დიეტოლოგი ვერონიკა გუსაკოვა: ადრეული ახალი კარტოფილი სასარგებლოა ჯანმრთელობისთვის მრავალი თვალსაზრისით.
ნუტრიციოლოგი ვერონიკა გუსაკოვა ამბობს, რომ არ უნდა გვეშინოდეს კარტოფილის – ამ პროდუქტის ზომიერი მოხმარება სხვადასხვა მიზეზის გამო სასარგებლოა. სპეციალისტმა აღნიშნა, რომ რაციონში კარტოფილის არსებობა სასარგებლო გავლენას ახდენს კანზე.
„კარტოფილი ხელს უწყობს კანის მდგომარეობის გაუმჯობესებას მასში შემავალი C ვიტამინის წყალობით, რომელიც მონაწილეობს კოლაგენის სინთეზში“, – განაცხადა ვერონიკა გუსაკოვამ .
მან დასძინა, რომ კარტოფილი ასევე ანტიოქსიდანტური თვისებების მქონე პროდუქია – მისი მოხმარების წყალობით უმჯობესდება უჯრედების დაცვა თავისუფალი რადიკალების მავნე ზემოქმედებისგან.
გუსაკოვამ დასძინა, რომ კარტოფილის ჭამა არ არის საზიანო მათთვისაც კი, ვინც წონაში დაკლებას ცდილობს.
„ბევრი ადამიანი, ვინც წონაში იკლებს, შეცდომით გამორიცხავს კარტოფილს რაციონიდან. ეს არ უნდა გაკეთდეს, რადგან ამ პროდუქტში შემავალი სახამებელი არ იწვევს გლუკოზის დონის მკვეთრ ცვლილებას, აქვეითებს ქოლესტერინის დონეს და აწესრიგებს ნაწლავების მუშაობას“, – განმარტა ნუტრიციოლოგმა.
ადრეული კარტოფილის კიდევ ერთი უპირატესობაა მისი კალიუმით გაჯერებულობა, რომელიც ააქტიურებს ორგანიზმიდან ზედმეტი სითხის გამოდევნას და მონაწილეობს არტერიული წნევის რეგულირებაში. ამრიგად, კარტოფილის მიღება დადებითად მოქმედებს სისხლძარღვებისა და გულის მდგომარეობაზე.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
