თერაპევტი ლუდმილა ფროლოვა: ზრდასრული ადამიანისთვის ყოველდღიური ცილების ნორმას შეიცავს 300 გრამი ქათმის მკერდი.
ექიმმა ფროლოვამ თქვა, რომ კარგი იმუნიტეტის, კარგი ჯანმრთელობისა და კუნთოვანი მასის შესანარჩუნებლად მნიშვნელოვანია საკმარისი ცილის მოხმარება. სპეციალისტმა განმარტა, თუ რა რაოდენობის ცილა უნდა მიიღოს ქალისა და მამაკაცის ორგანიზმმა ყოველდღიურად.
„ნორმალური წონის ქალებისთვის ეს არის დაახლოებით 48-56 გრამი დღეში, ხოლო მამაკაცებისთვის – 64-72 გრამი. ამ რაოდენობის ცილის მიღება შესაძლებელია დაახლოებით 300 გრამი ქათმის მკერდის მირთმევით, რაც დაახლოებით 60 გრ ცილაა“, – განაცხადა ექიმმა.
ლუდმილა ფროლოვამ აღნიშნა, რომ საშუალოდ, დაავადებების არარსებობისას, მოზრდილებმა ყოველდღიურად უნდა მოიხმარონ ცილა, სხეულის წონის თითო კილოგრამზე – 0,8 გრამის გათვლით. მათ, ვინც ეწევა აქტიურ ცხოვრების წესს და სპორტით არის დაკავებული, ასევე ორსულებსა და მეძუძურ ქალებს, ფიზიოლოგიურად მეტი ცილა სჭირდებათ. ასევე, მისი საჭიროება შეიძლება გაიზარდოს სიბერეში, როდესაც ხდება კუნთოვანი მასის შემცირება.
ექიმმა ფროლოვამ ყურადღება გაამახვილა იმ ფაქტზე, რომ რაციონი უნდა შეიცავდეს რაც შეიძლება ბევრ სხვადასხვა ჯანსაღ და სასარგებლო ცილის წყაროს. ექიმის რჩევაა, ცილოვანი საკვების სწორად მირთმევა და მათი სწორად შერწყმა სხვა საკვებ კომპონენტებთან.
მოერიდეთ ცილოვანი საკვების შერწყმას მძიმე ნახშირწყლებთან, როგორიცაა კარტოფილი. არ დაგავიწყდეთ საკმარისი რაოდენობის წყლის დალევა – ეს ხელს უწყობს საკვების უკეთ მონელებას და ცილების ათვისებას“, – თქვა სპეციალისტმა.
ექსპერტის თქმით, ცილის მიღების ერთ-ერთი საუკეთესო საშუალებაა ხორცის მირთმევა მწვანე და ნაკლები სახამებლის შემცველ ბოსტნეულთან ერთად.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
