თერაპევტმა ვიქტორია ივანოვამ თქვა, რომ არასოდეს არ უნდა გავაცხელოთ ადრე უკვე შემწვარი საკვები ზეთში.
თერაპევტი ივანოვა ადამიანებს მოუწოდებს, რომ მათი ყოველდღიური რაციონი უნდა შეიცავდეს რაც შეიძლება ნაკლებ კერძს, რომელიც შემწვარია „დაბრაწულ ქერქამდე“.
„ყველაზე საშიში შემწვარი საკვებია: ხორცი, ნამცხვრები, ღვეზლები, ნაგეტსები და კარტოფილი ფრი“, – განაცხადა ექიმმა.
ივანოვამ თქვა, რომ ქერქიანი კერძები კანცეროგენის წყაროს წარმოადგენს. როდესაც შეწვის დროს საკვების ზედა ფენა ქერქად იქცევა, გამოყოფს აკრილამიდს, რომელიც კანცეროგენია. ადამიანის ორგანიზმში მოხვედრილი კანცეროგენები ხელს უწყობს სიმსივნის წარმოქმნას. განსაკუთრებით საზიანოა შემწვარი საკვების მიღება, რომელიც ხელმეორედ გაცხელდა ზეთში, – აღნიშნა თერაპევტმა.
„უკვე შემწვარი საკვების ზეთში გაცხელება არ შეიძლება, მით უმეტეს, იმავე ზეთში, რომელშიც იყო შემწვარი. გაცხელებისას ზეთიდან გამოთავისუფლდება კომპონენტები, რომლებიც ტოქსიკურია ორგანიზმისთვის“.
ვიქტორია ივანოვამ დასძინა, რომ შეწვა საკვებს ხდის ბევრად უფრო კალორიულს, რადგან ის თითქმის მთლიანად გაჯერებულია ცხიმებით. ასეთ საკვებზე დამოკიდებულება ხელს უწყობს ჭარბი წონის სწრაფ გამოვლენას და ზრდის სიმსუქნესთან დაკავშირებული დარღვევების რისკს.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
