![Screenshot_1jhygflutdl7utdpos](https://vivien.ge/wp-content/uploads/2024/06/Screenshot_1jhygflutdl7utdpos-696x477.jpg)
ულტრაიისფერმა სხივებმა შეიძლება სერიოზული ზიანი მიაყენოს არა მხოლოდ სახის ან სხეულის კანს, არამედ ჩვენს თმას. ვიზრუნოთ თმის სიჯანსაღეზე სწორად.
ზაფხულში განსაკუთრებით მნიშვნელოვანია გვახსოვდეს, რომ თმა მზისგან სწორად უნდა დავიცვათ. ეს ხელს შეუწყობს მისი სიჯანსაღისა და სილამაზის შენარჩუნებას, ასევე თავიდან აგვაცილებს თმის ნაადრევ დაბერებას და შეინარჩუნებს მის ბუნებრივ მბზინვარებას.
მზის სხივების ზემოქმედებამ შეიძლება გამოიწვიოს თმის სტრუქტურის გამოფიტვა, ტენიანობის დაკარგვა, ბოლოების გაყოფა, ფერის გაუფერულება და თმის ზოგადი შესუსტება. გარდა ამისა, ულტრაიისფერი გამოსხივება ხელს უწყობს თმის ცილოვანი სტრუქტურის დაშლას, რაც მას უფრო მყიფეს და მსხვრევისკენ მიდრეკილს ხდის.
ამ უარყოფითი შედეგების თავიდან ასაცილებლად, მნიშვნელოვანია გამოიყენოთ სპეციალური დამცავი საშუალებები, რომლებიც შეიცავს SPF ფილტრებს ან სხვა კომპონენტებს, რომლებსაც შეუძლიათ შექმნან ბარიერი თმასა და ულტრაიისფერ გამოსხივებას შორის. ასევე, ატარეთ ქუდი, რათა შეამციროთ თმაზე მზის პირდაპირი ზემოქმედება. თუმცა, ყველა გოგონას არ უყვარს ქუდები და ამიტომ, ჩვენ ვიარაღდებით ამ სილამაზის პროდუქტებით.
პირველ რიგში, აღსანიშნავია, თუ როგორ მუშაობს ეს სპრეები რეალურად. მათ შემადგენლობაშია სპეციალური ფილტრები – თუთიის ოქსიდი, ტიტანის დიოქსიდი, ავობენზონი და ბევრი სხვა, რომლებიც ქმნიან ეფექტურ ბარიერს, რომელიც არ აძლევს ულტრაიისფერ გამოსხივებას თმაში შეღწევის საშუალებას. ანუ ზედაპირზე ქმნიან უხილავ დამცავ ფენას, რომელიც ფაქტიურად ირეკლავს, შთანთქავს და ფანტავს მავნე ულტრაიისფერ სხივებს.
თმის მზისგან დამცავი საშუალებები, კანის კრემების მსგავსად, სხვადასხვანაირია. მაგალითად, ყოველდღიური დაცვისთვის, მოკლე გასეირნებისა და მოკლე მოგზაურობისთვის, შესაფერისია 15-30 SPF-ის მქონე ვარიანტები. ხოლო თუ თქვენ გეგმავთ დასვენებას ზღვაზე ან უბრალოდ აპირებთ სავარჯიშოდ ან პიკნიკზე დიდხანს ყოფნას მზეზე, მაშინ დაგჭირდებათ უფრო ძლიერი სპრეი, შამპუნი ან ბალზამი SPF 30+ და 50+. ასევე არსებობს უნივერსალური მოდელები მზის ფილტრების ფართო სპექტრით – მათი გამოყენება შესაძლებელია როგორც ყოველდღიური დაცვისთვის, ასევე აქტიური დასვენებისთვის. ამ შემთხვევაში, გირჩევთ აირჩიოთ თქვენი საჭიროებიდან გამომდინარე. იმისთვის, რომ არ შეცდეთ არჩევანში და თქვენი თმის სიჯანსაღე შეინარჩუნოთ, გთავაზობთ დადასტურებული საშუალებების არჩევანს. იხილეთ ქვემოთ მოცემული ფოტოები: