ავსტრიის მაცხოვრებელს მსოფლიოში მეორე შემთხვევა დაუფიქსირდა, როდესაც ყელის ღრუში თმა ამოვიდა – სავარაუდოდ ხანგრძლივი მოწევის გამო.
Daily Mail-ი იტყობინება, რომ ავსტრიის მაცხოვრებელს, რომელიც 17 წელი ეწეოდა, ყელში ამოსულმა თმამ შეაწუხა. ამ უჩვეულო პაციენტის ისტორიას ასევე გამოეხმაურნენ სამედიცინო ჟურნალის American Journal of Case Reports-ის ექსპერტები. კაცმა, რომელმაც მოწევა 1990 წელს დაიწყო, ექიმებს 17 წლის შემდეგ მიმართა ხმის ჩახლეჩვის, მუდმივი ხველებისა და სუნთქვის პრობლემების გამო. გამოკვლევამ აჩვენა, რომ მწეველს ყელში თმა ამოუვიდა – იმ ადგილას, სადაც წარსულში ტრაქეოტომია ჰქონდა გაკეთებული.
ექიმებმა მამაკაცს თმა მოაშორეს, მაგრამ ცოტა ხნის შემდეგ მან კვლავ დაიწყო ზრდა, რამაც მას უკვე კარგად ცნობილი დისკომფორტი შეუქმნა. პაციენტმა მოწევას არ დაანება თავი და კიდევ 14 წელი პერიოდულად დადიოდა საავადმყოფოში თმის მოსაცილებლად, ასევე იღებდა ექიმების მიერ დანიშნულ მედიკამენტებს, ანთების თავიდან ასაცილებლად.
2022 წელს, როდესაც მამაკაცი 52 წლის გახდა, მან გადაწყვიტა, რომ მოწევისთვის თავი დაენებებინა. შემდეგი თმის მოცილება, რომელიც ექიმებმა პაციენტს ლაზერის გამოყენებით გაუკეთეს, ბოლო აღმოჩნდა. მას თმა აღარ ამოსვლია. სავარაუდოდ, სწორედ მოწევა იყო ავსტრიელის ყელში თმის გაჩენისა და ზრდის მთავარი მიზეზი, მაგრამ რადგან ეს პათოლოგია ძალზე იშვიათია და ნაკლებად არის შესწავლილი, მხოლოდ ჰიპოთეტურად შეგვიძლია ვისაუბროთ მასზე მოწევის შესაძლო გავლენის შესახებ. ეს შემთხვევა მსოფლიოში მეორე მსგავსი დარეგისტრირებული დიაგნოზია.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
