ყველა ადამიანს აქვს ოცნება. მრავალი წლის წინ, ჩემი ოცნება იყო დიდი ბრიტანეთი, მენახა შთამბეჭდავი ბიგ-ბენი, გამესეირნა საიდუმლოებით მოცულ ლონდონის ქუჩებში და დამელია ბრიტანელების მიერ მომზადებული გემრიელი ჩაი.
ნახევარი წლის წინ, იღბლიანი აღმოვჩნდი და ავისრულე ჩემი ოცნება. ვისეირნე ორსართულიანი ავტობუსით, ტელეფონის ჯიხურთან გადავიღე ფოტოები და, რათქმა უნდა, ნამდვილი ინგლისური ჩაი დავაგემოვნე.
დიდი ხანი ვფიქრობდი, რა გამეკეთებინა იმისათვის, რომ ბრიტანეთი სულ მხსონებოდა. მე აღმოვაჩინე გამოსავალი, რომელიც ახლა სასიამოვნოა არა მარტო ჩემთვის, არამედ მთელი ჩემი ოჯახი.
ჩემმა მეგობარმა ემილიმ, გამიზიარა ვაშლის ღვეზელის რეცეპტი, რომლის გარეშეც არ წარმოუდგენია დილა. გაერთიანებულ სამეფოში ეს ისეთივე ტრადიციაა, როგორც საფრანგეთში, დილით, კრუასანის მირთმევა.
ახლა ჩვენ გაგიზიარებთ ამ რეცეპტს. ის არ საჭიროებს დიდ ძალისხმევას. მხოლოდ ნახევარი საათი და დესერტი მზად არის.
მასალები:
- 450 გ ფქვილი
- 5 ჩ.კ. საცხობი ფხვნილი
- 1.5 ჩ.კ. მარილი
- 110 გ კარაქი
- 50 გრ შაქარი
- 450 გ ვაშლი
- 2 ს.კ. რძე
მომზადება:
1. გაახურეთ ღუმელი 200 გრადუსზე. საცხობ ტაფას გადაუსვით კარაქი. მიუხედავად იმისა, რომ ღუმელი ჩართულია, აიღეთ თასი, ერთმანეთს შეურიეთ ფქვილი, საცხობი ფხვნილი და მარილი.
2. დაჭერით კარაქი პატარა კუბიკებად და ფქვილს დაუმატეთ.
3. აურიეთ ფქვილი და კარაქი. დაამატეთ შაქარი და აურიეთ კარგად.
4. გათალეთ ვაშლი. გაჭერით ორად. ერთი მხარე გახეხეთ, ხოლო მეორე დაჭერით.
5. დაამატეთ ვაშლი ფქვილს. თანდათანობით დაამატეთ სუფრის კოვზი რძე, მოზილეთ რბილი ცომი.
6. ცომი გააბრტყელეთ, დაახლოებით 1 სმ სისქეზე.
7. მიეცით სასურველი ფორმები. ფრთილად გააკეთეთ ისე, რომ არ დაზიანდეს და გამოცხობის დროს ფორმა არ დაკარგოს.
8. დააწყეთ საცხობ ფურცელზე,ზემოდან გადაუსვით რძე და მოაყარეთ ყავისფერი შაქარი.
განათავსეთ ღუმელში დაახლოებით 20-25 წუთით.
9. გადმოიღეთ ღუმელიდან და დააწყეთ თეფშებზე.
10. აი ასე – ინგლისური საუზმე მზადაა!
დარწმუნებული ვარ, რომ ეს ღვეზელი მუდამ თქვენს მაგიდაზე იქნება. არ დაგავიწყდეთ იყიდოთ გემრიელი ჩაი.
გაუზიარეთ რეცეპტი თქვენს მეგობრებს.
