ნევროლოგი ალასტერ უები: ვიაგრას შეუძლია ხელი შეუწყოს ტვინში სისხლის აქტიურ მიწოდებას – ეს უზრუნველყოფს დემენციის პრევენციას.
ვიაგრა ცნობილია, როგორც ერექციული დისფუნქციის სამკურნალო საშუალება, მაგრამ ის ასევე შეიძლება იყოს წამალი, რომელიც იცავს თავის ტვინს დემენციისგან, – თქვა ნევროლოგმა ალასტერ უებმა. ექიმმა თქვა, რომ „ლურჯი აბების“ ეს ეფექტი აღმოჩენილ იქნა პაციენტებთან მუშაობის დროს, რომლებსაც ინსულტის გამო გონებრივი ჩამორჩენილობა აღენიშნებოდათ.
სპეციალისტმა განმარტა, რომ დემენცია (შეძენილი ჭკუასუსტობა) ადამიანს შეიძლება დაემართოს მრავალი მიზეზის გამო. ერთ-ერთი ყველაზე გავრცელებული ტიპი, სისხლძარღვთა დემენცია, ვითარდება თავის ტვინში სისხლის მიმოქცევის დარღვევის გამო. ვიაგრა ეხმარება ტვინში ცუდი სისხლის ნაკადის პრობლემის მოგვარებას.
„კვლევამ აჩვენა, რომ ვიაგრაში შემავალი აქტიური ნივთიერება, სილდენაფილი, ზრდის სისხლის ნაკადს თავის ტვინის დიდ და პატარა სისხლძარღვებში და ზრდის მათი რეაგირების სიჩქარეს“, – თქვა ნევროლოგმა უებმა.
სპეციალისტის თქმით, ვიაგრას აქვს ყველა შანსი, გახდეს აღიარებული საშუალება დემენციის პრევენციისთვის. მაგრამ ექსპერტმა ასევე აღნიშნა, რომ საჭიროა უფრო ფართომასშტაბიანი ტესტების ჩატარება.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველივე ნიშნების გამოვლენისას მიმართეთ ექიმს.
