იის ფოთლები ლპება. ძირითადი მიზეზები

1465

უჩვეულო სილამაზის წყალობით, ია მეყვავილეების (დამწყები და გამოცდილი) ერთ-ერთი ყველაზე საყვარელი ოთახის მცენარეა. იმისდა მიუხედავად, რომ ეს ყვავილი სრულიად უპრეტენზიოა, ის მგრძნობიარეა სხვადასხვა დაავადებების მიმართ. ვივიენის დღევანდელ სტატიაში ვისაუბრებთ, თუ რატომ ლპება იის ფოთლები და რა უნდა გავაკეთოთ ამ შემთხვევაში.

გაარკვიეთ, რატომ იწყებს თქვენი ოთახის მცენარე ჭკნობას. აუცილებლად დაადგინეთ მიზეზი და შემდეგ დაიწყეთ ყვავილის განუმეორებელი სილამაზის აღდგენა. დღევანდელ სტატიაში ასევე ვისაუბრებთ იმაზე, თუ როგორ უნდა გადაარჩინოთ იგი.

იის ფოთლების ლპება: პრობლემის მიზეზები და აღმოფხვრის მეთოდები

პირველი მიზეზი: არასათანადო პირობები

გათბობის სეზონზე ეს ყვავილი ძალიან ზარალდება. ვინაიდან ია ძირითადად ფანჯრის რაფაზე დგას, მასზე ზემოქმედებს გათბობის თბილი ჰაერი ქვემოდან და ცივი ჰაერი ფანჯრის ჩარჩოდან. ტემპერატურის ცვლილებები ყვავილის ყველაზე დიდი მტერია. ამის და ორპირი ქარის გამო მცენარის ფოთლები იწყებს ლპობას.

მეორე მიზეზი: მოვლის დროს დაშვებული შეცდომები

უხვი მორწყვა კოშმარია ნებისმიერი იისთვის. ცივ პერიოდში მცენარის წყლით დატბორვაზე უარესი არაფერია. ასევე, იამ უნდა მიიღოს ყველა საჭირო საკვები ნივთიერება. ამიტომ ნიადაგის განაყოფიერება რეგულარულად (ზამთარშიც კი) უნდა მოხდეს.

მესამე მიზეზი: დაბინძურებული ნიადაგი

ფოთლების ლპობის დაწყებას იწვევს სოკოები. ისინი შეიძლება დარჩეს ნიადაგში ძალიან დიდი ხნის განმავლობაში. ამიტომ, თუ მანამდე ამ ქოთანში ძლიერ დაავადებული ყვავილი იყო, არავითარ შემთხვევაში არ გამოიყენოთ ეს ნიადაგი. გადაყარეთ. მოახდინეთ ქოთნის დეზინფექცია და ახალი მიწით შეავსეთ.

სოკოვანი დაავადების ნიშნები

გახსოვდეთ, რომ ლპობა შეიძლება შეეხოს არა მხოლდ მცენარის ფოთლებს, არამედ მის ფესვებსაც. ამის გამო ძალიან მნიშვნელოვანია სოკოვანი დაავადების გაჩენის შემჩნევა ადრეულ სტადიაზე. ხედავთ, რომ იის ქვედა ფოთლები ნაცრისფერი და წყლიანი გახდა? ეს ლპობის დაწყების აშკარა ნიშანია. ზოგჯერ, პირველად შეიძლება შეამჩნიოთ ყავისფერი სველი ლაქების გაჩენა და კალმების ჭკნობა (გაშავება) თავად ღეროსთან ახლოს. ეს ასევე მიუთითებს სოკოვანი დაავადებით ინფიცირებაზე. ფოთლების შიგნით შეხვევა და ჩამოცვენა კიდევ ერთი სიმპტომია.

როგორ გადავარჩინოთ მცენარე

თუ იის ფოთლების ლპობის ერთ-ერთი ზემოაღნიშნული ნიშანი გამოვლინდა, დაუყოვნებლივ უნდა გააცალკევოთ იგი სხვა ყვავილებისგან. მცენარეს ვიღებთ ქოთნიდან. ვამოწმებთ ფესვებს, არის თუ არა გაშავებული ნაწილები. ისინი უნდა მოიჭრას. ასევე უნდა მოიჭრას ის ფოთლები, რომლებმაც დაიწყეს ლპობა. ია ახალ მიწაში უნდა გადაირგოს. ის უნდა დამუშავდეს ნებისმიერი შეძენილი სოკოს საწინააღმდეგო საშუალებით. დეზინფექციის მიზნით, ასევე გირჩევთ ნიადაგში დაქუცმაცებული გააქტიურებული ნახშირბადის ტაბლეტების დამატებას!

სანამ სოკოვანი დაავადების ნიშნები მთლიანად არ გაქრება, ყვავილი არ უნდა მოათავსოთ სხვა მცენარეებთან. აუცილებლად ადევნეთ თვალ-ყური ტენიანობას და ტემპერატურულ პირობებს სახლში. არ დატბოროთ მცენარე წყლით და მაშინ ია ძალიან დიდხანს გაგახარებთ თავისი სილამაზით.