ეს პროდუქტი მრავალი წელია არ გამომიყენებია და მიმაჩნია, რომ მავნეა. მაგრამ, თურმე რას უშვრება ის კანს და თმას! ყველაზე პირდაპირი გაგებით, ის გარდაქმნის მათ და ჩუქნის ბრწყინვალე ეფექტს პირველივე გამოყენების შემდეგ.
ვივიენის დღევანდელ სტატიაში გაგიზიარებთ უმარტივეს სახის ნიღბის რეცეპტს, რომელიც საფუარისგან მზადდება და იძლევა შედეგს პირველივე გამოყენებისთანავე, კერძოდ:
- ფორების ღრმა წმენდა;
- კანის ფერის გაუმჯობესება და გათანაბრება;
- მიკროელემენტებით გაჯერება და როგორც შედეგი, ტონიზირება;
- კანი ხდება გლუვი და რბილი.
საფუარზე დაფუძნებული ნიღბების რეგულარული გამოყენებით, შეგიძლიათ მიაღწიოთ კანის ლიფტინგს, გააუმჯობესოთ მისი ტურგორი და მიიღოთ ძალიან ლამაზი ტონი სიწითლისა და მონაცრისფრო შეფერილობის გარეშე.
საფუარის, როგორც მოვლის საშუალების ეფექტი შედეგიანია ამ პროდუქტის შემადგენლობის გამო:
საფუარი არის B ვიტამინების წყარო, რომლებიც მონაწილეობენ ყველა სახის მეტაბოლურ პროცესებში და პასუხისმგებელნი არიან კანის ნორმალური მდგომარეობის შენარჩუნებაზე.
საფუარის ნიღბების გამოყენება არ შეიძლება იმ შემთხვევაში, თუ კანის მთლიანობა დარღვეულია ან გაქვთ დერმატოლოგიური დაავადებები. გარდა ამისა, შეიძლება არსებობდეს ინდივიდუალური შეუწყნარებლობა, მაგრამ ასეთი რეაქცია საფუარზე გვხვდება ადამიანთა მცირე რაოდენობაში.
დღეს გაგიზიარებთ უმარტივეს ნიღაბს, რომლისთვისაც არაფრის ყიდვა არ დაგჭირდებათ. მხოლოდ საფუარი და წყალი.
ყოველთვის რეკომენდებულია დაპრესილი „ცოცხალი“ საფუარის გამოყენება. ის მართლაც საოცარ ეფექტს იძლევა, მაგრამ მშრალიც საკმაოდ კარგად ასრულებს თავის საქმეს. მისი შენახვა უფრო მოსახერხებელია და ყიდვა უფრო ადვილი. ასე რომ, რამდენიმე წლის წინ ვცადე რამდენიმე რეცეპტი თმისა და სახისთვის. შედეგმა სასიამოვნოდ გამაოცა: ცოცხალთან საფუარსა და მშრალს შორის განსხვავება არც ისე დიდია.
საფუარის ნიღბის რეცეპტი სახისთვის
საჭიროა:
- დაახლოებით ნახევარი სუფრის კოვზი საფუარი;
- თბილი წყალი;
- პირსახოცი ან ხელსახოცი, შეგიძლიათ გამოიყენოთ მრავალფენიანი ერთჯერადი.
საფუარს დაასხით თბილი წყალი და აურიეთ. წყლის რაოდენობა უნდა იყოს მცირე, წყალს ვასხამ კოვზით, რომ ზედმეტი არ მომივიდეს. ნარევი საკმაოდ სქელი უნდა იყოს.
ის უნდა წაისვათ სუფთა, მშრალ კანზე და დაიფაროთ ნამიანი, თბილი პირსახოცი ან ხელსახოცი (ეს ნიღაბი საკმაოდ ადვილად ჩამოიბანება).
ნამიანი პირსახოცი გამოიყენება საფუარის ნიღბის ტენიანობის შესანარჩუნებლად და ნიღბის დანაწევრების თავიდან ასაცილებლად. ეს მნიშვნელოვანია, რადგან ნიღაბი მუშაობს მხოლოდ სველ მდგომარეობაში.
როგორც ალტერნატივა, შეგიძლიათ გამოიყენოთ საკვები ცელოფანი, მოათავსოთ ის ისე, რომ ცხვირი ღია იყოს და გქონდეთ სუნთქვის საშუალება.
ნიღბით შეგიძლიათ დაწვეთ და დაისვენოთ დაახლოებით 15 წუთის განმავლობაში. შემდეგ ჩამოიბანოთ თბილი წყლით.
ეს ნიღაბი კეთდება კვირაში 1-2-ჯერ, არა უფრო ხშირად. ყოველი მორიგი გამოყენებისას ეფექტი დაგროვდება და უფრო ნათლად გამოჩნდება.
