ექსპერტმა ინგა ბელიაევამ ისაუბრა, თუ შოკოლადის რა რაოდენობა არის სასარგებლო ორგანიზმისთვის.
ინგა ბელიაევას თქმით, შავი შოკოლადი, რომელიც შეიცავს ბუნებრივ კაკაოს და შაქრით არ არის გაჯერებული, შეიძლება სასარგებლო იყოს წონაში დაკლების მსურველთათვისაც კი. ექსპერტის თქმით, მისი გამოყენება აუმჯობესებს სტრესის მიმართ წინააღმდეგობას.
„ეს პროდუქტი ეხმარება დიეტით გამოწვეული სტრესის დონის შემცირებას: ის ასტიმულირებს ენდორფინისა და სეროტონინის გამოყოფას და ანეიტრალებს კორტიზოლის მოქმედებას, რითაც ხელს უშლის ჭარბ კვებას“, – განაცხადა ბელიაევამ.
სპეციალისტმა აღნიშნა, რომ კაკაოს კარაქი შეიცავს დიდი რაოდენობით მონოუჯერ ცხიმოვან მჟავეებს, რომლებიც ააქტიურებენ ნივთიერებათა ცვლას და ცხიმების წვას.
რა რაოდენობით უნდა მივირთვათ შოკოლადი?
„წონის დაკლებისას რეკომენდებულია დღეში არაუმეტეს 25 გრამი შავი შოკოლადის ან ასგრამიანი ფილის მეოთხედის მიღება, ასეთი პორცია შეიცავს დაახლოებით 155 კკალს“, – განმარტა ექსპერტმა.
კაკაო, რომელიც შავი შოკოლადის საფუძველია, შეიცავს პოლიფენოლებს – ეს ნივთიერებები ანტიოქსიდანტებია, რომლებიც ამცირებს ოქსიდაციურ სტრესს და აუმჯობესებს სისხლის მიმოქცევას. მისი მიღება უკიდურესად სასარგებლო გავლენას ახდენს გულ-სისხლძარღვთა სისტემაზე, ხელს უწყობს ინფარქტისა და ინსულტის რისკის შემცირებას, არტერიული წნევის დაქვეითებას და ტვინის ფუნქციის გაუმჯობესებას.
ბელიაევამ დასძინა, რომ თეთრი და რძიანი შოკოლადი ხშირად შეიცავს ძალიან ცოტა კაკაოს, მაგრამ ამავე დროს ზედმეტად გაჯერებულია შაქრით, ცხოველური ცხიმებით და არასასურველი დანამატებით.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
