კლასიკური ფრანგული მანიკიური მრავალი წელია მოდიდან არ გადასულა. თუმცა, თუ გაზაფხულის მიჯნაზე ექსპერიმენტი მოგინდებათ, გირჩევთ გაიმეოროთ ამ ნეილ არტის მოდური ვარიაცია.
ელ გერშტეინი, ტომ ბაჩიკის მსგავსად, ჰოლივუდის მთავარ სახელგანთქმულ ფრჩხილის ოსტატად ითვლება. ბლეიქ ლაივლი, ჯეილო, დრიუ ბერიმორი, ქეით ბეკინსეილი, ლინდსი ლოჰანი, ჯენიფერ ლოურენსი, ჯიჯი ჰადიდი, ნატაშა ლიონი, ლენი კლუმი, გალ გადოტი, გლენ კლოუზი, მერაია კერი, ლილი რეინჰარტი და მრავალი სხვა ცნობილი სახეები მანიკიურს მასთან იკეთებენ. ინტერნეტ სივრცეში მისი დიზაინები შეიყვარეს სიმარტივის, ელეგანტურობისა და აქტუალური ტენდენციების ჰარმონიული კომბინაციის გამო. ის ყოველთვის მოდის დღის წესრიგშია, რის გამოც მოდის მიმდევრები მისი ექაუნთიდან შთაგონებას იღებენ.
საიდუმლო არ არის, რომ მოდა ძალიან ცვალებადია და მისი უნიკალურობა მდგომარეობს იმაში, რომ გუშინდელი ანტი-ტრენდები შეიძლება კვლავ დაბრუნდეს და ადგილი დაიკავოს აუცილებელთა შორის. თვალსაჩინო მაგალითია დიზაინი ცხოველური მოტივებით. მტაცებლური პრინტები დაბრუნდა მოდის პოდიუმებზე, რათა კიდევ ერთხელ მოიგოს ჩვენი გული. და მათ არც სილამაზის ინდუსტრიას აუარეს გვერდი.
ცოტა ხნის წინ, ნიუ-იორკში Michael Kors-ის შემოდგომა-ზამთრის 2024/2025 წლების ახალი საშემოდგომო კოლექციის ჩვენება გაიმართა. დიზაინერის მთავარმა მუზამ და გერშტეინის საყვარელმა კლიენტმა, მსახიობმა ბლეიკ ლაივლიმ, მხარი დაუჭირა ახალი „მშვიდი ფუფუნების“ ესთეტიკას და საღამოზე გამოჩნდა კაშკაშა ქურთუკით ჟირაფის პრინტით და შესაბამისი მინი ქვედაკაბით, მოდური მორგებული ჯემპრით, მაღალი ტყავის ჩექმებით, შესატყვისი ჩანთითა და მრავალი ოქროსფერი სამკაულით. თუმცა, ყველაზე ყურადღებიან გამომწერებზე შთაბეჭდილება მოახდინა არა იმიჯმა და არც ყავისფერი ქვებით მოჭედილმა დიდმა ბეჭდებმა, არამედ მანიკიურმა, რომელიც შესანიშნავად ერწყმოდა სამოსს და ძალიან ეფექტურად გამოიყურებოდა.
ელმა ვარსკვლავს გაუკეთა ფრანგული მანიკიური ძალიან საინტერესო ტექნიკით და ცხოველური პრინტით. ფრჩხილის დიზაინი ქვეწარმავლების კანის იმიტაციური პრინტით რამდენიმე წლის წინ გამოჩნდა. მაშინ ინტერნეტში მას #SerpentNails უწოდეს. როგორც გაირკვა, ეს დიზაინი ჯერ კიდევ აქტუალურია, მაგრამ განსხვავებული შესრულებით. ახლა ოსტატები ოვალებს კი არ ხატავენ ფრჩხილებზე ისე, რომ ისინი გველის ან ნიანგის კანს გავდეს, არამედ თამაშობენ ფორმებით, იმეორებენ სხვა აფრიკული ცხოველების დიზაინს. მაგალითად, იგივე ჟირაფის.
ასეთი მანიკიურისთვის მოდურია ნებისმიერი ფორმის არჩევა, თუმცა სასურველია ოვალური და მომრგვალებული საშუალო სიგრძის არჩევა, რომ ძალიან გამომწვევად არ გამოიყურებოდეს. ზოგადად, შეგიძლიათ გამოიყენოთ ნებისმიერი ფერი, თუმცა ტრენდში მოსახვედრად უფრო ნატურალური უნდა აირჩიოთ.
ლაქის გამოყენების ტექნიკა იგივეა. ფრანგული მანიკიურის ეფექტის მისაღწევად, დაიწყეთ ფრჩხილის ფირფიტის უმეტესი ნაწილის ფერით დაფარვით. შემდეგ გააშრეთ და გამოიყენეთ სპეციალური გელი – ეს დაგეხმარებათ სასურველი ბუნდოვანი დიზაინის შექმნაში. დანარჩენი – ყველაფერი კლასიკის მიხედვითაა.
