროა არა მხოლოდ კარგი შედეგის მიღება, არამედ ჯანმრთელობის შენარჩუნებაც. სწორედ ამიტომ, გირჩევთ მოამზადოთ ცხიმისმწველი სასმელი, რომლის დახმარებითაც წელი უფრო თხელი გახდება, ჯანმრთელობის მდგომარეობა კი გაუმჯობესდება.
ჩემს ერთ-ერთ კოლეგას ძალიან უყვარს ტანსაცმლის გამოწერა უცხოური ონლაინ მაღაზიებიდან. შარშან ისე მოხდა, რომ საახალწლო კორპორატიული წვეულებისთვის კაბა ყურადღებით არ შეუკვეთა და ზომაში ოდნავ შეცდა. მას წონის დაკლება დღესასწაულის შემდგომ დღეებში ჰქონდა დაგეგმილი, მაგრამ გადაწყვიტა, რომ უფრო ადრე დაეწყო. წარმოიდგინეთ ჩვენი გაოცება, როდესაც რამდენიმე კვირის შემდეგ ის კორპორატიულ წვეულებაზე იმ კაბით მოვიდა. მას მხოლოდ ორი ინგრედიენტისგან შემდგარი ჯადოსნური კოქტეილი დაეხმარა.
ცხიმისმწველი სასმელი: გემრიელი და სასარგებლო
ამ კოქტეილში მხოლოდ ორი ინგრედიენტია – კეფირი და სელი. ეს კომბინაცია ითვლება ერთ-ერთ ყველაზე სასარგებლოდ ჩვენი ორგანიზმისთვის. უპირველეს ყოვლისა, ეს ცხიმისმწველი სასმელი ხელს შეუწყობს კუჭ-ნაწლავის ტრაქტის ფუნქციონირების გაუმჯობესებას. გარდა ამისა, მოხმარებისას უმჯობესდება ნივთიერებათა ცვლა, იკლებს ქოლესტერინის დონე და მატულობს იმუნიტეტი.
მიზეზი ის არის, რომ სელის თესლი მდიდარია ომეგა -3 ცხიმოვანი მჟავეებით. ისინი კურნავს კუჭის ლორწოვანი გარსის შესაძლო დაზიანებას და ჭრილობებს და არბილებს ფეკალურ ქვებს. ეს აუმჯობესებს საჭმლის მონელებას და ხელს უშლის შეკრულობას. კეფირი ხელს უწყობს სასარგებლო ფლორის დაგროვებას მსხვილ და წვრილ ნაწლავებში, რაც ასევე ხელს უწყობს ჯანმრთელობის გაუმჯობესებას და წონის დაკლებას.
ამ კოქტეილისგან მაქსიმალური სარგებლის მისაღებად და საძულველი კილოგრამების დასაკლებად, საჭიროა მისი სწორად გამოყენება. ექსპერტების რეკომენდაციაა ამ კეფირით ჩანაცვლდეს საუზმე ან ვახშამი ადამიანის ჯანმრთელობის მდგომარეობის ან მისი პირადი სურვილის მიხედვით. და არ დაგავიწყდეთ სუფთა წყლის დალევა საკმარისი რაოდენობით. ამ საშუალების მიღების კურსი შეადგენს 21 დღეს.
როგორ მივიღოთ კეფირის და სელის კოქტეილი
დიეტოლოგები გვირჩევენ ცხიმისმწველი სასმლის მიღებას შემდეგი სქემის მიხედვით:
- პირველი 7 დღე. სასმლის მოსამზადებლად აიღეთ 3 ჩ/კ სელის თესლი და დაფქვით ბლენდერში ან ყავის საფქვავში. მიღებული ფხვნილი დაუმატეთ 100 მლ კეფირს, კარგად აურიეთ და დალიეთ.
- მე-8-დან მე-14 დღემდე. მომზადებისა და მიღების პროცესი არ იცვლება. ერთადერთი პირობაა, რომ სელის რაოდენობა 6 ჩ/კ-მდე გაიზარდოს.
- მე-15-დან 21-ე დღემდე. ამ პერიოდში კეფირის რაოდენობა უნდა გაიზარდოს 150 მლ-მდე. სელის თესლი უნდა იყოს 9 ჩ/კ.
თუ სასმელს დილით მიიღებთ, მაშინ გაღვიძების შემდეგ ჯერ ერთი ჭიქა თბილი წყალი უნდა დალიოთ, შესაძლოა ლიმონის დამატებით. მხოლოდ ნახევარი საათის შემდეგ შეგიძლიათ დალიოთ კეფირი სელით. იმისათვის, რომ სასმლის გემო 3 კვირის შემდეგ არ მოგწყინდეთ, შეგიძლიათ დაამატოთ 0,5 ჩ/კ დარიჩინი. ის არა მხოლოდ გემოს გახდის უფრო სასიამოვნოს, არამედ გაზრდის ცხიმების წვის ეფექტსაც.
