ექიმმა სოფია სტებნიცკაიამ თქვა, რომ კეფირი, კომბოსტოს მწნილი და პრობიოტიკების შემცველი სხვა პროდუქტები სასარგებლოა ზამთარში იმუნიტეტის გაძლიერებისათვის.
ექიმმა სტებნიცკაიამ ერთ-ერთ ინტერვიუში თქვა, რომ ზამთარში კეფირის, ნატურალური იოგურტის, ხაჭოს და მწნილეულის გამოყენებით ორგანიზმი უფრო დაცული ხდება ინფექციებისაგან. პრობიოტიკების შემცველი ეს პროდუქტები სასარგებლოა იმუნიტეტისთვის, დაამატა მან.
„ძველებური რეცეპტებისა და თანამედროვე ტექნოლოგიების წყალობით ფერმენტირებული რძის პროდუქტები ყველასთვის ხელმისაწვდომი გახდა. კეფირი და იოგურტი მდიდარია პრობიოტიკებით, რომლებიც ხელს უწყობს ნაწლავის ჯანმრთელობას და აძლიერებს იმუნიტეტს“, – დასძინა სტებნიცკაიამ.
დამატებით სპეციალისტმა თქვა, რომ ხაჭო ასევე წარმოადგენს ცილის, D ვიტამინის და კალციუმის წყაროს. ეს საკვები ნივთიერებები ხელს უწყობს იმუნური სისტემის გამართულ მუშაობას. თავის მხრივ დამწნილებული ბოსტნეული, იგივე კომბოსტოს მწნილი შეიცავს C ვიტამინს, რომელიც დადებით გავლენას ახდენს ორგანიზმის იმუნური რესურსების მდგომარეობაზე, მის უნარზე შეინარჩუნოს წინააღმდეგობა ვირუსების მიმართ.
გარდა ამისა, ზამთარში ორგანიზმის წინააღმდეგობის შენარჩუნებას ვირუსული დაავადებების მიმართ ხელს უწყობს თაფლის გამოყენება. სტებნიცკაიას თქმით, თაფლი შეიცავს ფერმენტებს, ამინომჟავებს და ვიტამინებს, რომლებიც ეწინააღმდეგებიან ინფექციებს.
ზამთარში იმუნიტეტისთვის სასარგებლო პროდუქტებად ექიმმა დაასახელა ასევე ნიორი, ჯანჯაფილი და ასკილი. ჯანჯაფილი და ნიორი გამოირჩევა ანთების საწინააღმდეგო თვისებებით. რაც შეეხება ასკილს, ის შეიცავს არა მხოლოდ С ვიტამინს, არამედ დიდი რაოდენობით A ვიტამინსაც, რომელიც ხელს უწყობს ლორწოვანი გარსის აღდგენას და ასევე იმუნიტეტის გაძლიერებას.
ასევე, არ უნდა დაგვავიწყდეს მოცვი. ის მდიდარია ანტიოქსიდანტებით და С ვიტამინით და ამიტომ წარმოადგენს შესანიშნავ პროდუქტს ორგანიზმის გაძლიერებისთვის“, – აღნიშნა სტებნიცკაიამ.
მნიშვნელოვანია! ინფორმაცის მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველივე ნიშნებისას მიმართეთ ექიმს.
