ექიმი თერაპევტი იმუნოლოგი ირინა იარცევა: ვიტამინ B 12-ის დეფიციტი შეიძლება ჰქონდეთ ადამიანებს, ვინც მიირთმევს ძალიან ცოტა ხორცს ან ბოროტად გამოიყენებს ალკოჰოლურ სასმელებს.
თერაპევტმა იარცევამ თქვა, რომ ორგანიზმში ვიტამინ B 12-ის საკმარისი დონე უზრუნველყოფს ადამიანის ფსიქოემოციურ ჯანმრთელობას და ასევე დიდ გავლენას ახდენს საჭმლის მომნელებელი სისტემის ნორმალურ ფუნქციონირებაზე.
„ორგანიზმში ვიტამინ B 12-ის დეფიციტის კომპენსირება ძალიან მნიშვნელოვანია“, – განაცხადა ექიმმა.
იარცევამ ყურადღება გაამახვილა იმაზე, რომ ამ ვიტამინის საუკეთესო წყაროა ცხოველური წარმოშობის საკვები, პირველ რიგში ხორცი და სუბპროდუქტები. რაციონში ასეთი პროდუქტების ქრონიკული ნაკლებობისას ვიტამინ B 12-ის დეფიციტის რისკი მნიშვნელოვნად მატულობს, ისევე როგორც იმ შემთხვევებში, როდესაც ადამიანი ბოროტად გამოიყენებს ალკოჰოლურ სასმელებს. სხვა შესაძლო მიზეზებია – კუჭის ოპერაცია, კუჭ-ნაწლავის პრობლემები, ზოგიერთი მედიკამენტის მიღება.
ექიმმა დაასახელა სიმპტომები, რომლებიც მიუთითებს ვიტამინ B 12-ის დეფიციტზე: ეს შეიძლება გამოიხატოს მუდმივი სისუსტით, ხელებისა და ფეხების დაბუჟებით, ცუდი მადით, ენის ანთებით.
„ასევე, ვიტამინ B 12-ის ნაკლებობამ შეიძლება გამოიწვიოს ანემია, კანის სიმშრალე, ნევროლოგიური ჩივილები, დაღლილობა, ნევროზულობა და სტრესისადმი წინააღმდეგობის დაქვეითება“, – დასძინა ექსპერტმა.
იარცევას თქმით, ვიტამინ B 12-ის დეფიციტის აღმოფხვრის საუკეთესო მეთოდია ინტრამუსკულარული ინიექციები.
მნიშვნელოვანია! ინფორმაცის მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველივე ნიშნებისას მიმართეთ ექიმს.
