დიეტოლოგი მარგარიტა კოროლიოვა: რძის პროდუქტების მოხმარების შედეგები შეიძლება იყოს სხვადასხვა აუტოიმუნური პათოლოგიები.
ექიმმა კოროლიოვამ თქვა, რომ ასაკოვანი ადამიანების მიერ რძის პროდუქტების მოხმარება გარკვეულ რისკს შეიცავს.
„როდესაც პაციენტები მოდიან დაავადების გამომწვევი მიზეზების საძიებლად, აღმოჩნდება, რომ ამ სახის პრობლემის წარმოქმნის ერთ-ერთი ფაქტორი რძის პროდუქტებია“, – განაცხადა ექიმმა.
მარგარიტა კოროლიოვამ განმარტა, რომ ასაკის მატებასთან ერთად რძე შეიძლება სულ უფრო და უფრო ნაკლებად შეიწოვოს ორგანიზმის მიერ. ეს დაკავშირებულია იმასთან, რომ ასაკის მატებასთან ერთად საჭმლის მომნელებელი სისტემა ბუნებრივად ამცირებს აქტივობას, წარმოქმნის ნაკლებ ფერმენტებს, რომლებიც აუცილებელია რძის დასაშლელად. თუ ადამიანი აგრძელებს რძის პროდუქტების აქტიურად მოხმარებას, მისი ორგანიზმი განიცდის მუდმივ სტრესს. შედეგად, იმუნური სისტემა შეიძლება „აჯანყდეს“ და რეაგირება მოახდინოს ყველაზე არასასურველი გზით.
ექიმმა კოროლიოვამ თქვა, რომ რძის პროდუქტებმა შეიძლება გამოიწვიოს იმუნური რეაქციები სხვადასხვა პათოლოგიის სახით.
„ორგანიზმი პასუხობს იმუნური რეაქციით, რომელიც შეიძლება გამოვლინდეს კანის დაავადებების, ხშირი გაციების, ფარისებრი ჯირკვლის, შინაგანი ორგანოებისა და სახსრების აუტოიმუნური პათოლოგიების სახით“.
ექსპერტის აზრით, მსგავსი რეაქციების გაჩენას შესაძლოა ხელი შეუწყოს იმანაც, რომ დღეს მაღაზიებში არსებული რძის პროდუქტები მთლიანად ნატურალური არ არის და შესაძლოა შეიცავდეს არასასურველ, პოტენციურად ალერგენულ კომპონენტებს.
„ახლა ფერმები ბევრ განსხვავებულ კომპონენტს იყენებენ პირუტყვის ზრდისა და უსაფრთხოების უზრუნველსაყოფად, რაც ასევე ახდენს გავლენას პროდუქტის ხარისხზე“, – თქვა ექსპერტმა.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
