სამყაროში ყველაფერი იცვლება. თუ 20 წლის წინ მეტყოდნენ „ქოუჩის“ პროფესიის არსებობის შესახებ, მე ვიფიქრებდი, რომ ეს იყო ერთგვარი ინგლისელი მწვრთნელი. მაგრამ სინამდვილეში ქოუჩებს ძალიან მნიშვნელოვანი ამოცანა აქვთ. ვივიენის დღევანდელ სტატიაში გიამბობთ, ვინ არის ქოუჩი, რას აკეთებს ის და ასევე გაგიზიარებთ ერთი ქალის ისტორიას, რომელსაც შესაძლოა დიდად დახმარებოდა ქოუჩინგი.
ვინ არის ქოუჩი?
მაშ ასე, ქოუჩი ერთგვარი ფსიქოლოგია. უფრო სწორედ, უმეტეს შემთხვევაში, ამ პროფესიის წარმომადგენლებს ფსიქოლოგიური განათლება აქვთ. და მათი მუშაობაც ასევე დიდ წილად მოგვაგონებს სესიას ფსიქოლოგთან ან ფსიქოთერაპევტთან. ქოუჩი გისმენთ და შემდეგ გეხმარებათ ისეთი ფარული რეზერვების პოვნაში, რომლებზეც შესაძლოა ეჭვიც კი არ გქონოდათ.
ანუ, ფსიქოლოგის ამოცანაა დაგეხმაროთ პრობლემის მოგვარებაში თქვენი წარსულისკენ მიბრუნებით. ქოუჩი კი – მომავალზეა ორიენტირებული. კლიენტის მოსმენის შემდეგ, ის ეხმარება იპოვოს პასუხი კითხვაზე: რა უნდა გააკეთოს შემდეგ? ამასთან, კატეგორიულად აკრძალულია პრობლემებზე საუბარი. იმის ნაცვლად, რომ ისაუბრონ იმაზე, რაც არ სურს ადამიანს, ისინი საუბრობენ იმაზე, რისკენ ისწრაფვის და რის მიღწევა შეუძლია მას.
მოდელი ნინა დაიერი
შესაძლოა, ერთ დროს ჩვენს გმირს ქოუჩი რომ ჰყოლოდა, მისი ცხოვრება 35 წლის ასაკში არ დასრულებულიყო. მოდელს და უბრალოდ ლამაზ ქალს – ნინა დაიერს, ყველაფერი ჰქონდა და ეს არის სრული სიმართლე. მისთვის ყველანაირი ფუფუნება ხელმისაწვდომი იყო, მაგრამ ნინა არასოდეს ყოფილა ნამდვილად ბედნიერი.
ჩვენი გმირი დაიბადა 1930 წელს ცეილონში. მამამის ჩაი მოჰყავდა. თავად გოგონა იყო უაღრესად ლამაზი და ამაყი, რაც წარუშლელ შთაბეჭდილებას ახდენდა მამაკაცებზე. როცა 20 წლის გახდა, ნინა ბედნიერების საძებნელად წავიდა. ჯერ ინგლისში: ლივერპული და ლონდონი, შემდეგ კი საფრანგეთის დედაქალაქი.
პარიზში გოგონა მოდის დიზაინერმა პიერ ბალმენმა შენიშნა. ის უბრალოდ იდგა მის მოდის სახლთან და ნაყინს ჭამდა. ძალიან მალე ნინა ცნობილი მოდელი გახდა და გაიგო რა იყო ფუფუნება: იახტები, წვეულებები, შეხვედრები… თავად დაიერი ოცნებობდა მსახიობობაზე. მაგრამ მიზნისკენ წასვლის ნაცვლად, გათხოვდა…
პირველი მეუღლე
ნინას ქმარი იყო ჰანს ჰაინრიხ ტისენ-ბორნემისი, რომელიც ბარონის ტიტულს ატარებდა. ქორწილი 1954 წელს შედგა. მამაკაცი მაშინ 32 წლის იყო. აღსანიშნავია მხოლოდ ის, რომ მანამდე ორი წლით ადრე დაიერი საყვარლის სტატუსში იყო. მისი შეყვარებული დაქორწინებული იყო და არა უბრალოდ ვიღაცაზე, არამედ ავსტრიელ პრინცესაზე.
ამბობენ, რომ ნინას გულის დასაპყრობად ბარონი ყველაფრისთვის მზად იყო. ქალმა საჩუქრად მიიღო ყველაზე ძვირადღირებული მანქანები, ქურქები და სამკაულები. მან მას კუნძული და ორი პანტერა აჩუქა. დაიერს უყვარდა დოლისთან და ელიზაბეთთან ერთად მის სამფლობელოში სეირნობა (ასე ერქვა კატებს). მათ ის ადრეული ასაკიდანვე აჭმევდა პირდაპირ ბოთლიდან და ამიტომ ცხოველები პატრონს არ შორდებოდნენ.
მალე ნინამ გადაწყვიტა, რომ სურდა კანონიერი ცოლი გამხდარიყო. ბარონს ისე უყვარდა, რომ დათანხმდა. თუმცა, ამბობენ, რომ მისი ქორწინება პრინცესასთან ისედაც უბედური იყო, რადგან ჰანსს ცოლი გამუდმებით ამცირებდა დაბალი წარმომავლობის გამო.
არის ერთი ნიუანსი. ჩვენი გმირი დიდხანს არ ყოფილა მასთან ქორწინებაში. ქორწილიდან დაახლოებით 90 დღის შემდეგ მამაკაცმა გაიგო, რომ ნინა მას ღალატობდა. მისი რჩეული იყო მსახიობი ჟან-კლოდ ბრაილი. ბარონმა საჯაროდ დაარტყა ცოლის საყვარელს, ნინამ კი განქორწინებასთან ერთად, მიიღო ყველა მისი საყვარელი სამკაული, ციხე და კუნძული პანტერებით.
მეორე მეუღლე
ნინა ცოტა ხნით საკუთარ თავთან აპირებდა მარტო ყოფნას, თუმცა დიდი დრო არ გასულა და 27 წლის ასაკში ისევ გათხოვდა. ამჯერად დაიერმა თავისი ცხოვრება დაუკავშირა 24 წლის სადრუდინ აღა ხანს, ისმაილიტების იმამის შვილს.
ის იმდენად აღმერთებდა ცოლს, რომ მზად იყო მისთვის მთები გადაებრუნებინა. ქორწინების გამო ნათესავებთან კონფლიქტი მოუვიდა. ნინა კი მაჰმადიანი გახდა და მისი ახალი სახელი იყო შირინი.
საჩუქრად ქალმა მიიღო კიდევ ერთი კუნძული, რომელიც მდებარეობდა პირველისგან არც თუ ისე შორს. სხვა ძვირადღირებულ საჩუქრებზე თუ აღარაფერს ვიტყვით. თუმცა, ეს ქორწინებაც დაინგრა 1962 წელს. ოფიციალური ვერსიით ამის მიზეზად იქცა – კაბა.
ერთ საღამოს სუფრასთან შეიკრიბა ქმრის ყველა ნათესავი, მათ შორის მამა, ბიძა, მათი ცოლები და სხვები. ნინამ გადაწყვიტა სტუმრებთან დიორის თვალწარმტაცი კაბით გამოსულიყო. სამოსის ყველაზე პიკანტური ნაწილები გამჭვირვალე ჩანართებით იყო დაფარული. ასეთი სურათის დანახვისას ქალებმა ყვირილი დაიწყეს, კაცებმა კი ნათესავის ცოლი სასადილოდან ძალით გააძევეს. სადრუდინი იჯდა და საკუთარ თვალებს არ უჯერებდა.
განქორწინების შემდეგ მისმა ყოფილმა ქმარმა ნინას უთხრა, რომ მან ჯუნგლებში უნდა იცხოვროს მაიმუნებთან ერთად. თუმცა, მან დაუტოვა მთელი სამკაული, რაც მას აჩუქა. დაახლოებით ამ მომენტიდან ჩვენი გმირის ცხოვრება გაუარესდა.
წარუმატებელი კარიერა
ნინა შეეჩვია იმ აზრს, რომ ყოველთვის ყველაფერი პირველივე ცდით გამოსდიოდა. მეორე ქმართან დაშორების შემდეგ ის პარიზში გაემგზავრა. ქალი ძველი ოცნების ასრულებას და მსახიობობას აპირებდა. მაგრამ მას მხოლოდ ღიად დასცინეს.
აქ ნინას ალბათ ქოუჩის კონსულტაცია დაეხმარებოდა, მაგრამ დაიერმა გადაწყვიტა დანებება პირველი მარცხის შემდეგ. ქალი მარტოსული იყო და ჩაიკეტა საკუთარ სასახლეში. იგი დამოკიდებული გახდა აკრძალულ ნივთიერებებზე. ხანდახან სასეირნოდ პანტერებთან ერთად გამოდიოდა, მათ ძვირფას სამკაულებს უკეთებდა.
ზოგჯერ სტუმრობდა კლუბებს, საიდანაც მცველს ნინას უგონო სხეული ხელში აყვანილი გამოჰყავდა. შესაძლოა, მას მცველთან ინტიმური ურთიერთობა ჰქონდა. ის იყო უზარმაზარი, მაგრამ შეუხედავი მამაკაცი, რომელსაც იგი შეხვდა კენიაში, მეორე ქმართან ერთად მოგზაურობისას. ის მიწაზე იწვა და მასზე გველები ცოცავდნენ. ამ სურათის დანახვისას დაიერმა მამაკაცს სამსახური შესთავაზა.
ნინა დაიერი უსიცოცხლო მდგომარეობაში საკუთარ საძინებელში 35 წლის ასაკში იპოვეს. სისხლში ალკოჰოლი და საძილე აბების უზარმაზარი დოზა აღმოაჩნდა. ვარაუდობენ, რომ ქალმა დეპრესიის გამო თავი მოიკლა. არის ვერსიაც, რომ წამალი ჩაუყარეს, რათა გაეძარცვათ.
დღეს ძნელი სათქმელია, რა ხდებოდა მის სულში. მაგრამ ნინას სიტუაციასთან გამკლავებაში შესაძლოა სწორედ პროფესიონალთან საუბარი დახმარებოდა. ალბათ, ამიტომ უნდოდა ასე ძალიან, რომ მსახიობი გამხდარიყო. სამწუხაროდ, იმ მომენტში მის გვერდით არც ქოუჩი და არც ვინმე ადამიანი არ აღმოჩნდა, რომელიც მოუსმენდა და რჩევით დაეხმარებოდა.
