გაზვიადების გარეშე: მთელი ჩემი ზრდასრული ცხოვრება მრცხვენოდა ჩემი თხელი თმის გამო. რას აღარ ვაკეთებდი, რომ სქელი თმის ბედნიერი მფლობელი გავმხდარიყავი! მაგრამ რაც არ უნდა მექნა, ბუნებას მაინც თავისი გაჰქონდა. როდესაც ვერ გავხდი რაპუნცელი, გადავწყვიტე, რომ დრო იყო გამეთვალისწინებინა პოპულარული ბლოგერებისა და სტილისტების რჩევები. ისინი კი ერთხმად ამბობენ: „თუ სქელი თმა არ გაქვს, შეიჭერი კარე, თავს ნუ შეირცხვენ!” და მე შევიჭერი კარე თხელ თმაზე!
სიტყვებით ვერ გადმოგცემთ, როგორ ვინანე. კარე, რა თქმა უნდა, ადრეც მქონდა, მაგრამ ღრმა ბავშვობაში. მაშინ არც კი ვიცოდი, რა ტიპის თმა მქონდა. მშობლებისთვის კი ასე უფრო მოსახერხებელი იყო. მხოლოდ ორი ათეული წლის შემდეგ გავიგე, რომ სინამდვილეში არც ისე ცუდი თმა მაქვს. უბრალოდ, არ ვიცოდი, როგორ უნდა გამომეჩინა. მითუმეტეს, რომ ისეთ თხელ თმაზე, როგორიც ჩემია, კარე მკაცრად უკუნაჩვენებია.
რატომ არ შეიძლება კარეს შეჭრა თხელ თმაზე
სილამაზის ინდუსტრიაში და ზოგადად მოდაში, კარე მუდმივ კლასიკად ითვლება. იგი მოდაში შემოვიდა მე-20 საუკუნის დასაწყისში. მისმა პოპულარობამ იქამდე მიაღწია, რომ ეს ვარცხნილობა, ფაქტიურად, ქალის ცხოვრებაში რაიმე რადიკალურ გადაწყვეტილებასთან ასოცირდება.
აქვე აღვნიშნავ, რომ კარეს საწინააღმდეგო არაფერი მაქვს. ეს ვარცხნილობა მართლაც ძალიან პრაქტიკულია. გარდა ამისა, ის შესანიშნავად გამოიყურება სქელი და ოდნავ ხვეული თმის მქონე ქალებზეც კი. თუმცა, ვისაც ის ნამდვილად არ უხდება, არიან შუშის თმის ტიპის მქონე ადამიანები. მე ერთ-ერთი მათგანი ვარ.
შუშისებრი ტიპის თმას ეძახიან თმას, რომელიც არა მხოლოდ თხელია, არამედ სწორიც. ზოგიერთ მეგობარს ჩემი შურს კიდეც, რომ მე თმის გასწორება არ მჭირდება. საკმარისია, მხოლოდ თმის ფენით გაშრობა და ის იდეალურად სწორია. თმა სწორი იქნება მთელი დღის განმავლობაში, მიუხედავად ამინდისა. თუმცა მას ამის გარდა სხვა დადებითი თვისებებიც გააჩნია.
შუშისებრი თმის კიდევ ერთი თავისებურება ის არის, რომ ის ძალიან სწორია მისი ქერცლის გამო. ქერცლს მჭიდრო განლაგება აქვს და ამას აქვს როგორც დადებითი, ასევე უარყოფითი მხარეები. მაგალითად, შუშისებრი თმა რეალურად ძალიან ჯანმრთელია. დახურული ქერცლი ინარჩუნებს ტენიანობას, ამიტომ სათანადო მოვლის შემთხვევაში, ასეთი თმა ყოველთვის მოვლილად გამოიყურება და ბოლოები თითქმის არასოდეს იყოფა.
მაგრამ ვარცხნილობის გაკეთება ბევრი ლაქის გარეშე თითქმის შეუძლებელია. მთელი ღამით რომ დაიწნათ თმა ან ლაქით დაიხვიოთ დილიდან, ვარცხნილობა 2 – 3 საათზე მეტხანს მაინც არ შენარჩუნდება. აქ არც სტილისტის გამოცდილებას აქვს რაიმე მნიშვნელობა. ეს თმა იმდენად სწორია, რომ ფორმას ვერ ინარჩუნებს. აქედან დასკვნა, თუ რატომ არ უნდა შეიჭრას ასეთი თმის მფლობელმა კარე (არასოდეს).
პირველი და ძირითადი, რაც ამ ყველაფრიდან გამომდინარეობს: ასეთი კარე არასოდეს შეინარჩუნებს ფორმას. ამბობენ, რომ შეჭრის შემდეგ თმა უფრო მსუბუქი ხდება და უფრო მოცულობითი. მაგრამ ეს სულაც არ მუშაობს შუშისებრი თმის შემთხვევაში. გარდა ამისა, არც ერთი ლამაზი ვარცხნილობა არ გასტანს 2 საათზე მეტხანს. და შეიძლება იფიქროთ, რომ მაშინ რა საჭიროა თმის გაშრობა და დავარცხნა? მაგრამ აქ ერთი ნიუანსია: თუ ასეთ თმას საერთოდ არ გაიშრობთ ფენით, მაშინ ის შეიძლება სხვადასხვა მიმართულებით იყო გაშვერილი.
მეორე, არანაკლებ მნიშვნელოვანი პრობლემაა ის, რომ შუშისებრი თმა მჭიდროდ ეკვრის თავის კანს. საერთოდ არ არის აწეული. ეს კი იმას ნიშნავს, რომ თმა ძალიან სწრაფად ცხიმიანდება. და თუ გრძელ თმაზე ეს არც ისე შესამჩნევია, მაშინ მოკლე თმაზე ნამდვილი კატასტროფაა. მთელი ყურადღება გადადის ჭუჭყიან ძირებზე, თავად თმა კი საშინელ „ლოლოებად“ იყოფა.
მესამე მინუსი არის – პრაქტიკულად გარდაუვალი სურვილი, რომ თმა გაიზარდო და უკან გადაიწიო, მაგრამ ამის შესრულება არც ისე ადვილია. ახლა, როდესაც თქვენი თმა მოკლეა, ის სწრაფად ცხიმიანდება და საჭიროებს ფენით დავარცხნას, არსებობს თმის დაზიანების მაღალი რისკი. სრულყოფილი ფორმის მისაღწევად, ჩემნაირი ადამიანები მიმართავენ უთოებს და ლაქებს. ეს კი უარყოფით გავლენას ახდენს თმის ჯანმრთელობაზე. შედეგად, ის ზიანდება. საჭიროა ბოლოების ხშირი მოჭრა და თმის გაზრდას წლები სჭირდება.
ამასთანავე, შუშისებრი თმები, სწრაფად იმსხვრევა. ის ძალიან თხელია და ვერ უძლებს უთოთი დახვევას და გასწორებას. სამწუხაროდ, ამას გვიან მივხვდი და საკმაოდ დიდი ხნის მანძილზე ვაზიანებდი თმას გოფრეს უთოთი.
რა უნდა გააკეთოთ, თუ თმა თხელი და სწორია
მოკლედ შეჭრა ნამდვილად არ არის გამოსავალი, რადგან ის არ ინარჩუნებს ფორმას. შეუძლებელია ისეთი ჰაეროვანი ეფექტის შექმნა, როგორიც სურათებზეა. ერთადერთი გამონაკლისი, რომელიც მუშაობს დედაჩემზე იგივე ტიპის თმისთვის, არის ბობ კარე. მაგრამ ის მას ყოველ დილით ქაფით ივარცხნის.
ჩემთვის საუკეთესო ვარიანტი იყო გადაწყვეტილება, დამეტოვებინა საშუალო სიგრძე მხრების ქვემოთ. თმას ყოველდღე ვიბან სპეციალური პროფესიონალური შამპუნით, რადგან გაშრობის შემდეგ ის კიდევ 3-4 საათის განმავლობაში გამოიყურება კარგად. ამის შემდეგ პერიოდულად მიწევს სავარცხლის გამოყენება, რომელიც ყოველთვის თან მაქვს. მაგრამ ამ შემთხვევაშიც კი, ეს სულაც არ არის ცუდი ვარიანტი, რადგან თმა ყოველთვის იდეალურად სწორია და ლამაზად ეცემა მხრებზე.
